أعتذار للجميع بخصوص اخر موضوع لي X الرش الكامل بالجبر كيا X

السلام عليكم ورحمة الله وبركاته

كيفكم عساكم طيبين ان شاء الله

بخصوص للي يدرسون سواء جامعات وكليات او طلاب مدارس

حبيت أدعي لكم , ان الله ييسرها عليكم , ويوفقكم , وبس حبيت اذكر للي يقول السنه الجايه بأشد حيلي , يالله يابطل شد حيلك من الآن :)

وبادخل في موضوعي اليوم وهو مو موضوع ولكن يسمى اعتذار

انا نزلت موضوع بخصوص الرش الكامل في وكاله كيا ( الجبر ) ب 5200 ريال

رابط للموضوع http://chevrolet.montada.haraj.com.sa/44002

وكان كلامي صحيح , وجاء واحد وقلد اسمي وانتحل شخصيتي وكذبني قدام الجميع بدون سابق انذار

لكن عندي معلومه ولابد اصحهها وهي مهمه جدا وهي غلطتي ايضا واعتذر من الجميع

والغلط اني ما سألته متى رشيتها , لانه شكله رشها من قبل 4 سنوات , وأنا اصلا ما ادري كيف ماسألته عن تاريخ الرشه

لان اكيد الاسعار ارتفعت

وايضا عشان اثبتت للي قلدني وقلد شخصيتي وكذبني واتهمني اني ألفت القصه من راسي , وقال إنك نصاب وإنك ما تعرف الرجال

إني والله كنت صادق وربي الشاهد على كلامي إن كل اللي قلته صدق والمحادثه نقلتها لكم بلا زياده ولا نقصان , ولكن تاريخ الرشه ما سألت عنه :( وهذا هو اللي سوا المشاكل

فحبيت أعتذر للجميع , واتمنى من الكل يسامحني , والإنسان لو مهما كان , ما راح يوصل لمرحلة الكمال , لان الكامل الله سبحانه وتعالى , والإنسان يحدث منه أغلاط , وما أجمل إن اخطأ وأعتذر , وأنا هنا اخطأت والآن رجعت لكم لاعتذر , فاتمنى من الجميع إنهم يتقبلوا اعتذاري

و حبيت ابين للي قلدني إني ماني متكبر , واني ماني مغرور , لإننا كلنا بشر , فليه اتكبر وإحنا مثل بعض , مين انا على شان اتكبر وانا عارف اني غلطان , انا عبد لله , اخطأ ووجب علي الاعتذار , مهما كنت ومهما كان منصبي فإحنا في الاخير بشر وعبيد لله , فإن حدث خطأ منا يجب علينا الاعتذار

وبالعكس اللي يعتذر دايم يحس بنفسه , انه انسان ماهو ملاك ودايم يحدث منه خطأ ولازم يعتذر , واللي يشوف نفسه ودايم يحسب كل كلامه صح ولا يعتذر , فهذا هو المغرور والمتكبر

ودايم اللي يعتذر ترا هذا يدل على شجاعته وقوة شخصيته وثقته بنفسه ومحبته للاخرين

فخلونا دايم نعتذر ونترك التكبر والتبرير , اعتذر , وش فيها , انت غلطان , اعترف انك كنت غلطان وتطلب الصفح من الله ثم من غلطت في حقهم , لا تقول لي بأهين نفسي , لان والله ما يسويها الا الواثق من نفسه , خلك رجال واثق من نفسك , واعتذر بنية صادقه معترف بغلطك وانك يوم عرفت انك على غلط اسرعت في الاعتذار , ودايم الواحد لا اعتذر يحس بقيمة نفسه كإنسان ويعرف ان الكمال لله فما تاخذه العزه بالنفس , والتبرير وانه دايم على صح والناس كلها غلط , ويغرس فيه التواضع , ومن تواضع لله رفعه

وايضا عندي تعليق للي دايم يدور زلات الناس , ولا يكلمهم بالاول , ترا والله لتتعب نفسيا وتكسب ذنوب لانك تثير فتن وسب وشتم وجدال

ياخي لو كلمتني في الخاص والله لادعي لك لانك كلمتني وخليتها مني , احسن من انك تكذبني امام الجميع

وان قلت لك ليه هذا الحقد والحسد تجي وتقول هذا والله مو حسد ولا شيء

اجل وش يكون , لو ما انت بحاسد ولا حاقد , ما كان دورت علي الزله , وقمت قلدتني , وانتحلت شخصيتي , وكذبتني وقللت من قدري من دون ما تكلمني بالاول , يعني لو كنت كلمتني بالاول , وصديت عنك , او قلت لك ما لك شغل , كان عذرناك , لكن انت ابدا ما كلمتني على طول اتهمتني كذا !! الله يصلحك بس

واللي يسوي مثله , راح يجي يوم , ويفضحوه الناس و يتكلمون فيه , واعرف إن اليوم اللي تزرعه بكره راح تحصده , فأعرف ما تزرع اليوم عشان بكره لا تتفاجيء فيه اذا حصدته :)

وبس

فخلاصة الكلام , انا نزلت موضوع , بخصوص الرش بوكالة الجبر وجهين ب 5200 , والمعلمومه صحيحه ولكن قبل 4 سنوات , وهذا غلط مني , لإني ما سألته متى رشيتها وتوها اتضحت لي الصوره انها من قبل 4 سنوات او 5 سنوات , فبادرت بالاعتذار وتبين الغلطه للجميع عشان لا احد يروح بكره وينطلم بالاسعار ويقول والله ابو يزيد هذا بأفقع وجه هههههه

فأعتذر للجميع :) واتمنى منهم انهم يقبلوا اعتذاري

وبحط المحادثه اللي دارت بيني وبينه , ومقطع لواحد صوته روووعه والله يوم تسمعه ترتاح , يصلح للي متكدر من الداومات وكذا , والله جميل يخليك ترتاح نفسيا وتحس ان الله معك ويهون عليك كل شيء :) اتمنى منكم تسمعونه

في الختام تحياتي لكم / اخوكم ومحبكم اسامه الغامدي ( ابو يزيد

http://www.youtube.com/watch?v=Vx7IWUqrJVc&index=275&list=WL&hd=1