أضف سؤال أو موضوع جديد          

الدليل على مصداقيتي _ ارجوا من الجميع الدخول لكي ابين موقفي

up 31 down 7
ابو يزيد 000 8688
قبل 3 سنه و 3 شهر




السلام عليكم ورحمة الله وبركاته

كيفكم عساكم بخير ان شاء الله

اولا , عسا الله يسامح كل من كذبني وصدق الحشره اللي قلدني ( إبو يزيد 000 ) بكسر الالف / وانا والله ماني مسامحه هو بالذات لكن الجميع مسامحهم

وانا كنت مصر إنها بوكالة الجبر , لان اللي كلمته ( راعي الكابرس الازرق ) قالي هذا الكلام , فكيف تبغاني اكذب نفسي الله يسعدك , انا مصدقك وكتبت للي قلدني انا مصدقك والله , وايضا كلامي لا زال صحيح , بخصوص إني كلمت صاحب السياره وقالي هالكلام , وانا نقلته , فالغلط هنا من اللي كلمته مو مني , لاني انا اقوله اني كلمته وقالي كذا

وهو مكذبني ويقول انت ألفت القصه من راسك وانه اصلا مافيه واحد كلمته وقال هالملعومات وانه رشها بوكاله الجبر يقولي والله انك كذاب ولا احد كلمك ولا كلمت احد , ,وهذا كله كذب في كذب , وكل ماجيتك طلعت لي بحجة انه كان يبيع جنوط سيارته , روح يا عمي ومدري ايش , ووالله انك كذاب و الشرهه على الدلوخ اللي يصدقوك

واذا انتم مو متأكدين , ادخلوا موضوعي هذا وشوفوا رسائله علي وعلى اللي يعزوني

http://chevrolet.montada.haraj.com.sa/44167

اتهمني اني كل اللي قلته كذب واني ما كلمت ابدا احد واني انا اللي طلعت هالقصه وخرفتها ووخرفت السعر وكل شيء

ويقول قدام الاعضاء انه هو الصادق , وانه جاء لمي وقالي انها مرشوشه في شركه امريكيه وانا كذبته ( وانا والله العظيم صدقته )وشوفوا رسائلي الاولى في الموضوع اللي رابطه فوق

قام واتهمني اني كذبته ( وانا صدقته ) , وقال عني , إني متكبر ومغرور , وقام يرسل رسائل خاصه للجميع ويطيح من سمعتي

وانا اللي مصدقه وهو اللي مكذبني , وانا حلفت باللي سواني وسواه ان راعيها قالي كذا , وقام المنافق يقول اني انا اللي كذبته ويرسل للجميع عشان ينقص من قدري ومصداقيتي امام الجميع

لكن الله قال إنه مع المظلوم اكيد وانه على الظالم شديد

والحمد لله ربي جعل لي من كل عسر >> يسر

كان عندي الدليل ( وهو المحادثه ) ولكن فقدتها لانها قديمه , وحسبت ان نظام الموقع يحذف الرسائل القديمه , وكتبت رد في الموضوع قبل كم من يوم اني لو اقدر اجيب الدليل وهو المحادثه كان جبتها عشان تصدقوني وتعرفون اني صادق وانا ما الفت هالقصه من راسي وانا ما ادعيت هذا كله , لكن المشكله ان رسائلي القديمه محذوفه كلها وانا الحين في موقف لا احسد عليه

والله ياشباب إني كنت مقهور لانه هو دليلي الوحيد , وبكذا بأققد صدقي امام الجميع , والحين راح تنزل سمعتي مع اني والله ما كذبت بأي شيء من اللي قلته لانه فعلا حصل ودارت بيني وبنيه محادثه وكان فيه اعلان له عشان يبيع جنوط سيارته

لكن الله سبحانه وتعالى الهم لي شخص , بيض الله وجهه اسمه ( سمو الحياة ) , وعلمني طريقه كيف استرجع الرسائل القديمه والله جاني من الله , عسا الله يسعده , واحمد ربي سبحانه وتعالى لانه وقف معي لاني كنت مظلوم فعلا

وسويت الحركه ونجحت وطلعت الرسائل القديمه , وبقدرة قادر , جت يدي على الرساله ( الدليل ) ما بين مئات الرسائل والله ما تعبت فيها والمشكله ان مالها عنوان محدد , لا بشكل عشوائي دخلت عليها لان كان فيها ردود كثيره , والحمد لله , دخلت ولقيت محادثتي , والله ما تتصورون قدر فرحتي لاني الحين معي الاثبات , والحين أقدر اثبت لكل اللي كذبوني

( او شكوا فيني لكن قالوا ابو يزيد اكيد ما يسويها وينتظرون مني التوضيح )

فأنا الآن جبت الاثبات وهي المحادثه اللي دارت بيني , وبينه + الاعلان

يعني لو نزلت الاعلان فقط , كان قال بعض الناس , صحيح نزل صور للسياره وقال يبغا يبيع جنوطه لكن ما قالك انها له السياره , وانه رشها بالجبر ب 5200 يعني لا زالت القصه مو مصدقه

لكن الحمد لله اني لقيت الاعلان + المحادثه , عشان تكون دليل قوي لكل من كذبني واولهم منتحل شخصيتي

ما ادري وش موقفه بعد ما يشوف الدليل ويعرف اني كنت صادق واني ما خرفت هالقصه واني كذاب في كل مواضيعي مثل ما يدعي علي

فهل بيتعذر ولا لا ؟ بيطلع بعضويته الاصليه ويقدم اعتذاره امام الجميع مثل ما سويت ولا لا

على العموم , كل واحد ومعدنه , وانا احمد ربي واشكره اني معدني نظيف مهما سار لي , ولا يمكن اكون مثل منتحل شخصيتي معدنه مع الاسف ....... وانا ماني مسامحه , الا لما يعتذر امام الجميع لانه نزل من قدري كثير واتهمني بالكذب واتهمني اني اطلع نفسي الصح وانا الغلطان واتهمني اني متكبر ومغرور وما صدقته وانا صدقته يشهد الله وتأكدوا من موضوعي السابق , وايضا تكلم على اللي يعزوني كلام غير لائق , فعشان كذا والله ماني مسامحه الا لما يقدم اعتذاره لي واعتذاره لجميع من يعزوني بعضويته الخاصه , ولا نتلاقى وقت الحساب وقتها بأكون محتاج الحسنه , وراح اخذ منه قدر ما ارضى

هذا رابط الاعلان ولا زال موجود , له تقريبا 4 أشهر , يقول للبيع الجنوط , ويقول هذي صورها على السياره , وهي الكابرس الازرق

http://haraj.com.sa/114236935/

وهذي صور المحادثه اللي درات بيني وبينه يوم اعجبت بالوان سيارته الفاقعه وكلمته وسألته وين رشيتها

( أترك لكم الحكم )

وانا بعد هالمره والاهانه اللي جتني , راح اخرج من المنتدى , وعسا الله يوفقكم ويسعدكم دنيا واخره , انا ما عاد لي مكان هنا , و أطلع بكرامتي أفضل لي , لانه مع الاسف انا لي وقت طويل بالمنتدى والناس تعرفني , وطلع واحد خسيس يحب التفرقه بين المسلمين والكثير صدقه , لكن والله مسامح الجميع , لكنها حازه في خاطري , لانكم تعرفوني من وقت طويل , وجاء واحد ماتعرفوه ولعب بروسكم وصدقتوه , انا ماني شايل عليكم بشيء , لكن الخاطر مكسور

والحساد والمنافقين مثل منتحل شخصيتي , عسا الله ينتقم منهم , لانهم اهانوا ونزلوا من قدر ناس صادقين كثير وانا ما راح اكون اولهم ولا اخرهم , لكن اقول للجميع , انتبهوا منهم , انتبهوا من اللي يثير الفتن وينقل الكلام , انتبهوا من الحساد والمنافقين , والله خربت بيوت كانت طاهره والسبب كان من هذولي الاشخاص , وتم تكذيب ناس كانوا صادقين واهانوهم والسبب نفسه


في النهايه , والله تعرفت على ناس الواحد يتشرف في معرفتهم , ولو بأحصيهم يشهد علي ربي ما راح اقدر احصيهم , لانهم كثير عسا الله يسعدهم طول حياتهم

تحياتي للجميع ابو يزيد ( اسامه الغامدي )



















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود



كلنا نصدقك يا ابو يزيد وماعليك من الي ما يصدق او كذبك 

ويعطيك العافيه ع الموضوع


شكرا لك
احبببببك يا ابو يزيد 


up 1 down 1
شبح 600 sel 6071
قبل 3 سنه و 3 شهر



ابو يزيد لا تكون زعلت مني اشوفك حاط ردي

انا والله موب قصدي انشر كلامه انا ابيك تعرف وش يقول عنك عشان ترد عليه


up 0 down 3
معالم التقنية 153
قبل 3 سنه و 3 شهر