ماهو الفرق بين كابرس اس اس هولند وكابرس اس اس عادي ؟

ما في فرق اساسا الكابرس من 2000-2014 ما يجي الا بعلامات شيفروليه 
والشباب هنا يفكوا العلامات ويركبوا علامات هولدن .. كتغير بمنظر السيارة لا اكثر ولا اقل
اما كعزم ما في فرق 
اوكيه في فئات كثيرة من هولدن للكابرس واللومينا باستراليا ما تجينا واقوى من عندنا بكثير .. 
وترا الكابرس واللومينا مو شفر .. من شركة هولدن الاسترالية ♥ وشركة هولدن مملوكة لجنرال موترز 
ومحركات وقير والقطع الميكانيكية للهولدن كلها جي ام ^_^ 

متفق مع الاخ ليزو 100%

ههههههههههه الله يصلحك ياخوي ذكرتني بواحد يحب التشارجر والبقر ويعتبرهم افضل سيارات بالدنيا ويجي يتفلسف بالشفر يقولي الكابرس الهولدن اقوى من الشفر 
ههههههههههههه وهي بالاخير نفس السيارة بس الناس غيرت العلامة

لايوجد فرق بينهم   هولند  في استراليا  علامات تختلف  هنا يجبونها لك  ويغيرون علامات يحطون علامه شفروليه ولا هي بالاصل علامه هولند 

 بنسبه لي سعوديه يسمونها لومينا وكابرس اصل لومينا كانت امريكيه انقطعت في عام 99   وكابرس انقطع في عام 1996

 
 امريكا  عندهم لومينا واسمها بونتياك   تجيك زي كوبيه     بنسبه لي استرليا  يسمون لومينا كومودور


 لومينا وكابرس  جيل الاول وجيل الثاني وجيل ثالث 

مشكور ي غالي 
عندي سؤال ليه ما تجي مواصفات هولند في السعودية ؟ 
يعني بصراحة الكابرس سيارة جبارة ومع هذا سعرها غالي والمشكله نفس الشكل من عام 2007 

ليه ماتجي بعلامات هولند هذي عاد  علامات تسويق لو يجبونها بعلامات هولند ماحد بيطالع فيها 

 لكن هذي علامه تسويق  زي الاوبل جابها جميع ومافيها اي اقبال لنها ماهي معروفه كثير 

 هي نفس شكل بس فيه اختلاف بنسب للقير من 2011 صار 6 نمر ومبردين قير 

 اس اس ورويال من 2009 وفوق كلها تجي 6 نمر تعشيقات  وباقي 4 نمر ومبرد قير 

ياشباب هذا ماهو كابرس هذاعندهم في استراليا  اسمه  statesman ويبيعوه في الشرق الاوسط
 بمسمى كابرس الكابرس الامريكي الاصلي وقف زي ماقال سكودر 1996

طيب مشكورين 
من الاخر هل الكابرس ال اس اس يستحق الإقتناء 
مع مراعات ( السعر + الشكل صار له 8 سنوات ما تغير )
اذا لا يستحق الاقتناء ماهو الحل البديل بنفس او مقارب لقوة الكابرس 

^
^
لايستحق وبقووة سعر مبالغ فيه على شكل وهيكل من 8 سنوات ماتغيير 

 التغيير فقط اكسسورات ودخلية !!!

فيه عندي كرايسلر srt8 وتشارجر وموستنق 

هذي بنظري افضل من الكابرس بمراحل 

بالنسبة لك ياصاحب الموضوع نفس السيارة لكن باستراليا 6 سلندر بامكانك تعدله برخص التراب هناك والشباب الاسترالي 
يحب التعديل وال8سلندر نفس الكلام الماكينة وحدة والقير واحد بس يعدلونه ميكانيكيا يختلف الاسم والطاره يمين بس 
العالم اللي طايحه بالهولدن شافولهم مقطع تسارع وخقو على طول وقالو الهولدن أسرع ولا هو واحد 
والهولدن باستراليا والبونتياك  بامريكا و الشفر عندنا و البويك بدول شرق أسيا والسيارات وحد بس هذي سياسة gm
الصراحة يا حسين علي القرني أنا من عشاقه وسبق منت من ملاكه لكن ss 2014 ما يستاهل قيمته سعره مبالغ فيه بقوه 
وما تغير فيه غير الداخليه والجنوط وأشياء بسيطه وغير كذا عند البيع ينزل 50 الى 60 من قيمته خلال أقل من سنة 
خبري سعره قبل الإجازة 180 مدري نزل ولا لا 
أنا عن نفسي لو بشتري اس اس ادورلي على 2009 وفوق نظيف ابيض واتوكل على الله قيمته بحدود 60 70 ألف ونفس الشكل 
والآداء

المكينة وحده 
سواء كان كابرس أو ستايتسمان
واللومينا هي نفس الكومادور وفامريكا البونتياك جي 8 بنفس الهيكل والمكينة والاكسسوارات فقط العلامة تفرق

وحاليا شيفي SS في امريكا الي هي اصلا هولدن كومودور 
وبونتياك جي 8 وقف تصنيعها بحكم ان الشركة بكبرها بونتياك قفلتها جنرال موتورز 

طبعا الكابرس ينزل فامريكا للشركات الامنية وللحكومة فقط 
وقليل مع الاشخاص العاديين لأنه ينزل ببكج بوليسي فقط


وعلى فكره حتى الكابرس فامريكا استرالي بالكامل 

امريكا ما عنده كابرس عندهم امبالا دفع امامي 

اخوي ii_kezo 
الا عندهم الكابرس .. ويجي دفعات بوليسيه ومتاحه للبيع على العامه .. طبعا اوبشنات اقل .. 

اسمها هولدن وليس هولند 
ومكتوب على الباب في الكابرس واللومينا مصنعة في استراليا شركة هولدن 
يعني الي تشوفه عندنا هو اساسا هولدن 
اما الي يجيك يفرق بينهم ذا ماعنده سالفه 
وبعدين صراحه لو شركة هولدن مستقلة عن الشفر كان لها سمعة طيبه 
ﻻن الناس الى الان ومخخهم يابسة اذا طرى لهم اسم الكابرس قالوا خرابات 
والكلام هذا انتهى من عام 96 
المفروض ماتنسب الكابرس الهولدن الاستراليه بانها جيل من اجيال الكابرس القديم 
لو بدأت باسم جديد لاصبح لها سمعة قوية وراح تنتشر بشكل رهيب
ماشوه سمعته اﻻ ملك الورش التسعاوي واميرة الورش الصابونه 

هولدن Holden
اول ما شفت العنوان قلت وش السالفة ؟ صارت هولندا تصنع كوابرس والا ويش؟

مثل ما أفادوك الشباب هي شفر كابرس بس راعيها السابق شايل علامات الشفر ومركب علامات هولدن بدالها.

يوجد بديل واحد فقط أقوى منه وهو دوج تشارجر وكرايز C300 وفي رأيي الشخصي الكرايز أجمل وأفخم من الكابرس لكن الكابرس أقوى وصيانته أسهل وقطع غيارة متوفرة أكثر وأرخص.

والكرايز سعرها غالي أيضاً.

عفواً أخطأت
الكرايزلر أقوى من الكابرس وليس العكس.

كابرس إس إس موديل 2007 قوتها 360 حصان.
http://goo.gl/ahvzTg

كرايزلر وتشارجر RT موديل 2007 قوتها 340 حصان، و SRT قوتها 430 حصان:
http://goo.gl/WoAWp7

كابرس إس إس 2014 قوتها 362 حصان:
http://goo.gl/j3x6cX

كرايزلر وتشارجرRT موديل 2014 قوتها 370 حصان، و SRT قوتها 470 حصان:
http://goo.gl/8kz6gV

في أستراليا ماركة (هولدن) ومنها فرع رياضي اسمه (HSV) يعدل نفس سيارات هولدن ويزيد أدائها.

بالفعل، كابرس HSV واللي اسمها (قرانج Grange) عليها نفس مكينة كورفيت C6 ZR1 وكاديلاك CTS-V واللي هي 8 سلندر 6.2 لتر مع سوبرتشارج تنتج قوة 558 حصان أظن، وهي قوية جداً ولا تقارن بأي سيدان أخرى أمريكية ما عدا الهلكات.