مساعدة في رديتر جمس اردني

والله ياخوي انا اشتريت الرديتر الاردني والله ماجلس شهرين وصار يهرب وفيه واحد من العيال اخذ رديتر اردني ومشى معاه كويس انت وحظك 

رح للتشليح تحصل ابو الف ب 300 

معي جيب بترول 98 ركبت له رديتر اردني تقريبا 350 له سنتين ميه ميه ممتاز

ما ابغى من التشليح 
ودي في جديد يمشي فترة اطول من المستخدم 

الله يعينك 
انا ركبت اردني وماكمل معي شهر وجا فيه تنسيم من اربع اماكن 
ورجعته للمحل ورجع لي فلوسي
وركبت صيني له معي الان شهرين ونص تقريبا وزي الحلاوة 
سيارتي التيما 
وسالت عن الاردني بعدين وقالوا انه مو مثل اول صار يجي صناعة مضروبة 
اهم شي اذا ركبت اردني اشرط على المحل يعطيك ضمان وخذ منه فاتورة 

بيض الله وجيهكم 

و انا بشوف المحل بكرة الصباح ان شاء الله
اذا عطاني عليه ضمان بتوكل على الله 
والله يكتب ما فيه الخير 

دعواتكم ...

مركب صيني المنيوم له سنة ونص ماتكلم..
لكن خذ اصلى او صناعة ممتازة ولاتحط فيه الا موية تويوتا الحمراء..
اغلب مشاكل الرديترات بسبب نوع الموية او الغطا والصناعة اخر شئ لانه منتج غير معقد مايبغاله مفهومية.\\.

لكن خذ غطا اصلي ولاتحط فيه الا موية تويوتا*
هذا اللي اقصده :)

انا مركب الأردني بي 350 ممتاز الحمد الله 

كمل معي سنتين مع مياه تويوتا الاصليه

تبي الكلام اللي يجمد على الشارب

فيه مثل بعض الاحيان يصيب وبعض الاحيان يخيب

الي هو يقولك كل رخيص مخيس

وانا في الرديترات اقولك الرخيص مخيس

لأن هاذا رديتر متعلق بتبريد الماكينة ولا تتوقع ان أدائه بيكون مثل الشد بلد

بالعكس بتصادفك مشاكل فيه تهريب تنسيم

اذا وقفت قلة تبريده للمحرك

وبيبهذلك ومن واقع تجربة


عندنا يوكون 2001 ماشاء الله تبارك الله رديتره شد بلد ابوي يسافر عليه خطوط ويوقف ربع ساعة نص ساعة ماشاء الله حرارته طبيعية ولا قد اشتكينا من نقص موية ولا غيره


اسمع الحكي واشتر اصلي لا تغرك فرق الدراهم اللي بتحطها في مخباك وبعدين ممكن تدفع دبلها

هاذا رايي والراي لك

وانا اتفق مع ابراهيم انا كان معاي كابرس 90مايختلف عن الجمس ركبت الاردني والله اكون صريح معاك قبل ماركبه وبعد ماركبته الحراره زي ماهي ماتغيرت بالمره
وكان ينسم مويه عالخفيف لانه مو زي شد بلد مخصص يتحمل درجات حراره عاليه لو ارتفعت الحراره للطبيعي الرديتر مايتحمل وينقص مويه
كل اسبوع علبه مويه يعني حتتبهدل شوفلك رديتر الوكاله بالتشليح تلقى سيارات نظيفه او اطلب طلبيه من المواقع وجيبه

لا تركبه اذا رديتر الوكالة مع الوقوف الظهرية ترتفع الحرارة فيه فما بالك بالاردني 
ياتركب تشليح أومستخدم أصلي من محلات قطع الغيار المستخدم ياتركب صيني أفضل من الاردني يا تطلبه من برى من المواقع 
الأجنبية أو روح الجميح وبالبيد يمكن أرخص من  بر ى 

نصيحه لوجه الله لا تركب أردني ركبته ما قعد ٣ شهور الا فيه تهريب زد دراهمك وخذ اصلي وافتك 

ركبت اردني على جيب 1997 وهرب مع العلم اني بعد التركيب وقفته ولم اشغله الا بعد ستة اشهر
المهرب هرب موية وطلع السبب قرب المروحة منه
لكن الجميع نصحني بعدم تركيب اردني لانه ضيف ولا يتحمل الجيب اللندركروزر
قمت وديته الصناعية القديمة على توصية اصحاب المحل الي يبيعون الرديتر الاردني وعمل طبية المنويم من الجهتين من فوق وتحت واصبح كله المنوين وملحم في بعضه بدون اي بلاستك
واستفدت من الرديتر الاردني ولم اخسره لكن دفعت مثل قيمته في طبات الالمنيوم واصلاح الضربة