قصة الحادث و استشارة ...
6
2
إضغط هنا للإخفاء
السلام عليكم ورحمة الله و بركاته .
أولا : الحمدلله رب العالمين و الصلاة و السلام على أشرف الأنبياء و المرسلين نبينا محمد صلى الله عليه وسلم و على آله و صحبه و من تبعهم بإحسان إلى يوم الدين ...
فالبداية السيارة كملت معي سنة و تقريباً أربع شهور ، أوبترا ..
سيارة حليوة الاعتمادية نص و نص على استخدامك ، سيارة مليئة حساسات فلا أحد يتوق
ع منها إعتمادية كورلا او النترا .. هذي بنفس فئتها !
المهم نبدأ مع قصة الحادث في أول أيام الدراسة الساعة ٧ في الصباح
في أول أيام الدراسة خرجت من المنزل متوجهاً إلى الجامعة ، فتحت غطاء المحرك
و إذا بي اتفاجأ بأنه ليس هنالك ماء في قربة الرديتر ،، هههههههه خربت الفصحى
لا نرجع للموضوع بالعامية ...
المهم و اعبيه و اعبيه و اعبيه لين شرق الموتر هههههههه و اسكر الكبوت
طبعاً أنا و الرديتر قصة عشق لا تنتهي لازم أسلم عليه كلما شفت الموتر ، انا اعرف وش السبب من الرديتر نفسه بس احقنه كل صبح و امر الله من سعة
المهم ركبت الموتر سميت بالله و توكلت عليه و حركت ، كان في رأسي اخذ قهوة عربية الهيل و العويدي مسامير الرأس و الركب صاير شايب في ريعان الشباب ههههههههه
و قلت بعدين كل هذا و ما أزال مروووق و مستكن ، يقولك ي خي خل الشفر يمشي على هونه ، هو ده اللي عملتو هههههههههه
و اطلع من الخدمة على طريق الملك خالد و فيه كورلا رفع ضغطي يكبس و مسوي فيها المهم قلت خلني اشوف وش عنده و اكبس له و ادزز بالموتر اشوفه يكبس يبي يطوفني ولا عاد قدر وصلت لل ١٧٠
وصلت مخرج ١ و اهدي و افتح له الخط بعدما غبنته بمكينة موتره هههههههههه
و امشي تقريباً ١٢٠ او أقل بروح مع المخررج من عند ماك المهم و فيه يوكن أسود مدري من وين طلع شكله طلع من الرصيف اليمين ههههههههه المهم انا تفاجأت به صراحة هو مثل الدمل جاي في مكان ضيق بيسقط معه حسبي الله عليه
و اوخر عنه بردة فعل غير إرادية هو بس لف الموتر و يجي على البيبان ههههههه النطله الاولى قلت نعدله ان شاء الله شوي الثانية قلت بيتعدل شوي الثالثة جات نكسه ، الوقت هذا كله ترى ما اشعر بنفسي
انا ماقد فحطت أبد انما قلت بسيطة ان شاء الله يوم نكس الموتر استسلمت للأمر الواقع بالحادث
اناظر من الزجاجة اليسرى " ما أبي اقول قزازه ثم تطقطقون ' ههههههه ، الماصورة على حد الباب الف الطارة يمين يسار شطفت الكبوت
نقز الموتر فوق الرصيف رقبتي باقي معلقه على اليسار اشوف التراب جنبي الموتر على وشك ينقلب
المهم تعدل بقدرة الله وعلى الجنب الثاني نفس الحركة اناظر يمين التراب و اناظر من جهتي اشوف السماء شوي انا بمكان الراكب تعدلت السيارة عن الانقلاب بفضل من الله و رحمته نزلت على طول مثل المجنون ما ادري وش اللي حاصل
رحت فتحت الكبوت الموتر ما بعد طفيته هههههههه اشوف فيه دخان ولا ضوو ولا حاجة منا ولا منا
سكرت الكبوت رجعت الموتر طفيته إلى الآن عقلي مهوب معي الظاهر انه هجج حزتها ههههههههه المهم و اخذ الجوال بكلم اخوي ، شوي ما ادري الا و انا داخل الاستديو و مشغل شيلة تدور الارض ،، كيف العقل بس هههههههههههه
قلت لا سلامات شغل قرآن ، اقسم بالله ان هذا اللي حصل ، شوي رجع المخ
و اكلم أخوي و اعلمه قلت لا تعلم احد المهم امي درت من يوم كلمت تعرفون احساس الأم الله يخليهن لنا ومن ماتت يرحمها ربي ويدخلها جنات النعيم
صار فيلم كبير وقتها بس هذا خاص مالكم بالطويلة و اتكي من ٧ إلى ١١ احتري المرور ، لان نجم قال انت فالجزيرة بين الشارعين و الخصم زبن و تأمينك ضد الغير يعني فالحلم يشملك التأمين ،،،
يوم جاء المرور و الله انه كفو المهم قال الحمدلله على السلامة و هذي ورقة الاصلاح و اسمع يا اخوي بيجي من هنا موكب حاول تشيله قبل يجي لانهم بيحجزون موترك ان لقوهه قلت ولا يهمك ،،، طبعاً بتقولون جالس من ٧ لكن بعض الناس بأسلوبه يحرجك ...
و ٥ سطحات يقولون ما نقدر نشيلها الكفرات ماهيب فيه و الجنوط متكسرة ، المهم و جاء واحد معه سطحة من يقول انه من النسيم و اغلبهم الشاويه فاهمين هذي شغلتهم
قال ولا يهمك لو انه مقصوص نصين اشيله قلت دام هذا كلامه واثق من نفسه يالله شييل ي صديق و اشيله و احطه في ورشة
الاضرار اللي تحت كله ابد اللي يخطر على بالك غيرته ...
البودي الحمدلله ما جاه شيء الصدامات تفككت شوي
القطع غالية صراحة الحادث لحاله كلف ٥ الآف
و باقي قائمة طويلة لان الموتر فيه حذفه للحين و ال ABS ما يشتغل مدري وش مشكلته
المهم قالوا العضيب فرع الخير اللي بالعقيق ،،، نضبطه بس شغل يد ب ٣٦٠٠ و القطع تجيبها اذا ماهيب موجودة عندنا
لكن يرجع وكالة
قلت شاريه ب ١٤ و توظب القير قبل كم شهو ب ٣٥٠٠ و الحادث ٥٠٠٠ و الحين قل ٥٠٠٠
كان يمديني اختصر كل هذي و اشتري مثلها وحدة ثانية صراحة القطع غالية و الناس يقولون رخيصة
فلتر القير لحاله ب ١٨٠ ؟ اعتقد اغلى من فلتر قير الاكورد
المهم الاستشارة :
نيسان ماكسيما من ٢٠٠٠ الى ٢٠٠٦ او صني الميزانية من ٢٠ و تحت
ابي موتر كرف السرعة ما عاد لي فيها عقب الحادث
و قطع الغيار ماهيب مهمة اذا كان الموتر حق ككرف
التويوتا مافيه امل الرخيص يكون منتهي و ملعوب فيه
و الاكسنت مالي رغبة فيها و الالنترا كذلك ...
و اهم شيء عندي الكرف و المكيف وبس
إبلاغ
الله يجزاكم بالخير ، من ناحية أحدث ، علشان كذا مفكر بالصني ، لان الاكسنت ما تصلح لي و الالنترا و اليارس
اما الكورلا صعب القى اوتوماتيك تحت ٢٠ لكن الصني ممتازه وبلقى ان شاء الله
قبل 9 سنه و 7 شهر