لقيت تريل بليزر 2008 ss كم يسوى وكيف استخدامه

استغفر الله يسوع

اسأل المجربين فقط 

لان الاغلب هنا يعطونك رأيهم بالسيارة بشكلها 

البليزر قطع غياره مرتفعه و هذي المعلومة الوحيدة اللي اعرفه عنها

كان مع زميل لي و يشتكي من غلاء قطع غياره 

و غير كذا الله و اعلم ما افتي لك 

الله يجزاك الخير ومنتظر معلومات من باقي الاعضاء

انا من 2006 و استخدم سيارات البليزر و الأنفوي ولله على ماقول شهيد سيارات ماشاء الله عليها لو محصلها نظيفة مافيها صدوم 
و السيارة متماسكة بتنبسط فيها انشالله و بعدين قطعها رخيصة فحمات امامية 250 ريال و هوبات اصلية الواحد 95 ريال زيتها كل 10,000 كيلو اغيره عند acdelco انا اجيب الزيت و هم يسونه 200 ريال تكلفني زيت و فلتر و شغل اليد
مصروفها للبنزين متوسط بس ss ماعرف لأنها مكينة اكبر لاكن قوة و هيبة لو انت بالرياض و حبيت تفحصها كمبيوتر و بودي كلمني عندي الفحص 0536519145 و الله يوفقك بالسيارة

تاكد من الممشى قبل كل شي وافحصه كارفكس وافحصه بمحلات الفحص المشهود لها عندنا 
ممشى السيارة جدا ممتاز 
قبل لا تشتري حط ببالك انه يجي دفع خلفي ويجي دفع رباعي مستمر ..
انت والي يعجبك .. برابطه ملاك التريل بليزر مرة قريت رد رجال يحذر من الرباعي المستمر 
انه يكون مرغوب بامريكا بالمناطق الثلجيه .. لذلك بتلاقي صدا تحت السيارة .. 
البليزر انا استخدمته وسيارة ممتازة وتعطيك المقابل لسعىها .. سيبك من الي يسبها
اعذرني ls على وقته كان ابتداء من 73 الف ! وين بيحصلوا جيب 6 سلندر 290 حصان وضمان 3 سنين بهالسعر وكاله؟
كل منافسينه اغلى منه وكان منافس بطل رغم انه من 2002 وهو نفس الشكل والمواصفات مجرد اختلافات وتطويرات بسيطه
عموما ال اس اس 
6 لتر 
395 حصان .. قير 4 تعشيقات 4l70e .. دفرنسه غير عن العاديين "ls/lt/ltz " جنوط مقاس 20 
صدام امامي وخلفي وشبك مختلف عن العاديين .. من الداخل ما يجي الا اسود .. دركسونه عليه علامه اس اس .. الطبلون مختلف عن العاديين
الفئات ss1 ss2 ss3 .. ماني متذكر مواصفاتهم لكن اعلى شي فيه تدفئه مقاعد ونفقيشن وشاشه ديفيدي وفتحه سقف وتخزين وضعيات الكرسي وكراسي كهربا وجلد وشامواه 
طبعا نادر الديفيدي وفتحه السقف وهو اعلى شي بالمواصفات الي نزلت عليه 
السيارة ما دخلت السعوديه من الوكلاء المعفنين و100% اي تريل بليزر اس اس بالمملكه بتلاقيه وارد امريكا او كندا 
لما تفحص تاكد من تعشيقات القير .. تاكد من الحرارة تاكد من الممشى وسوي تقرير كارفكس نصيحه 
بالتوفيق والله يكتبلك الي فيه الخير

تبي تسال عنه زيادة شيك على رابطه ملاك تريلفوي "اختصار تريل بليزر + انفوي" بمنتدى مكشات 
واذا لغتك الانجليزية كويسه ادخل منتديات الامريكان  ابحث بقوقل عن tbss اختصار ل trailblazer ss

الله يعطيك العافيه أخوي والسيارة أعلى فئه خليجي من الوكيل

عندنا بليزر ٢٠٠٨ من وكاله باسم الوالد ماشي لحد الان حوالي ٤٠٠ الف ما شاء الله تبارك الله كرفناه كرف وللحين يمشي بس مانروح فيه بعيد لانه يبي له صيانه وساحبين عليه بس موتر ودي لحد الان ارجع اصلحه واستخدمه للمعلوميه اللي معي ٦ سلندر LS

معي واحد زيه بصراحه طرب قوي واللي معي دبل وفي الخط اقصى سرعة  وصلتها 220 والبليزر بشكل عام خدوم بس ال ss 
توني شاريه في شهر رمضان وراضي عنه والحمدلله للحين مافيه خرابات

اخوي محمد كيف خليجي ؟؟ تأكد الله يسعدك البليزر الاس اس ما ظنيت جابه وكيل خليجي

الا نزل في الجميح وأما شايفه بنفسي أيامه 

العذر منك استحاااله يكون نازل بالجميح تريل بليزر اس اس .. خصوصا وكالة الجميح لا تناقشني فيها حافظها حفظ واعرف ناس شغالين فيها من زماااااان