أضف سؤال أو موضوع جديد          

الى متى بعض الناس قيادتهم سيئه

up 30 down 3
maximum speed 578
قبل 7 سنه و 8 شهر



السلام عليكم 

عندي موضوع مهم بخصوص القياده ياليت الكل يقرأه وخصوصا الشباب 


طبعا انا خلال شهر كانت بتصير لي كم هوشه بسبب تهور بعض الناس الله يهديه

بس الحمد لله ربي سترنا والحمد لله  عندي بعض الارشادات   اول شي ياخي المسلم اذا جيت مسرع ولقيت احد قدامك في المسار اقصى اليسار 
و كبستله العالي ولا وخر من طريقك هي وحدة من ثنتين يا ان قدامه سيارات 
او مايقدر يروح المسار الايمن عشانه مزدحم او انه كبير بالسن ،
فالله يهديك روق ولاتجي تلحم صدامك في صدام الي قدامك وتربشه وتربش العالم وتسوي حوادث

ثانيا / الجوال بعض الناس مايتذكر يقلب جواله الا لمن يسوق وجالس عل الواتساب و الموتر يروح يمين ويسار ولايدري عن العالم ثالث شي / السرعه في الحواري والشوارع المزدحمه طيب افرض يطلع لك احد قاطع الشارع ولا عجوز كبيرة بالسن ولا ولد صغير 
وتورط نفسك في قتل نفس برئية او يطلع لك مطب او شيء 

رابع شيء / من الذوق والاخلاق انك ماتروح توقف في اقصى اليمين عند الاشارة وتقفل عل الناس الي يريدون يروحون الى اليمين وتضيع وقتي انتظر معك الاشارة ٤ او خمس دقائق 

خامس شيء / لو صدمك احد حتى لو كانت سيارتك باقي جديدة انك تمسك اعصابك وتهديء ، والسيارة تروح وتجي والحديد يتعوض فما معناته انك مشتري سيارتك بتعبك انك تتهجم على الاخرين 
وقت الحوادث ماتروح تناشب خلق الله وتصير مضاربات ومشاكل انت في غنى عنها       

اخر شي / دامك مأمن على سيارتك حاجه كويسه بس ماتعطيك الضو الاخضر تطامر على الناس بموترك وتصدمهم وتقل عل التامين ، اقل شي الي بتصدمه يتعطل شهرين ثلاث لين مايجي التامين وكل يوم رافع يده ويدعي عليك 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


السبب مرورنا متساهل ... أنا أقولك فيه ناس الصلاة على النبي ودك تبوس على راسه محترم القوانين مع كمية التساهل من المرور ..
ولاكن فيه نسبة مايضبهم الا المرور والمخالفات أما القوانين والاحترام عنده صفرررر .. 

وين مركز التحكم الخاص بالمرور عن اللي يقفل الاشارة للي متجهين يمين .. والله اكاد أبصم انهم يلعبون بالوت .. المفروض لو كان 
المركز مضبوط .. تنزل له المخالفة وهو واقف عند الاشارة أو عل الاقل مركز التحكم يبلغ الدورية باللوحة وهو يوقفه ويعطيه المخالفة 


السبب مرورنا ماهما تكلمت ... 


up 0 down 0
soka2014 2
قبل 7 سنه و 7 شهر



جزاك الله خير موضوعك مهم جدا 


up 0 down 0
فتى الحرمين 67
قبل 7 سنه