استفسار بخصوص الكابرس

طيب ليه ماتخذ لومينا اصغر واخف  وهي نفس مكينه وقير وعضلات كابرس اخو الكابرس 

واذا نظيفه ومحركات كويسه  جيده  وسياره مريحه بسفر وخط  وماتصرف كثير وزيت ياخذ 7 علب اضن ثمان سلندر ياخذ 8 ونص 

قطع االاسعار متوسطه ومتوفره 

تعديل لومينا اخو كابرس 

موتر عملي وممتاز بس قبل تشتريه افحصه من الصدام لصدام وخلك من سالفة الحراره كلها خيطي بيطي 

يعني يابو شهد اتوكل ع الله 
لان ف ناس خوفوني يقولو ترتفع حرارته

انا مثلك بالضبط ناس يمدحونه وناس يقولوا خرابات ..

ومع ذلك بشتريه هو او فيكتوريا , الكابرس لان فيه مميزات ومتطور عكس الفورد القارب ومع ذلك عندي فورد 1999 ..

والله ياخوك قبل اشتري الكابرس مافيه عذروب الا وحطوه فيه خلوه مايسوى ريال وشريته معي له سنتين واللهم لك الحمد والشكر 

موتر راسي بالخط ومكيفه ثلج ورحابه داخليه ووسيع يصلح للعايله ونوره قوي وبديه قوي 

بس لازم وانا اخوك تدور لك كابرس حليل يعني دور من ممشى 150 160 واقل لان الي مشيها فوق الميتين بتجيك مكروفه وملعوب فيها لعب 

انتبه لتشييكه وواضب على صيانته وشيك عليه بنفسك ب الاسبوع مره 

لاتداعس عليه وتجهد الموتر زياده عن الزوم 

انتبه عليه من المطبات والحفر يعني مطب سفري مافيه خخخ 

الاشياء الاستهلاكيه غيرها اول ب اول ( بواجي + جلد + زيوت + الخ ...) 

وبأذن الله بيوصل معاك ممشى 600 الف وهو باقي يخدم معاك واكثر بعد 

وبالنسبه للي يقول حراره تلقاه يعبي الرديتر ماء الحنفيه ومايشوفه الا اذا وصلت الحراره اتش 

ومايهتم بصيانته ويلعب فيه 

معاي الموتر والحمدلله من 2007 اول دفعة وصلت عندنا والحمدلله ماندمت اني شريتها
الحرارة ابدا ابدا ما منها مشكلة اذا المكينة سليمة حتى موية الرديتر لانه ألومنيوم ماتتغير الا مرة كل 5 سنوات

طلعت جدة الرياض 14 مرة واغلبها بالصيف الصلاة على النبي الحرارة ثابتة على الثلث

العيوب عموماً

صوت تكايات المكينة لازم تفك راس المكينة لو خبيت تصلحه مع وانا تاركه من سنتين 

بعضهم احتاج توضيب القير في ممشي 

تعديل ^^^

بين ممشي 200-250 الف كم 

الموتر راسي لكن فيه تنسيم لان الجلود تنشف 

القطع تعتبر مناسبة مقارنة بالافالون والتوروس وفيه بدائلكثير في محلات قطع الغيار

طبعا كل اللس قلته شرط الموتر نظيف ميكانيكيا البودي مهو مهم شرط سلامة الايرباق والشاص
مبروك مقدما ولا تنسانا بالدعاء

طيب يا اخوان وش رايكم بصرفيه الكابريس داخل البلد موديل 2013 ال اس

الله يجزاكم خيير 
يارب وبيض الله وجيهكم

اللي يقول كابرس خرابات ... غير صحيح

الا اذا كانت مع مهمل .. او مفحط

مشاكل الحرارة تجي من اهمال المستخدم 
اي ملاحظه على الرديتر او السيور اعملها صيانة مباشره 
بعد الفحص طبعا.. ﻻن قليل ماتحصل كوابرس هذا المديل استخدامها نظيف 
سيارة عادة تكون بعد واحد في سن الشباب وتلقى سواقته طايشه والله ماتسلم من مشاكلها 
الفحص يبين نظافة السيارة .. افحص زين 

انا معي كابرس ٢٠٠٤ ستة سليندر 
ماخذه قبل ٤ سنوات ماشي ٢٥٠٠٠٠ الف
اخذته نظيف وهذا اهم شيء الفحص قبل الشراء من الصدام للصدام 
الى الان ماشي معي من احلى مايكون وكاده كد 
بس اهم شي تحافظ عليه لاني انا عطيته اخوي وصار يعبيه موية حنفيه ولايتابع التشيكات وارتفعت
حرارته رجعت وغيرت الماء 
اهم شي المطبات لاني كنت اخذها سفري وشقت على الشكمان وصرت الحمه
واترك عنك من يقول حراره هذا خرابيط تهمل السيارة بتجيك بلاوي

بغض النظر عن الحراره يا اخوان كيف استخدام الموتر اعرف ناس معها وتذمه والي يقول حافظ يعني انا بحافظ عليه مثل اي سياره ثانية ولا يحتاج محافظه خاصة وكيف اسعار القطع اذكر من زمان رحت اسعر جلد لومينا سعرها خيالي وناسي كانت جلد ايش بالظبط بس السالفة قديمه من كم سنة 

الاسعار وانا اخوك تختلف
الاشياء الاستهلاكية سعرها معقول مثلا الفحمات على 250 الامامي والخلفي اعتقد مقلها او قريب البواجي 100 السير 120 وهكذا
اما غيرها صلخ ونار
انا سعرت الدينمو بالجميح ب 1800 ريال
الكلام هذا من سنة