عندي مشكله. إشتعلت لمبة التشيكك

ابراهيم تركي انت تحب تحل مشاكلهم بالتلفون  شف رقمه مكتوب كلمه احسن بس ناقص رقم اطلبه منه 

ايه قوله عن الضمان  وكيف يوصلهم ووش يقولهم علشان يصلحونها على الضمان 
هو لو كان يدري كان مافتح موضوع بالمنتدى يسال 

ابو خليل كل شوي حط الرقم الناقص حتى توصل لرقم الرجال ههههههههههههههههه

الامريكي حساساته واجد وحتي لو تعطس ولعت لمبة فحص المحرك 
مادام انه على الضمان افحصه عندهم 

العذر السموحه يرجيل ا الإطاله  تاهو 2013  قريت المعوذات  وبأذن طفت للمبه ابشركم 

ألحمدالهه إبشركم طفت اللمبه التشيكك قريت عليه المعوذات وطفت بإذن ربي. ألحمداللهه والمشكله الثانيه أني داخل بجوال. أكتب ومائضبط الكلمات. وجزاكم آللهه خير ماقصرتو يعزوتي

الشعب السعودي  كل  حياته  طقطقه  حتى  الأرقام ماسلمت منكم

لدي تاهو 13 ، ولمبة التشييك تولّع بشكل دوري :)  بدون أي ملحوظة ع السيارة
مشيها ناعم وتعشيقاتها سلسة ، تعليق الوكالة انه ربما من حساسات الشكمان
أو بنزيم فيه وسخ :) ،، والحقيقة كل مرة اروح لهم يقولون لي كلام غير
مفهوم ههههههه ، واللمبة هذي شآئعة بالأمريكي :) 

أحب أضيف معلومة فقط..

معي تاهو 2008 Z71 

أول ما شريته كان فيه صوت وجيه الشكمان اللي راكب بالمكينة، وديتها محلات شكمانات وعلمتهم بالمشكلة فقالوا "نفك لك الصفاية اللي بالنص وننظفها" قلت كيف تنظفوها؟ قالوا بتشوف ونوريك كيف الوسخ يطلع.. وأنا عندي خلفية بسيطة عن موضوع دبة الرصاص مانعة التلوث...وكنت حريص أنهم ما يفكوها أو يلعبوا بها..

درت المحلات حتى رسيت على واحد وبعد نقاش، بدأنا، نزلت معه تحت وفك الكنداسة اليسار وسوا فيها خرم باللحام عشان التنظيف على قولته، أبي أشوف نهاية التنظيف المزعوم هذا، فجاب مفك يبي يكسر فلتر الرصاص ويطلعه، دق بالمفك دقتين إلا وأنا أصيح عليه، قلت وايش تسوي؟ قال: أنظف. قلت امحق تنظيف.!.. وتخاصمت معه قلت له هذا تخريب مو تنظيف، من علمك كذا ؟!؟؟!

المهم رجعها بحالتها .... مرت الأيام وقبل ثلاثة أيام تقريباً ولعت اللمبة المشؤمة Chick Engine، ولأني أحب تشغيل السيارة عن بعد قلت لازم أصلحها، مريت مركز ACDelco وبدأوا الكشف بالكمبيوتر وكنت بس أبي أعرف الكود حق المشكلة، فطلع: P0240 ومعناه أن الحساسين اللي قبل وبعد فلتر الرصاص خربانين أو واحد منهم خربان، أو أن دبة الرصاص كاملة يبي لها تغيير وهذي مكلفة.

فيوم قال كذا عرفت المشكلة من ذاك البلية الله لا يوفق ابليسه هو ومن على شاكلته...



عزيزي، اعرف الكود وراح تعرف المشكلة، وحلها. لأن اللمبة ذي تولع في حالات كثيرة، وكل مشكلة لها كود معين، تقدر تعرفه من جهاز الكشف.


أي جهاز كشف كمبيوتر ممكن يطلع لك الكود هذا.