أضف سؤال أو موضوع جديد          

كروز وقطع الغيار

up 1 down 0
الكريك 176
قبل 6 سنه و 6 شهر



سلام عليكم اخواني 
ناوي اشتري شفرولية كروز 
ومتخوف منها بخصوص قع الغيار والتحمل 
لاني عانيت من قطع الغيار ف شفرولية ابيكا 
ياليت تنصحوني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مانحصك فيها لن يشتكون من قيرها اذا بتاخذ قير عادي ترا كويس يتحمل لكن تماتيك يتعطل مادري اذا عدلوها في 2014 لنه عيب مصنعي 

قطعها غاليه اشوي ماتوجد الى بوكاله باقي قطع شفروليه تحصل بس بواجي وفحمات  


up 3 down 2
سكودر 14928
قبل 6 سنه و 6 شهر



الكروز زيها زي الافيو والاوبترا والابيكا من افشل السيارات لانها كورية الصنع وشعار شيفروليه عليها الكثيرين يحسبوها امريكية ابتعد عنهاااا 


up 4 down 5
benz lover -77
قبل 6 سنه و 6 شهر



والله مع زميلي وكان خايف من القير من كلام الناس

لكن والله اللي بيحافظ عليها ويعرف كيف يخلي القير لا جاء يوقف

بأنه اذا وقف يضغط فرامل و يحط القير على الان ( N ) ويسحب الجلنط وهو ضاغط الفرامل ويحط القير على الباركينق ( P ) وبعدها يشيل رجله عن الفرامل

لها معه 5 شهور ومشتريه من محل تأجير ما شاء الله ولا شكى منها الا من السلف خرب بدون سبب وصلحه

والحين زاد خرب عليه مره ثانيه سارت ما تشتغل الا بعد عدة مرات

بس هذي المشكله اللي واجته وهي السلف وقيمته بالوكاله 2500 تقريبا او 3000 الاف وشراه من قطع غيار اتوقع حق ماليبو ب 800 وركب معه

موديلها 2012 ماشيه 54 الف كانت ايجار ومصدومه ومصلحه


up 1 down 5
ابو يزيد 000 8712
قبل 6 سنه و 6 شهر



سيارة تعبانه نصيحة ابتعد عنها وقطع غيارها نار 
والقير فيه مشاكل 
السيارة كانت مع واحد من اخوياي لعبت فيه من كثر الخرابات والرجال مشتري السيارة وكاله 
كل شهر خراب وأغلب الاشهر وهي في الوكالة مرة رديتر عشان الحرارة ومرة حساس قير وقعدت في الوكاله مايقارب ثلاثة أشهر عشان هذا الخراب وغير الهوبات والقماشات ماتقعد ستة أشهر بالكثير والرجال مايسافر استخدامه داخل المدينة يعني سيارة متعبه جدا جدا 
أنا مشتري سيارة وكالة عشان أقعد أصلح فيها والا أريح مخي


up 4 down 1
mohammed shareef 1074
قبل 6 سنه و 6 شهر



دامك عانيت من الابيكا
ترى هذي أختها الصغيرة

عموماً إذا فكرت في سيدان صغيرة
لاتبعد عن الكوري او الياباني


up 1 down 1
أبو العنود 564
قبل 6 سنه و 6 شهر



الله يسعدكم يارب


up 0 down 1
الكريك 176
قبل 6 سنه و 6 شهر



ممكن تعلمني وش القطع الي ماحصلتها للابيكا 
ﻻنها مع اخوي موديل2008 ماشي 220 الف وﻻ عنده مشكلة مع قطع غيارها 
والسيارة تصدمت وتعطلت لين قالت بس كل قطع غيارها حصلها عند الموزعين والمحلات 
يعني ما احتاج للوكاله ابدا وﻻ التشليح 



up 0 down 1
al_orainy 56
قبل 6 سنه و 6 شهر



ابعد عنها نصيحة غير منتشرة وما لها سوق
طالما كان معك ابيكا وعانيت منها 
تراها نفس الصناعة ( زيد أخو عبيد ) 
ومعاك خيارات عديدة بدلا عنها - النترا ، كورولا .. الخ .


up 0 down 0
رعد 4 3254
قبل 6 سنه و 6 شهر



السلام عليكم ورحمة الله وبركاته

مطلوب اسطاب خلفي يسار كروز2016


up 0 down 0
رجل مهمات الصعبه
قبل 3 سنه و 5 شهر



مبرد قير كم سعره في اَي مكان كروز ٢٠١٥


up 0 down 0
عبدالله zx-702
قبل 2 سنه و 10 شهر



مبرد قير كم سعره في اَي مكان كروز ٢٠١٥


up 0 down 0
عبدالله zx-702
قبل 2 سنه و 10 شهر