خبراء الكابرس ss 2008 . المراوح تشتغل مع التكيف . واستفسارات

ماشاء الله تبارك الله 
الله يعطيك خيره ويكفيك شره 
انا حبيت ابارك لك والا انا ما عندي اي خلفيه 

الف كيروك وربي يباركلك فيها

سعرها جدا طيب !!

الله يهنيك فيها التجاري كشخه كاجنوط لكن انتبه بالخط لانه ماتتحمل خاصه انها ١٩ مقاسها عكس ٢٠١٤

تجيك ١٨

عموما الموتر المراوح ماتتشغل الا مع التكييف وهذي تنحسب للكابريس

لان الموتر يكون بارد واذا وصل الحرارره ٩٤ اشتغلت المرواح

حاليا من شان الجو بارد ماتشتغل المرواح بسرعه مع الصيف تشتغل بعد نصف ساعه من اشتغلها 

لعلمك المابريس تقدر تمشي عليه يوم كانل بدون مرواح اذا كان منطقة سيرك بمكان عام مثل دايري والا خط

وهذا تنحسب للكابريس 

ولعلمك الكلبريس درجاته بالمرواح كثيره

المهم لاتقلل وان شلء الله الامور طيبه

اهم شي اذا شيك بشي لاتذهب للورش اسال

ترا نص الورش سباكين خاص اذا موترك كابرس 

ماحد من الورش يفهمه الا الي كان شغال بشركه تابع للموزعين واستقل لوحده

المعذره بعض الحروف زحلطن اكتب من جوال

الله يباركم فيكم يا اخوان ولكم تحية من القلب والله . 

والله يا اخوان . بخصص المراوح الرجال يقولي حتى بالصيف ما تشتغل يقول فيها علة بس ما يدري وش هي ولا فحصها يقول موقفها ولا استخدمها والرجال باعها عشان طفشان منها . 

انا قلت يمكن المراوح خربانه .

بس ودي اتاكد هل فيه شي اسمه حساس مراوح او مخ مراوح 
وهل حساس الحرارة المكينة يختص بالمراوح . لانها بالمكيف زي العسل ادعس بقوة والمكيف شغال عادي ما ترتفع ابدا . 

اذا تشتغل مع التكييف معناته جاه برمجه الموتر

اسمع المرواح تشتغل مع التكيف  صح

طيب عمرها اشتغلت بدون لو مره وحده 

والا خير شر ماتشتغل حتى لو ارتفعت ؟

يا استاذ خالد


هي بسيطه مايبيلها تعقيد

اذا موترك المبروك يشتغل مرواحه مع التكيف ثم يفصل هذا طبيعي

واذا موترك ماتشتغل مرواحه حتى وانت واقف فتره يعني ١٠ دقايق مثلا 

فعندك المشكله برمجه تروح لمحل حق برمجه يصلح لك المرواح على درجات حرارة الوكاله

يعني ٩٤ تشتغل وتبرد على قلب الموتر

واذا وصلت ١٠١ تشتغل الكبيره معها

وفي حالت اقل من هالدرجات تشتغل وتطفي وانت تسوق ماتدري عنها 

تاكد من شي دامها تشتغل مع المكيف معناته مافيها شي الا تحتاج برمجه

الكتاوت نعم موجوده في شي اسمه كتاوت لكن الحركات الي عندك مالها شغل فيه

فديت قلبك ابوووجووود . المراوح طال عمرك بس بس بس مع المكيف . لو بدون مكيف المراوح ما تشتغل ابدا ابدا تجلس ترتفع الحرارة حبه حبه .

كلمت صديقي يقول انها حساس او برمجة والمراوح دامها تشتغل مع المكيف يعني انها شغالة بس شغلتها خفيفه وما عليها خوف . بس يقول عشان ترتاح نزلها ورشة . 

احل برمجه نسبة ٩٥٪

برمج برمجه وكاله يعرفونها حقين تعديل المواتر

انتبه يلعبون براسك ويبرمجون موترك هههههههههه

عاد تدخل عالم التعديل ياويلك يبدل الوحش على ٢٠٠ بالثالث

مصيبه 

مايتحمله الا ابو ست نمر فديته

اما ٢٠٠٨ / ٢٠٠٧

هذي حقت استكنان بالخطوط خاصه لاصار بطن الموتر بطل 

الي لو تمسك خط عليه وتوقف بعد الخط وتحطل اصباعك بالشكامين ماتشوف السواد من نظافة الموتر 

✌️

يعطيك خيره و يكفيك شره

والله يا بو جود . الموتر رايق بصراحة وتبديلاته حلوة حتى يوم تحرك القير ثقيل ويلقم بمكانة . مو مثل الي قبلها الي رحت اشوففها تمسك القير يزحلط ههههههههههه . اجل بكرة بكلم خوي راعي هالسوالف بخلية يوديني ونشوف حلها 

اولا الله يعطيك خيره ويكفيك شره 
بالنسبة للمراوح فيه تكون شغاله مع المكيف على طول  من تشغل المكيف تشتغل على السرعه الاولى 

اما اذا المكيف مو شغال فماراح تشتغل الا اذا وصلت الحراره ١٠٥ وهي الشرطه اللي تحت النص وهذا طبيعي في كل الكوابرس 

وحركت امبير الحراره ما بين الشرطه اللي تحت النص والثلث طبيعيه 

وابيك تشيك على الحراره الالكترونيه اللي تجي بالارقام  اذا وصلت ١٠٥  واشتغلت المراوح فيه طبيعيه اما اذا تعدت ال ١٠٥ با كثر من درجتين ولا اشتغلت فعندك مشكله 

وطريقة التشييك على الحراره الالكتروني  اول ما تحط المفتاح  وقبل تفتح السوتش خلك ضاغط على الزر اللي في يسار الدركسون  وشغل السياره ولا تشيل يدك لين يطلع لك كلام في نص الشاشه بعده شل يدك وحرك بالزر فوق وتحت 
تلقى حرارة الرديتر مكتوب coolent temp 

الله يسعدك يالفرنتي . وتسلم على الرد الطيب . 
بارك الله فيك سويتها هالرحكة علموني الشباب عليها . للاسف توصل 120 coolent temp  ولا تعمل المراوح . فعشان هالامر انا نزلت هالموضوع بس على كلام الشباب 

انها يا برمجة او حساس . فمدري هل فيه شي ثالث تتوقعه 

متأكد ان المراوح الإثنين شغالين؟؟
اشك مروحة المكينة ماتشتغل

ومروحة المكيف في الكابرس تشتغل مع تشغيل المكيف مباشرة حتى لو السيارة باردة و في عز البرد واذا ماشتغلت مع المكيف على طول يعني عندك خلل

ما شاء الله تبارك الله
موترك طبيعي هو كذا شد بلد الله يبارك لك فيه ، كمان السعر حلو على ss

الكابرس تجي مروحتين وحده للحراره الطبيعيه للاديتر والثانيه مبرمجه مع المكيف


لايغرك صوتها مع المكيف فيمكن تدور عكس


جربى تركب مراوح عند الكهربائي قبل تفكر بالبرمجه

دام المراوح تشتغل مع المكيف  ولاتشتغل بدونه وحرارة موترك وهي ماشيه طبيعه فمشكلتك والله اعلم  كهربائيه  جرب افصل اصبع البطاريه السالب لمدة ٥ ساعات او اكثر 

 او  احتمال احد كتاوت المروحه محروق  وعندك ٣ كتاوت   او حساس الحراره   

افحص كمبيوتر   وشف وش   يطلع لك   وان شاء الله بسيطه  وما تحتاج ذاك التعقيد  
جعلها اخر الخرابات 

عندك منتدى  اس اس عربي  متخصص بالكوابرس واللومينا 

عندي لومينا ss 2007  نفس مكينه حقت سيارتك وقير برضو 

اذا توك مشتري سياره ركب لها مبرد قير  ومراوح سوي لها برمجه خلها تشتغل اذا وصلت حراره 100   الحين الجو بارد والبرد جاي خليها بوكالتها افضل مرواح تشتغل بس  اذا مشيت خط تطفي ولا مكان فيه هواء لن تبريد يعتمد على هواء الخارجي طبيعي بكل سيارات اذا شغلت مكيف تشتغل مراوح 

 وثاني شي عندك في طبلون تقدر تعرف كم حراره مكينه وقير بشاشه 

يا هلابك سكودر 

كلامك هو الي بيصير مثل الشباب . نقطة المراوح انتهيت منها 

بس عندك خلفية على النقاط التالية : 

البيرنق الامامي 
او محل يبيع كشافات مع البراويز تبيع ال اس اس ووين ممكن احصلها في محلات الزينة 
ابي شبك الي عليه علامة كورفيت والشبك نفسه يكون شبك مو مثل الرويال 

جاني معها طقم جنوط 2014 لو ابيعها كم تجيب لي . استخدام شهرين 

واذا تخبر لي محل شفط بودي عندي دقه مثل البرد في الباب 

للأسف الشباب استعجلوا ببعض الاقتراحات.

ينبغي أن لا يتكلم أحد عن مشكلة الحرارة لين يسأل صاحب السيارة عن الحرارة اللي تشتغل عليها موب على طول يفتي.

أخوي إن كانت المراوح ما تشتغل قبل ما توصل للدرجة المضبوطة المبرمجة عليها من المصنع فأول شيء شيك على فيوز السرعة البطيئة Low Speed وتلاقيه في علبة الفيوزات تحت الكبوت، شيك عليه يمكن إنه محروق وتبدله بـ 5 ريال بدل ما تروح تخسر مئات الريالات بسبب السباكين.

أنا متأكد 100% إنه هالفيوز.

البيرنغ الأصلي في المحلات أعتقد ما يوصل 500 ريال.

بلاستيكة مسكة فتحة السقف ما تلاقيها في غير التشليح وما أظنهم يبيعونها لحالها، وفي الوكالة فقط وسعرها قرابة المية أو أكثر.

الدقات شغلتها صعبة شوي ومعظم الورش بيقولون لك ما نقدر نسويها (عجز) لأنها تحتاج فقط ديكور التنده وتعديل الطقات وكذلك الكبوت والشنطة، مع العلم بأن بعض الدقات ما يمكن تعديلها لأن تحتها مسكر بقواعد بدي أو الصاجة مدبلة على قولتهم.
الشفط ما أدري عنه.

شيك على كتاوت المروحه...  ممكن واحد منها محروق ويحتاج تغير