بغيت رايكم في سيارة كروز 2012

سمعت كثيرين يقولون انحش عنها

والله انا اقولك من الحين السياره توه طالعه والناس معرفوها للحين  فلذالك ماراح تلقا واحد  يفيدك 

الامريكي الجديد حط عليه علامة اكس .

والله مالظاهر انها زينه
ولاكن استخر

خل خويك يزود على فلوسه 3000 و يشتري آلنترآ لآن سعرهآ آلكروز 60000 يكفيك آن آلآلنترآ آنتشرت عكس آلكروز .. 

اشتر لك كورلا اطلق منها

موتر راسي انظمه الامان عاليه

لكن المكيف لك عليه وايضا قطع غياره غالي جدا

النترا افضل سيارة في فئتها

حليوة ، ولو تزود الفلوس شوي وتاخذ ماليبو احلا 

أخي الكريم تحية طيبة
أنا بصراحة ما أنصحك فيها
يشهد علي ربي إني واقف عند الإشارة وواحد معاه كروز ما أدري كم موديلها واقف على يساري
فجأة السيارة شبت نار من الأمام ايش السبب الله أعلم
وبالنسبة للقطع أحد الزملاء الظاهر خرب الحساس حق الريوس على كلامه والسيارة توها جديدة سأل عنها قالوله بـ 6000
هذا اللي أعرفه 
والله يقدملكم اللي فيه الخير

نصحية ابعد عنها انا معاية كروز 2010 جبتها بطاقة جمركية السيارة حلوة وفخامه ومواصفات وامان بس المصيبة قطعها نااار ومو متوفره وعلى فكرة غسلتها بستم ضربت المكينة والسيارة الحين لها شهرين مرميه في التوكيلات العالميه بشارع فلسطين مالها قطع  يوقلولي ممكن تخلص ياقبل العيد يا بعد العيد نصيحة ابعد عن شفر كله

نصيحة خله ياخذ النترا افضضل من جميع النواعي وتعيش معه ان شاء الله وسيارة متداولة بين الناس مو كروز
واحد من اخوياي معه كروز 2011 ويشتكي منها صرراحة لاياخذها نصيحة لوجه الله

عن تجربة ٤ سنوات ومشي خلالها ماوصل ٦٥ ألف كلم وما سويت أي حوادث ولله الحمد:
الموديل كروز ٢٠١٠ LT نص فل
السيارة ثابتة وقيادتها ممتعة وشكلها أحسن من سيارات ثانية كثير،ومريحة وإمكانياتها جيدة مقابل سعرها،
صيانتها الدورية في ACDelco أسعارها معقولة لحد ما، مقارنة بالوكيل




وفي تجربتي أقولك أنتبه من الأتي حصل معي مع إني محافظ على صيانتها في المواعيد المحددة وما أغيرلها غير قطع أصلية:




- السيارة حساسة جداً  لأي شيء بمعنى الكلمة (فيها كل شيء بحساس وكثر الحساسات يجيب مشاكل وإنذارات في الطبلون مالها أول من أخر)
- السيارة قومتها بطيئة، ما فيا ذاك التسارع على مكينة ١.٨
- ما فيها فتحة شنطة من الداخل
- كمبيوتر السيارة غيرته مرتين على الضمان وسعرة حول ٤٠٠٠ ريال
- الجير الناس تشتكي منه، وأنا كان فيه بطئ في التنقيلات وحليتها على الضمان بعد ٩ شهور استخدام وبعدها صار تمام (وللعلم زيت الجير ما يتغير حسب كلام الوكيل والزيت حقها يخدم مدى الحياة)
- حساس ABS غيرته ٣ مرات في أربع سنين، لو جا عليه تراب يخرب بنسبة ٩٠٪
- الوكيل (الجميح) صيانته غاليه مرة، وقطع الغيار كذلك
- لمبة Check Engine لعبت فيني بمعنى الكلمة و ولعت أكثر من ٢٠ مرة خلال ٤ سنوات
- لمبة ABS ولعت أكثر من ٥ مرات خلال ٤ سنوات
- لمبة حساسات الرجوع للخلف ولعت مرتين خلال ٤ سنوات
- الفرامل حسب رجلك، لكن أظن أنها جيدة جداً
- غيرت لمبة العالي ٣ مرات يمين ومرتين شمال




نصيحة من مجرب:
الشركات الأمريكية ما نجحت بالسيارات الصغيرة، الياباني يعيش معاك أفضل وأقل خراب، وكروز للأسف أصلها دايو وأنا مجرد ما الضمان أنتهى بعت السيارة على طول وإلا كان صرفت عليها قيمة سيارة ثانية
الأمريكي قيادته أفضل لكن ما أظن بتكون فرحان مع الخرابات، 
الأن أنا جبت ياباني ومرتاح




بالنهاية ربي يوفقك