كيف أعرف تاهو امريكا ولا سعودي

العداد حق السرعه ميل او كيلو اذا 200 يكون سعودي او المرايه حقت الشماسيه مكتوب عليها عربي يعني سعودي 

مافيه الفرق فقط في العداد هاذا ميل وهاذا كيلوا 
ولا يهمك تراها كلها مصنوعه في مطبخ واحد

الجديد صعب بتغييرات بسيطه من اللي ما يخافون الله يمشيه على الناس يقول سعودي
عموماً مثل ما ذكر الاخ محمد الطبلون بالميل والجنوط  
السعودي يجي بين الولاعه ومدخل الشاحن 3 ازرة الامريكي يجي 4 الرابع لتدفئة قربة المساحات ماني متأكد اذا كل الفئات تجي
آخر شي وهو الاكيد رقم الهيكل مر اقرب مركز صيانه وقطع غيار للوكيل حولك  وعطهم رقم الهيكل يعلمك سعودي او امريكي او خليجي
او شف قوقل المواقع المجانية للأستعلام عن العربات الامريكية وحط رقم الهيكل جرب لو امريكي بتطلع بعض البيانات للسيارة

السعودي اتوقع يدعم لغة عربية في الطلبون 
والطبلون بالكيلو

مواصفات الامريكي 

1- قزازه اسود وكالة 
2- فيه على الغمارة اريل او انتل اسود من قدام
3- الارقام الكبيره بالعداد 120 والصغيره 200 
4- عداد البنزين عند الفل مكتوب F وعند النص 2\1 وE عند الفاضي 
5- اذا سحبت جلط تطلع كلمة BREAK 
6- غالبا تجي المراتب الخلفية مفصولة 
7- اذا شغلت السيارة يشتغل السكن النهاري DRL اللي تحت لمبات العالي وبجنب الاشارات 

عادي ياخي سهله امسك الجمس وقل له وش انت ياولد سعودي او اجنبي ههههههههه

امزح عليك طال عمرك خذ رقم الشاص ورح للوكاله وسأل عنه يعلمونك اذا هو مستورد من امريكا او طالع من وكالة السعودية

اسهل طريقتين اللي هي الطبلون اذا كان ميل امريكي كيلو سعودي

والقزاز الخلفي معروف في السيارات الامريكية يجي معتم او مظللة وكالة بالعربي سوداء القزازه

اذا لقيت هالشيئين اعرف ان موترك امريكي

والفروقات كثيرة لكن غير ملحوظة

طريقه سهلة تعرف اي سياره مايهم نوعها سواء سيارات يابانيه او امريكيه او كوريه وماتتعب نفسك تبحث عن الفروق
في المواصفات بين الامريكي والسعودي باي سياره 
افتح باب السواق وشف اللزقه الي فيها كود رقم هيكل السياره وحموله السيارة اذا مكتوب باللغه العربيه
فالسياره سعوديه او خليجيه
واذا مكتوبه بالانجليش فهي امريكيه
والسوناتا والالنترا في الفتره الاخيره صارو يجبونها من كوريا ويبيعونها على انها سعوديه 
شف اللزقه اذا مكتوبه باللغه كوريه فهي ملعوب فيها 

في بعض الشريطية ما يخافون الله ممكن يغير الطبلون والمرايات حتى المسجل يغيره لأن ترددات FM في الامريكي مختلف عن الخليجي
في طريقة سهلة جداً ولا تحتاج تروح وكالة ولا غيره

خذ رقم الهيكل وادخل على هذا الموقع carfax
تلقى مربع ازرق يقولك أدخل رقم الهيكل Enter VIN إذا ادخلت الرقم اضغط GO إذا طلعت لك معلومات السيارة مثلا تاهو موديل 2009 هذا معناته إنه أمريكي
أما إذا طلعت لك رسالة يقولك تأكد من رقم الهيكل فهذا معناته إنه سعودي او خليجي

وإذا احتجت مساعدة إرسل لنا رقم الهيكل وأبشر بسعدك

^^^^^

على فكرة ترى الطريقة مجانية
لأنه يعطيك اسم السيارة وموديلها
فقط
التقرير هو اللي بفلوس

السلام عليكم
يا ابو العنود برسلك رقم هيكل
على خاص اذا وصلك ولا علمني

يا ابو العنود
الشلون ارسلك على خاص