تجربة زيت تخليقي على التاهو

7 4

لايمكنك التصويت حتى الحصول على 20 نقطة على الأقل
إضغط هنا للإخفاء

fasool95 317
قبل 9 سنه و 11 شهر

بسم الله الرحمن الرحيم 




اليوم الوالد الله يحفظه قال لي رح غير الزيت حق سيارتي و أنا استغربت يوم انه قال لي غيره أول مرة يرسلني 
أغير لسيارته 
يروح هو بنفسه دايم ويغيره 

نوع الزيت : acdelco sae 5w-30
طبعا المهم رحت وأول ما رحت لبترومين قالو لي ما فيه 
وبعدين رحت للبناشر قالو فيه قلت بكم اللي يقول 30 واللي يقول 35 واللي 40 المهم الأسعار تختلف من محل 
لمحل 
المهم تذكرة سالفة محلات قطع الغيار و أنا ادربح لهم و أول ما دخلت لمحل واحد مصري أعرفه 
قلتله عن نوع الزيت ولزوجته وانه تخليقي قال موجود وب 22.5 ريال 
قلتله عطني 6 علب طلعت كلها ب 135 ريال و أخذت سيفون من عنده ب 15 ريال طلعت كلها 150 ريال 
المهم رحت لبنشري ثقة عارفه زين وقلتله غيرلي الزيت قال أبشر وغيرته زيت وسيفون ونظف الغبار وقلتله 
كم حسابك قال 15 ريال قلتله لك مني 20 يستاهل الرجال شغله نظيف 
المهم اني رجعت البيت وقلت للوالد أبوي انت بكم تغير الزيت قال ب 250 
قلتله  أنا مغير نفس زيتك ب 170 ريال 
أسف طولت عليكم 
زبدة الكلام ان 
170 ريال وزيت يمشيك 10000 والله شي حلو 
250 ريال قدرت أوفر فيها 80 تفلللي البنزين وتغسلي السيارة 
الزيت هذا ممتاز و أنصح كم فيه يا أصحاب الجموس بقوة شرط مايكون ماشي فووق 200 ألف 
فكرت اني اشتري كرتون 

وعندي استفسار لأصحاب الأف جي 
الجيب عندي فيه صوت حنه وزيته بترومين 10w30 راعيه السابق معوده عليه 
أفكر أغيره بزيت من الزيوت التخليقيه لأنه يشرب بنزين ويحن ويطول بالتحميه الصباح أكثر من 10 دقايق 
ودرجة الحرارة تقريبا 11 
المهم وش افضل زيت له السؤال لأصحاب الأف جي 

أعيد و أكررر أسف على الإطالة

إبلاغ

الردود