استفسار عن الماليبو

السياره كويسه ما عليها

لكن في اشوف ان عندك خيارات كثيره

مازدا فل كامل 2015 زوم 6

سوناتا الشكل الجديد

ازيرا فل كامل ب 85 الف عند عماد الدين شكل مجنون وجنوط 19

اذا على 5 سنين فوايدهم تطلع حول 30 الف اشوفها عالية لو تتسلف من قريب او من البنك اريح لك 


الامريكي حافظ عليه يعيش معك 

راحة وفخامة 


بالتوفيق

انا اقول لو تصرف النظر عنها وخذ لك مازدا 6 

راعي الموضوع
انا كان معي ماليبو 2013 فل كامل ( تسمى الفاخرة ) 6 سلندر
ماشاءالله عليها تكرف كرف وماتقول لا في 6 شهور ماشية 50 الف وماتقول لك تعبت بس الله الله على الصيانة كل 1000 كيلو بوقتها وماراح تقول لك شيء .
هالكلام عن تجربة شخصية وكان سعرها
كاش 83550 ريال
دفعة اولى 5200 ريال
قسط 1618 ريال
دفعة اخيرة 18500 ريال تقريباً
المهم مجموع السيارة 114000 ريال

جرب تاخذها وتاخذ مازدا او سيارة من فئتها وراح تحس بالفرق

هذا من تجربة لي ورأي شخصي احتفظ به لنفسي ولا افرضه على احد مهما كان

مع اخوياي 3 سيارات ماليبو 13 الدفعه الاولى اثنين وواحد معه الدفعه الثانية كلهن ltz ولا احد اشتكى منها الا من حساس الكفر وجميعهم غيروه على الضمان  مرة وحده وانتهت المشكلة 

وبالعكس السيارة خدومه جدا بعكس بعض سيارات الشفر وراسية بالخطوط وتنسيم الهواء ماهو مزعج ولو تطوف شاحنه على سرعه ما يلعب فيها الهواء 

اما بالنسبة للفئة اللي تتكلم عنها اتوقع انها النص فل بدون فتحة وبدون جلد و شاشة لكن بدون ملاحه 

لكن فيها تشغيل عن بعد وانوار زنون متحركه (فوق وتحت حسب السيارات اللي قدامك ويمين ويسار مع الدركسون) وتنظيف انوار وبصمه وصفط مرايا بالريموت وتقفيل تلقائي بعد النزول وحساسات وكاميرا 

واهم الميزات اللي تفرق عن 13 

تحذير النقطه العمياء و شاشة معلومات بالطبلون (سرعه السيارة +ضغط هواء الكفرات +نسبة الزيت ......الخ 

وبالتوفيق 

السعر للفئة هذي كان ب95-98 والان عليه عرض ب89 

فئة الفل كان سعرها ب106-108 والان عليها عرض ب99 

فئة الفل اربعه سلندر ب89 

الاسعار هذي قبل شهر ما ادري الحين كم صارت 

يالربع انا حصلت ماليبو 2013 ماشيه 147
 سته سلندر نص فل السياره تنشاف نضيفه محركاتها
 وكل شي وبرضو بوديها الفحص وأتاكد
 لكن سؤالي هنا للي
 جربو السياره  تنصحوني بها ولا 

الماليبو سياره خدومه للكلان للأخ الي شاف ماليبو 6 سلندر ماشيه 150 تقريبا ! .. انا برائي اذا انك بتشتري مستعمل حاول انك تاخذ سياره ماشيه اقل من 100 الف اي سياره مو بس الماليبو ! هاذا رائي والله يوفق الجميع :)