الحل لمشكلة الرجة مع الفرامل بالكابرس
6
0
إضغط هنا للإخفاء
السلام عليكم ورحمة الله وبركاته"
اخباركم شباب عساكم طيبين....
موتري كابرس 2009 و صادفتني مشكلة قبل اكثر من 4 شهور وهي الرجة مع الفرامل,,
طبعا بداية المشكلة اول شهر تقريبا كانت رجة خفيفة ولا تحس فيها الا اذا مسكت فرامل على السرعات العالية فوق 140 كيلو...
مع الايام تطور الوضع صارت اقوى واقوى لين وصلت مرحلة الطارة ترج والسيارة كلها ترج رج قوي جدا ولا تمسك فرامل...!
طبعا في البداية غيرت طقم فحمات اصلي مع خرط هوبات خفة الرجة لمدة اسبوع ورجعت مثل ماكانت؟؟
جربت ابدل بين الكفرات الامامية والخلفية لان بعض الشباب يقولون ممكن سببها الكفرات وللاسف مافيه فايدة""
بعد البحث في المنتديات اكتشفت ان اغلب الكوابرس واللومينات فيها نفس المشكلة والسبب جلد السحب...!!
رحت للصناعية القديمة اول ميزان شيك على السريع قال هذي جلد وسحب ذراع داخلي"
مشيت وخليته ماعجبني كلامه رحت بعدها لميزان البلاد وهو ميزان كبير وشغلهم بطل"
شيكوا على السيارة من الى قالي جلد السحب كويسة وفيها اكثر من نص عمر...!!!
اجل المشكلة من ايش....؟؟؟؟
قالي عندك جلد مقصات تحت 2,, ومسامير توازن2,,وجلد عمود توازن ,وذراع داخلي ,وكراسي مساعدات...
قلت توكلنا على الله واخذت القطع كلفت 1180 ريال كلها اصلي جي ام"
جلد مقصات 300 ريال اثنين"
مسامير توازن 300 ريال اثنين"
الذراع 220 ريال"
كراسي مساعدات 320 ريال اثنين"
وجلد عمود التوازن 50 ريال"
طبعا شغل اليد 400 ريال مع الميزان وكل شي,,
النتيجة الحمد لله راحت الرجة نهائيا وجربت الفرملة على سرعات منخفضة وعالية"
اول كنت اذا اخذت منعطف او مخرج وانا ماشي فوق 70 ترج الطارة والسيارة حتى لو بدون فرامل الحين ضبطت ولله الحمد"
احس تماسك الموتر وتوازنة تحسن عن اول بكثير....
هذي تجربتي واسف على الاطالة واي سؤال انا حاضر...
إبلاغ
الردود
يقولي سبب الرجة ان اغلب الناس تخرط الهوب والكابرس ما يصلحله خرط
خويي غير الهوب اصلي وانحلت المشكلة تماما.
0
0
1
0
1
0
1
0
1
0
معقولة !! كنت أحسب مشكلة رجة الهوبات بس في الشكل القديم وأثاري نفس العيب حتى بالجديد !!
كلامك نفس كلامي بالضبط عن هالمشكلة، والرجة بعد الخرط المرة الأولى تكون بسبب إن الخرط مو مضبوط بالمرة الأولى، ولكن بالمرة الثانية يزبطونه.
ما أظن المشكلة بالقماشات أو الفحمات، بل في الهوبات، لأني جربت أقمشة أنواع وصناعات مختلفة حتى الصينيات وكلها لازم يحصل رجة بعد فترة ثم خرط.
فحمات السيراميك جربتها ؟ هل تفرق كثير عن العادية ؟ من نواحي:
- طول العمر.
- قوة الفرملة.
- عدم عودة الرجة.
بخصوص الهوبات الرياضية بدون شك أفضل ولكن سعرها غالي قرابة 2000 ريال للأربعة.
1
0
1 متانة البودي وقوتة افضل من الجديدة بمراحل
2 نظام التعليق فيها افضل وارسى من الجديده
3 مكينتها تطورت عن ال2004 فما تحت واصبحت نفس مكينة الجديدة وتلافوا فيها عيوب الحرارة وخلافة وعزمها اقوى من 2004
يعني بأختصار جمعت مميزات ال2004 وتحت وايضا مميزات ال2011 مع المحرك الجديد وطبعاَ كلامي عن اللومينا ال6سلندر .
0
0
0
0
0
0
جزاك الله كل خير شكراً جزيلاً لك.
بإذن الله تغييره الفحمات القادمة بتكون سيراميك.
ولكن هل منها الردي ومنها الطيب ؟! والا كلها سوا ؟!
0
0
واغلب المواقع الاجنبية فأبحث عنها في المواقع الاجنبية افضل انا ابراهيم التركي الله يبيض وجهه ارسلي رقم واحد يبيعها في الشرقية وارسلت عليه واحد من العيال لأني انا في ابها وربك يسرها سعرها 300ريال اخذت امامية فقط وبأذن الله بأخذ طقم هوبات مره وحده خلني ادفع 2000 وارتاح من هالحوسة كل خمسة شهور وانا اخرط غير .
اذا بغيت رقمه ابشر بأرسله لك خاص .
0
0
الموضوع هذا لقيته في منتدى اس اس عربي
0
0
لا يالغالي انا اللي كاتبة في اس اس عربي وكتبته هنا والغرض منه الافادة فقط..
شاكر مرورك
0
0
0
0
هل ممكن يكون السبب بكرة الشيال ؟
0
0
لكن تجي للمشكله الاساسيه تحصلها وحده فقط وانت غيرت قطع كثير
كراسي المساعدات ما تسوي رجه ابدا مع الفرامل
مسامير التوازن ما تسوي رجه ولا حتى بنسبة بسيطه
هي من جلد السحب اساسا مافيه مقصات بالكابرس
اللي كشف عليها اول مره وقالك سليمه ممكن شكليا سليمه من الخارج ولكن الجلده ناشفه
ورحت قطع الغيار وطلبت جلد مقصات وش تبيه يقولك ما فيه جلد مقصات ويجلس يشرح لك
يجيب لك جلد سحب ويقولك هذي هي
قبل 9 سنه و 11 شهر