..........

ممكن شيك على الطرمبة كويسة لانه شيك عليها مباشرة
انت شوف كتاوت الطرمبة بدلها مع اللي جنبها
كانت معي لكزس 400 بهذلتني كل ما دعست ووصل الضغط 3 تطفي وكأن الكهرباء كلها تفصل
وطلع من الكتاوت حتى تكشف عليها ما يعطيك فيها مشكله الا لو دعست تضعف
انت مجرد تجربه بدون خساير بدل الكتاوت مع اللي جنبه وشوف

اشكرك على ردك اخي العزيز
ياليت لو عندك خلفيه الكتاوت توصف لي مكانه

اخوي الكتاوت موجودة داخل علبة الفيوزات على يسار المكينة
وشكلها مكعب

الله يعينك على الكابرس مشاكلة واجد ويضيق الصدر

نفس مشكلتك حصل عندي بس سيارتي فكتوريا 96 
وديت عند المهندس وما ادري ايش المشكلة بالضبط لكن يقول غير فيها طرمبة البنزيل ونظف البخاخات وغير البواجي 
وانا غيرت حساس الكرنك وحساس الكام وفلتر الهواء وغير ظفيرة حساس الكرنك 
واغلب ظني راح لظفيرة وحساس الكرنك

شوف المفتاح تأكد منه يمكن يبيله برمجه لان فيه مسمار صغير يمكن يتحرك او طايح منك المفتاح لانها صارت معاي سيارتي لومينا ٢٠٠٢ واعتقد اللومينا والكابريس نفس بعض

انا اخوي قبل كانت عندي لومينا ٢٠٠١ v6 وكانت شبه مشكلتك اذا كانت بارده تشتغل 
وإذا صخنت تطفى فجاء علي كذا و احيانا تتم يوم او يومين ماتشتغل بس تدق سلف المهم 
رحت عند كم مكانيكي وقالي حساس الكرنك وغيرته وسياره صارت مظبوطه ب نسبه انك تشوف 
تهريب بنزين هذي الله و علم انه من العوامه حقت البنزين وآلله اعلم 

شكلك ماتحركها كثير 

جزاكم الله خير على ردودكم 
بيض الله وجيهكم 

كان مع واحد من العيال كابرس 2010 وكان نفس مشكلتك وجات فجأة يدق سلف ومايشتغل وﻻ خليته كم ساعة تشغله يشتغل ابو كم ثانية ويطفي وطلعت المشكلة على كﻻم الميكانيكي الكمبيوتر على اني ماني مقتنع من كلامه

انا حصلتلي هذه المشكلة

تاكد من برمجة المفتاح،،،،،جرب تاخذ السبير وتستخدمه

تقريبا نفس المشكله اللي حصلت لي في لكزس ٤٠٠ بس بسالك انت تدق سلف ومايشتغل طيب السياره يوم تشغلها او يوم تدق سلف كانها منقطعه بنزين اذا كذا فهي صفايه بنزين لان الكهربائي فحصها وطلع كمبيوتر وبعدين يقول ظفيره وكلها نصب في نصب لدرجه انه خرب الظفيره والمسجل ماصار يشتغل وبالاخير طلع صفايه بنزين سعرها ١٠٠ ريال

اخوي المشكله تقريبا معروفه
و هي حساس الكرنك يجي تحت المكينه
و مبدئيا فك الحساس و نظفه و ايضا السلك نظف الفيش حقه لان احيانا تدخله مويه و يقطع الكهرباء اذا ما ظبط غير حساس و استشير الميكانيك في البدايه لكن ان شاء الله هذه هي مشكلتك فقط لا غير

والله يااخوان توي جاء من الصناعيه كل مارحت لمحل صرفني على محل ثاني

المشكله ياخوي ان مامعي غير مفتاح واحد
وهي فعلن كان البنزين مخلص بس الي اشوفه لاما اضغط على ابره البخاخ يطلع البنزين


بنسبه للخوي الي يقول حساس الكرنك برفع السياره 
بعد الصلاة ان شاء الله والله يسرها 

ياولد الي لاخس مخي اذا اشتغلت كان مافيها شي تاكذ كم يوم وترجع عليها الحاله

ياولد حساس الكرنك الاجرب عجزت الاللقاه
رفعت السياره ودخلت تحت مالقيته ومن فوق مالقيت شي 
الي يعرف مكانه مضبوط حق الكابرس الله لايهينه يوصف لي مكانه