أضف سؤال أو موضوع جديد          

اذا ولعت لمبة مكينة عليه علامت سهم السياره تكتم

up 1 down 0
نايف 767 65
قبل 6 سنه و 11 شهر



السلام عليكم 
كيف الحال 
اخواني عندي بليزر بهذلني موديل 2008 
المشكله  اذا ولعت هذي المبه السياره تكتم وماتقدر تتعدي سرعة 80 ولا يالله تمشي 
الفرامل يخف مره و المكينه تهتز تهتز 
والسياره ترجف 

فحصته عند محل كمبيوتر والمبه مولعه قالي هذا الكمبيوتر خربان ويبي له تصليح 
قلت اغيره من التشليح يقولي بيكلفك و ماراح يضبط و السياره فيه اكثر من كمبيوتر وليسه واحد
قالي نصلح لك ب1000 ريال 
انا خايف يحوس بالسياره ويرقعه على الفاضي 
تشتغل المبه اذا وقفة السياره كذا ممكن ثلاث او اربع دقايق بعض الحيان تشتغل بدون سبب 
يعني ماله وقت محدد تشتغل بس لا طفيت السياره نص ساعه تطفي وتروح بس ممكن ترجع في نفس اليوم 
وكيف التاكد ان الخراب الكمبيوتر 
خواني وش تنصحوني 
انا ساكن بالرياض 
وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تراه بليزر كيف اكثرمن كمبيوتر
بعدين قالهم بغيره من التشليح قالوا له لا بيكلف عليك مره خايفين على جيبه وبيسرقونه
لانهم يعرفون المشكله ماهي من الكمبيوتر وشغلتها سهله قالوا 1000 ريال ولا يروح لغيرنا ويعلمونه المشكله سهله


up 2 down 0



اتوقع ان دبات البيئه متسكره فلذالك الموتر يكتم لان الهواء الخارج من المكينه ما يطلع


up 0 down 0
صويلح 1 55
قبل 6 سنه و 11 شهر



و الكمبيوتر لا خرب خلاص لازم تركب غيره 
لكن يمكن موترك يبي برمجه 
على العموم مر على اكثر من محل وشف وش يقولون


up 0 down 0
صويلح 1 55
قبل 6 سنه و 11 شهر



اخوي صار معي نفس العطل وكان اكثر شي تجي الرجه وتحس الموتر بيطفي عند الأشاره الضوئيه
وقالولي كمبيوتر وغير الكمبيوتر واخر شي طلع حساس ينظم دخول الهواء للمحرك عطلان وغيرته والأمور زانت 
100%.طبعا كشفت اكثر من مره بالكمبيوتر ولا يطلع معهم شي ولكن طحتلي بالنهايه بفني فهمان وكشف المشكله 
بواسطة الكمبيوتر طبعا.


up 2 down 0
ابو فارس10 358
قبل 6 سنه و 11 شهر



هذا انخفاض اداء المحرك
متى اخر مرة سويت تصفيه للمكينه
عموما الكمبيوتر لما يقرا غلط كبير بالقرائات يدخل سفتي مود 
شيك ع حساسات الاوكسجين الي عند دبات البيئه 
وحساس الماف الي عند الفلتر
والثروتل شيك عليه وصخ ولا نظيف ؟
علامه وطلعت ! تبدل كمبيوتر ليه؟ 
بالتوفيق


up 1 down 1
ليزو 481
قبل 6 سنه و 11 شهر



نفس كلام أبو فارس الحساس غيرته ب 450 
بس قبلها تبهدلت بالورش قالوا كمبيوتر غيرته ولا ضبط 
وقالوا علبة الفيوزات غيرته ولا ضبط 
وشوف كيف البهدله من ورشة إلى ورشة 
آخر شي طحت بواحد فنان وقالي الحساس غيرته ولين يومك 
مافي مشاكل


up 1 down 0
هشاام 115
قبل 6 سنه و 11 شهر



السلام عليكم 

اخوي انا رجال اترزق لله و عندي فحص كمبيوتر و الحمدلله عندي بليزر 2007 اعرف كل مسمار فيها كلمني واتس اب 0536519145
افحصها لك ب50 ريال ولو ماطلعت معاي المشكلة فحصك مجاني


up 1 down 0
عبود20122 13
قبل 6 سنه و 11 شهر



العلامه الي تظهر لك هي علامة انخفاض اداء المحرك , طبعا الكمبيوتر يخلي السياره تدخل في وضع الامان هذا لأن هناك 
مشكله في قراءة احد الحساسات 
غالبا في سيارات جنرال موتر هذا المشكله ناتجه عن حساس الثروتل لأن فيه سلكين للإشاره التي تذهب الى الكمبيوتر عن وضع 
فتحة الثروتل فمتى اختلفت اذا سوف يأخذ الكمبيوتر وضع الامان 
قد تكون ناتجه عن حساس القربه يسمونه ماف او فلتر الهواء مقفل بال اوساخ او غيره 
لكن نصيحه شوف الكود الظاهر مع هذه العلامه وهو يعطيك الدليل الواضح على مكان وجود المشكله 
لا تصلح بدون معرفة رقم الكود وهات الكود لنا هنا وابشر بعزك 
لاحظ سيارات جنرال موتور مشهوره بمشكله في فيش حساس الثروتل اي بوابة الهواء يعني قد تكون المشكله فقط اسلاك منزوعه
واخيراً
اسحب على صاحب الورشه لأنه كذاب ويبغى ياخذ فلوسك بالباطل 


up 0 down 0
ابو فرهود 357
قبل 6 سنه و 11 شهر



اخوي ابو فرهود 
تقصد انا راعي الورشة :(


up 0 down 0
عبود20122 13
قبل 6 سنه و 11 شهر



ههههههههههههه اخوي المكانيكي يبي ينصب عليك انا مثلك صارت معي
هاذاي المبه اذا راحت لزوجت ازيت لن فيه حساس بلكرتير حق المكينه يقيس الزوجه
 تكتم تحس انك احد يسحبك ماتمش تطفي اسياره وتشغل تضبط وبعض احايانن ترجع
الحل غير ازيت مع اسيفون نوع ازيت كاسترل 10.30 اذا غيرته افتح اسويتش ودبل بنزين 10 مرات
وطف اسوتش وشغل          [ولا تنسانا من دعواتك ]


up 0 down 0
a13r
قبل 6 سنه و 4 شهر



نفس المشكلة عندي اتمني لو حصلت حل تعلمني اخ نايف انا 2007 ماكينة 2005


up 0 down 0
abdoahmed 133
قبل 5 سنه و 8 شهر



أنا عندي بليزر 2005 بجده, السياره بطلت تشتغل, بس تدور الماكينه اذا شغلت بس تطفي على طول, واسمع صوت قرقعه مثال الحاطط بخاخ تنظيف


up 0 down 0
jalaliddin
قبل 5 سنه و 2 شهر



اخواني انا عندي بليزر 2005 فل كامل فجاءه وبشغل السياره فيها رجه وتفتفه واحيانا مع الدعسه تطلع لي لمبه المكينه وتختفي مع اني مسوي تصفيه مكينه قريب وش السبب افيدوني


up 0 down 0
سامي2016
قبل 2 سنه و 9 شهر