بخصوص الكابرس استشارة

يارجال انا مثلك كنت متيم بالكابريس وكل الناس خوفوني منه . وشريت الان توروس والحمدلله مرتاح معها

تبي الصدق بما انني من عشاق الكابرس
ولحد الحين ما امتلكتها بسبب نظره الناس لها
والسلبيات الي يذكرونها
1- صرفيه بنزين : هالمقوله ما ادري متى تموت وكأننا في دبي ولا امريكا ارخص سعر بنزين عندنا ارخص من المويه
2- الحراره : للحق ماعمري شفت كابرس مجنب ع الخط وفاتح الكبوت زي الفوردات ولا الأكورد
3-غلاء القطع الاستهلاكيه : في هالنقطه صحيح اسعار قطعها تعتبر مرتفعه

شفت واحد من الشباب معه كابرس موديل 2014 في اول اسبوع بدت تهرب زيت
لكن من سوء استخدامه لأنه ياكل المطب كأنه مافي شي قدامه

وفي النهايه ياصديقي استخر لأن الي بيردون عليك بيزيدون حيرتك وغالبا بيكرهووك في الكابرس عشان سالفه انه تغير
بلد المصنع وكذا

الله يوفقك ويجعل خيارك صائب

المشكلة ياخوي عندنا يشترونها بالغالب حقين الدريفت و المقاومات لكبر حجم مكينتها و قوتها

بس لو بتاخذها بعد واحد محافظ بتتهنى فيها 

القطع صحيح غالية

الخرابات والله على استخدام الشخص اللي قبلك ماتدري وش مسوي بها وكيف استخدامه

الموديل الافضل من 2011 وفوق وصارت بس 8 سلندر و تبديلات القير طوروها

و بالتوفيق 

فرق كبير بين ال 9 وال 10 ارشح 2010 شرط يكون 8 سرندل
ﻻن داخليته تجي داخليه 14 وانمبيرات ليزر وياسسلام سلم 

والله وانا اخوك انا زيك باذن الله ناوي ع واحد نفس اللي تبيه بس بنشوف اللي جربوه ان شاء الله يفيدوننا

سيارة جبارة ما يحتاج ومحركها معروف وقطعها معروفة وصيانتها أيضا

البنزين مايصرف سافرت عليه أحسن صرفيه من كثير من السيارات

بس تراه غالي وماسك سعره

انا معاي كابرس دور نظيف وحافظ عليه يعيش معاك سنين ماتعرف الورش 
انصحك بموديل 2011 وفوق لانهم اضافو مبرد قير خارجي + القير 6 نمر عكس 2010 ltz و ls يجي 4 نمر

شف موضوع صبي بني شهر > وان شاء الله يفيدك 
وهذا رابط الموضوع 
http://chevrolet.montada.haraj.com.sa/49078/اللي-يقول-الكابرس-خرابات-..-كل-من-لديه-كابرس-يتفضل/

قصدي صبي بني بشر 

2010 فيه فرق بلون العدادات وشوية تغيير داخل الكمبيوتر 
2011 تجي بشاشه بلوتوث وممكن يضاف عليها ملاحه 
2011 تجي 8 سلندر محرك اساسي 
2010 محرك 6 سلندر و 8 سلندر اختياري 
اختلاف بين الموديلين بحجم الجنوط وشكلها وبعض القطع الميكانيكية
اذا ميزانيتك حدود 45 الف تحصل كوابرس 2011 بالمعارض بعذه القيمه
اسعار الموقع مبالغ فيها لا تنضر لها ونصهم شريطيه يتكسبون بعشرات الالاف
السيارة ممتازه وعمليه وقوية ومريحه 

2009 وفوق ss / رويال تجي 6 تعشيقات 
2011 وفوق كل الفئات 6 تعشيقات و 8 نمر 
2011 وفوق الداخليه تحسنت + القير افضل
الكابرس ممتازة للي يصونها ويحطها بعيونه
الي ما جربها بالخطوط ولا عمره بيحبها
انا من ملاك الكابرس بس معي 2006 وكلمه حق صرفيه البنزين شوي مرتفعه .. بس لو رجلك خفيفه بتستانس بالصرفيه 
اهتم فيها ومتى ما خرب فيها ضي بدله لا تقول بنتظر اسبوع اسبوعين .. لانه خراب يجر خراب
بالتوفيق والله يكتبلك الي فيه الخير

الاختلاف الجذري بالمحركات بدأ من 2009 لصالح الرويال و الاس اس 
بتغيير القير الى تيبترونيك و لكن هذا مايعيب قوة القير السابق 


استهلاك البنزين حسب دعستك

اذا عندك المام باساسيات السياره
توكل على الله وشف النظيف 


٢٠٠٨ وطالع تلافوا العيوب الكهربائيه اللي ظهرت في ٢٠٩٧ الاصدار الاول من الشكل الحالي

انا حاليا مستخدم كابرس و اخوي معه كابرس كلها ٢٠٠٨

تعديل ٢٠٠٧ الاصدار الاول من الشكل الحالي

أنا معي ٢٠٠٩ شاريه مستخدم عام ٢٠١١ كان ماشي ٦٣ ألف، حاليا ماشي ١٣٧ و محافظ عليه ولا طلب مني إلا الزيوت و الفلاتر و الفحمات و البطاريه، ما شاء الله تبارك الله. و مره غيرت مفتاح النوافذ الكهربائية.

٦ سلندر طبعا،،،،،،،،،

ياشباب يعني اللي جربه ينصح باإستخداامة 

افتح موضوعي
تحصل اجابتك

الشي الثاني .. انا انصح فيه بقوة بشرط يكون بعد شايب او شخص عاقل
مو بعد درفت وتفحيط
راااح تحبه وتتهنى فيه

الله يسعدكم ويوفق هالوجيه الطيبة ونعم فيكم وفي علومكم ...

الكابرس موتر يطرب 
انا معي ٢٠٠٤ وماشالله ممتاز ولا خرابات ولا شيء 
بس انتبه تكون مهمل لاني مرة اهملت خرطوش الماء لين انفجر وخرب علي حاجات ثانية
كمان اكل المطبات بكثرة شق على ابشكمان وتحك السيارة من الاسفل وهذا ايضا مشكلة 
العيب الوحيد قطع غياره تعتبر عالية
مثال الدينمو ١٨٠٠ ريال سلامات