علة في قير شفروليه كروز

السلام و عليكم و رحمة الله و بركاته
كل عام و انتم بخير




بنزللكم اليوم بعض المعلومات عن حساس القير TPS
اختصار لـ Throttle Position Sensor




طبعاً حبيت افيدكم و اشارككم بمعلومات عنه لأنه خرب معاي 
و هو بالغ الاهمية و يمكن يوفر عليك كثير فلوس و يبعدك عن النصب اذا عرفت انه الخراب منه




طبعاً هو حساس خاص بتبديلات القير التوماتيك و هو الي يعطي اوامر التبديل




و لأختصار الكلام عشان اذا خرب عندك و رحت لورشة احتمال يقولك القير يبغى توظيب و تغيير و يوهمك انه القير منتهي
و هي المشكلة لا تتعدى 300 ريال




اعراض خرابة تأخير في التبديلات بالقير خصوصاً في الغيار الاول و الثاني 
و ما يغير القير الا يوم تحن المكينة لأقصى درجة يعني تصير كأنك محول القير الى الوضع الرياضي
و ايضاً يوم يجي القير يبدل لثالث ما يبدل تصير السيارة تنتع و تحسها تختنق كأن المكينة راح تمسك خلاص
و لكن المشكلة تكون من هالحساس الصغير 




و لكن من المهم ان تتأكد انه الخراب منه يعني اذا عندك هالحالة اول شي تأكد انه القير يبدل كل الغيارات يعني مو ماسك على الثاني على طول
بل مثل ما تكلمت انه يأخر و لكن في النهاية يبدل




اما اذا القير ما يبدل نهائياً فـ المشكلة تكون من القير لا سمح الله




طبعاً هذا الحساس تقدر تفكه و تركبة بنفسك دون الحاجة لميكانيكي و لا يحتاج خبرة
ارجو التركيز هنا :




شيل فكرة الغشيم من راسك و انك ما تعرف شي ترى كلنا نولدنا ما نعرف شي و تعلمنا و نحاول نتعلم
يعني جرب و لا تخاف و ضبط موترك بيدك ترى الامر اسهل بكثييير مما تتوقع




يعني انا طلعت مكينة و قير حق موتري بي ام دبليو و الناس تعتقد انه البي ام اكثر سيارة معقدة




و لكن صدقني فكيتها بمفتاح 17 عادي و مفتاح 10و  بوكس 17 و 13 و 14 و 12
و مفك عادي و مصلب




تخيل طلعت المكينة و القير فقط بهذه المفاتيح !!




هذي نصيحة لكم لا تستصعب شيئ و لا تستهين في نفسك




المهم هذي صور الحساس حقت بي ام 740
و حتى لو موترك يختلف تأكد انه الحساس في نفس المكان بكل السيارت
 و هو تحت فتحت الثروتل عند الثلاجة فوق في المكينة

منقوووووووووووول من العضو > أبو عادل <  للفـــائدة

القير يبدل من دون اي مشاكل .. فقط احس بنتعة خفيفة بالغيار ودا بداية الطريق وبعدها يختفي .. معقول تكون العلة من نوع الزيت ؟

صدقني الواحد اذا محافظ على سيارته ويفير شي وبعدها تجيه انواع الوساوس خخخخ من واقع تجربه 

اخوي انت تمشي فيها وهي باردة ؟

للأسف أخوي  الكروز فيها مشاكل متكررة في الجيربوكس ... 

الله المستعان .. لا ما امشي وهيي باردة .. وضو الاحمر حق الماتور ضوا ..

مافيه كروز عدت 100 الف الا وموضب قير وقبل امس واحد طلب مني كمبيوتر القير ب 2500 من برا وهنا 4500 

عموما احتمال يكون حساس او نوع زيت غلط طالما السيارة تجيب 120 

تاكد من نوع الزيت المناسب اخوي .. 
يمكن الزيت اللي حطيته مايطابق المواصفات الموصى بها للقير 
عشان كذا طلعت معك هالمشاكل ! 
رح للوكالة وخذ الزيت برقم الشاص مع الفلتر وغيره وامورك طيبه ولا تلتفت اللي يقول قير الكروز مشاكل ومن هالقبيل.

أتوقع من نوع الزيت اللي ركبته 

السلام عليكم

غير نوع زيت أيسيديلكو ديكسرون VI 

Dexron VI 

معلومات هامة الله يجزاكم خير