أضف سؤال أو موضوع جديد          

رجة في المكينة ارجو الافاده

up 1 down 1
العصيمـي 314
قبل 6 سنه و 4 شهر



السلام عليكم 

اسعد الله مساء الجميع

اخواني بدون اي مقدمات

غيرت زيت المكينة والحمدلله كنت منتظم بالتغيير على 3000 كم 
لكن المره هذي غيرته على 5600 كم بعد التغيير الموتر اختلف وظهر به نفضه قوية
مع الدعس تختفي رجعت لراعي المحطة وقلت بعد تغيير الزيت الموتر تردى وانعدم
قال وانا وش لي دخل الا اني غيرت الزيت قلت انا ماجيت اظلمك لكن وش علته
وجبت ميكانيكي كان في نفس المحطة قال يمكن بواجي او كويلات قلت ابشر اغير بواجي
طلع فيه واحد من الكويلات طافي قلت عساه منه غيرت بواجي والكويل واحد غيرته
والموتر هو هو ولا اختلاف ولا شي قال المكانيكي البلا من البلوف (+_+) انا هنا قفلت معي
المكينة ماجالها سنتين من غيرتها وكانت صافيه طول هالمده وش كيف على طول بلوف
والمشكلة مافيه تدخين من الشكمان الا بس النفضه

اللي ابي اعرفه كم تكلف البلوف مع شغل اليد لأنهم يقولون 3000 ريال والضمان شهر وبعضهم بدون ضمان
واللي يقول لا تمشي عليها بتعدم عليك المكينة كاملة والله اني ضعت واحس المبلغ مبالغ فيه لمشكلة البلوف فقط

ارجو من صار معه نفس النظام يدلني على ورشه ولا اي حل اسويه

الموتر لومينا 2006

وسلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ميكانيكي حمار .. شافك مرتبك بيستغلك التعبان
شيكت عالبواجي والفلاتر طيب
تري بالغالب اذا اسلاك الكويل تعبانه بتعدم البواجي برضه
اذا كان قصدك بالرجه نفضه بالسياره زي التفتفته بالغالب هذي مشكله من كويلات بواجي او فلاتر
اذا لا والله السياره ترج وتهتز باستمرار مع صوت هذي الكراسي حقت المكينه وتروح برضه اذا دعست
اما جلد البلوف دام ما تنقص زيت ان شاء الله سليمه
واذا مره شكيت ولعبوا براسك الميكانيكيه افحصها كمبيوتر
اخسر ميتين ولا تخسر الاف


up 2 down 1
als7aimy 1176
قبل 6 سنه و 4 شهر



المشكلة وانا اخوك غيرت البواجي والكويل العطلان وباقي الكويلات شغاله

وفحص الكمبيوتر يطلع اذا البلوف فيها شي ولا لا


up 1 down 0
العصيمـي 314
قبل 6 سنه و 4 شهر



مادامك غيرت بواجي ولا زبط معناها احتمال عندك مشكلة في البخاخات

لا تفكر في البلوف الا بعد ما تسوي الشغلات السهلة 

بالنسبة للبلوف مادري عن اللومينا 
لكن فيه ميكانيكي اعرفة طلب 1500 شغل يد مع القطع ويقول القطع بجيبها من التشليح شغل نظيف وبعطيك ضمان
مع شرط ان الصوت يروح نهائيا واذا ماراح لا تحاسبني 

سيارتي رام هيمي 
على فكرة كانت عندي رجة وتفتفة وكتمة طلعت من الكويلات والبواجي لكني حبيت اصلح صوت تكايات البلوف
مادام اني فتحت جيبي خلني اصفي الموتر مرة وحدة



up 1 down 0
naac 2 2721
قبل 6 سنه و 4 شهر



كم سلندر اللي معك
بعدين على اي اساس حكم ان كويل ما يشتغل كشف كمبيوتر او من رأسة


up 1 down 0



والله وانا اخوك ضاع راسي والورش نادر فيها اللي خاف الله

لكن الله يسرها


up 0 down 0
العصيمـي 314
قبل 6 سنه و 4 شهر



6 سلندر

والكويل اذا فصلته مايصير شي للمكينة لكن اخوانه لافصلتهم المكينة كأنها بتطفي عشان كذا قال كويل


up 1 down 0
العصيمـي 314
قبل 6 سنه و 4 شهر



المفروض تكشف كمبيوتر قبل كل شيء
اللحين اكشف كمبيوتر ممكن فيه مشكله ثانيه توضح مع الكمبيوتر فقط


up 1 down 0



وهذا اللي بسويه بكره بأذن الله

شكرآ لك اخوي


up 0 down 0
العصيمـي 314
قبل 6 سنه و 4 شهر



نصيحتي لك .. 
لاتستعجل في فك المكينة يمكن يكون حساس او مشكله بسيطة 


up 2 down 1
fx2y -207
قبل 6 سنه و 4 شهر



يالغالى يمكن البنشرى انكب منه زيت علا بعض الأسلاك الكهربائية أو فك له سلك يوم نضف فلتر الهوا 
وفك غطاء زيت الماكينه وهى شغاله إذا انفك معك بدفعه هو إحتمال البلوف قافله


up 1 down 0
عاشق البنيو 296
قبل 6 سنه و 4 شهر



شيك على كراسي المكينة للتاكيد 


up 1 down 0
برق الحيا 88 614
قبل 6 سنه و 4 شهر



ولله الحمد بعد صبر وبحث عن الورشات الصادقة

تم حل المشكلة فقط بتصفية المكينة ( تنظيف ليات وثروتل ومخارج الهواء ) والتكلفة ولله الحمد 500 شامله بعض القطع

نصيحة يا اخوان لا تسمعون كلام الورش وخاصه ابو يمن والله انهم مايخافون الله لدرجة بغيت اوضب بملغ 5000 ريال
لكن الحمدلله مع الصبر ونصايحكم قدرت احل المشكلة والفضل الاول والاخير لربي سبحانة

شكرا لك من تواصل ونصح اسأل الله لي ولكم التوفيق


up 0 down 0
العصيمـي 314
قبل 6 سنه و 4 شهر



الحمد لله انها جات سليمه وبأقل خساير....


up 0 down 0
جبل ثور 100 87
قبل 6 سنه و 4 شهر