أضف سؤال أو موضوع جديد          

قير الكابريس 2009

up 1 down 2
الكريك 176
قبل 6 سنه و 4 شهر



السلام عليكم اخواني الله يسعدك 

انا مقبل ع شراء كابريس وفلوسي محدووودة 

وناس قالو لي ابعد عن 2007 2008 قيرها 4 نمر


2009 6نمر
وكيف السيارة تستحمل الخطوط

وسلامتك اتمنى احد يفيدني  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اكتب "كابرس" في البحث تلقى 939491938193 واحد سال عنها 
والردود معروفة : 
1- الكابرس خرابات وحرارة وبيعذبك في الورش ابعد عنه وخذ ماركيز ولا فكتوريا 
2- الكابرس اذا مااخذته نظيف ابعد عنه 
ويجيك واحد ثاني من اقصاه :
ولد جيرانا معاه كابرس 2008 ماغير فيه الا استهلاكيات 

الله يبلشكم ياشيخ !

وعاد اللي سالكه اموره مع الكابرس بيمدح فيه واللي اكل هوى وتورط فيه بيذم فيه مابتلقى الحيادية 
عموماً :
نصيحة اخيرة : لو بتتبع كلام الناس بتتعب 
فلان يقولك كلام وعلان يقولك كلام غيره وبتتعب راسك ع الفاضي. 

موفق


up 11 down 2
fx2y -207
قبل 6 سنه و 4 شهر



القير ٤ نمر نفس قوة ٦ نمر

الفرق ان ٦ نمر جاي بمبرد اضافي وظفيرته مختلفه عن ٤ غيار


و اللي قالك من ٢٠٠٩ 
هذا في الرويال و الاس اس فقط 
اما ال اس و ال تي زد فهو ٤ غيار حتى ٢٠١٠

الا من ٢٠١١ و طالع 
القير ٦ غيار و المكينه ٨ سلندر 

و الموتر تعزه يعزك تذله ينفضك ويصلخ جلدك وعينك تشوف 

بالخط ماشاءالله تبارك الله 
واحرص ع النظيف 


up 3 down 1
xpoldx 1432
قبل 6 سنه و 4 شهر



يعني مافيه حراره ف الخطوط وعقبه الطائف


up 0 down 2
الكريك 176
قبل 6 سنه و 4 شهر



اذا دورة التبريد سليمه من المعوقات فما عليه خوف


up 2 down 2
xpoldx 1432
قبل 6 سنه و 4 شهر



على طاري اسمك 
يقول الشاعر :
الفرق بين الملعقة والكريك        أن الكريك أكبر من الملعقة


up 4 down 1
allah_yslmny 23
قبل 6 سنه و 4 شهر



لو لاحظت الان اغلب الموديلات اللي ذكرتها وباقي تشوفها في الخطوط هي سيارات تايوتا ولا الكوابرس  اكيد تايوتا فمن وجهة نظري اذا تبي سياره تكد معك دق لك  اوريون تريحك في الخط وانشط من الكامري ولا تشيل هم الحراره والكهرباء بعكس الكابرس ما يتحمل الحراره  وتخاف من قطعته بالخط باي وقت ولا يتحمل الكرف وحساس ويبيلك تراعيه وتحافظ عليه بزياده   وانا جربت مكيفه بعز الصيف موديل 12 عزالله وقتها ذبحني الحر عكس الكامري ماشاء الله مكيف تووووب التوب من الاااخر تبي نصيحتي ابعد عنه لأنك راح تشبك جميع اللي بالصناعيه لو اخذته كل شوي فاتح فمه واللي يقول الكابرس يتحمل الكرف انا في نظري العمر الافتراضي للكابرس من 5 الى 4 سنوات لو كنت محافظ ومشاويرك بالمعقول لاكن لو انت راعي خطوط زين اذا كمل سنتين وهو ما دقت فيه الخرابات  


up 3 down 10
ابو راكان 2002 280
قبل 6 سنه و 4 شهر



يا خوي ابعد ابعد ابعد
صح فيه مواتر يختلف عليها لكن الاغلب يطرونها بخير والذم فيها محدود وعلى شيات معينه تنبلع مثل التورس وهناك مواتر الغالب يذمها الغالب الغالب وعلى شيات مهمه مثل قير مكينه حراره مثل الكابريس والتشارجر
قطعها غاليه في بعض الامور هذا الكابريس الحراره مرضها اللي يقتلها دائم صح مكينه قير دزه فخامه لكن مو صبور ولا ماكان لقيته بسعره ذا شوف التورس او افالون موديلها ورا شوي بس نضيف ترتاح معها والله


up 1 down 8
سيب2010سيب 91
قبل 6 سنه و 4 شهر



الافلون غالي ولا ودي به والله


up 0 down 0
الكريك 176
قبل 6 سنه و 4 شهر



انت باقي ما شريت
كم مره تستفسر عنه توقعتك شريت وبعت وشريت وبعت
كل هذي وسوسه بعدين ترى توضيب القير كله 2500 ريال بقطع اصلي 
2500 ريال قيمة مساعدات كامري فقط
والي يقول قطعه غاليه قارن بين قطع الكابرس وقطع الكامري تحصل الكابرس ارخص


up 7 down 4



بالفعل مساعدات الكامري الاصلية ب2000 موديل 2003 اللي مع اخوي
اخذت له طقم مساعدات KYB ب800 و التركيب ب200
سأبت عن قطع مستوبيشي ناتيفا المساعدات الاربع من الوكالة ب400 !!!!


up 4 down 1
أبو نجوى 2442
قبل 6 سنه و 4 شهر



سألت ..........


up 0 down 0
أبو نجوى 2442
قبل 6 سنه و 4 شهر



ياخي واضح انك ماتدري وش الكابرس ولا يهمك تعرف عنها شي
كذا بينضحك عليك بكل سهولة 
الكابرس انواع موديل 2009 اقل نوع ls ستة سلندر واسعاره حدود 35الف للنظيف 
الكابرس اعلئ فئة موديل 2009 رويال وقيمته 55 الئ 65 الف 
فرق شاسع بالاسعار والمواصفات وفي القوة 
اخر اعلان لك واضح ماتدري عن مكينة الكابرس  وتقول مايهم ٦ او 8 
والحين جاي تبي 2009 عشانه 6 نمر وهو مايجي الا باعلئ فئة
قبل ماتشتري السيارة اعرف وش فئاتها وكل فئة كم تسوئ وايش مواصفات القير لكل فئة 
Ls هذا يجي منه 6 و8 سلندر ويجي 4 نمر فقط واسعاره بالثلاثينات
Ltz يجي منه 6 و8 ويجي 4 نمر فقط ويجي علئ فئتين بفتحه وجلد وبدون فتحه وجلد..  اسعاره الستة سلندر قريب من ls والثمانيه بالاربعينات
Ss ثمانية سلندر فل كامل رياضي 6 نمر واسعاره من 55 الئ 60 
رويال ثمانية سلندر 6 نمر واسعاره من 55 الئ 65 
الان اتضحت لك الفئات ال6 نمر مرتبط ب 8 سلندر اعلئ فئتين فقط هذا لموديل 2009 
لاتنزل اعلان تبي فيه 6 نمر واعلان تقول مايفرق معك 6 ولا 8 سلندر



up 2 down 1
al_orainy 56
قبل 6 سنه و 4 شهر



الوقت الحالي حتى الأكسنت تتحمل خطوط. شوف تكاسي الخطوط كلها أمريكي كابرس و فورد.

نظام الكابرس هو " إذا تراعيه، يراعيك" و "إذا تكرفه، يكرفك"


up 1 down 0
فايز 2012 469
قبل 6 سنه و 4 شهر