أضف سؤال أو موضوع جديد          

النمرة الثالثة ما تستجيب والحل هو التوضيب

up 2 down 2
b or not be 1422
قبل 7 سنه و 4 شهر



السلام عليكم ورحمة الله وبركاته:
 
قدر الله وغيرت زيت القير بعد فترة طويلة ما ادري متى غيرناه بحكم ان السيارة لاخوي وما هو موجود في منطقتنا
وخرجت من الورشة وما فيه الا العافية لكن بعد يومين وممشى 300 كيلو تقريبا مشيت من عند الاشارة 
وكأني دعست للموتر ورجع نمرة لكن ما طولت وصارت السيارة تحن كأني مفضي القير بعد ال40 كيلو
يعني اذا جات تبدل النمرة الثالثه تحن ويفضي القير
وقفت وما خليت طريقه الا وجربتها : طفيت السيارة وفصلت اسلاك الدعسة ورجعتها بعدين فصلتها ومشيت
بدونها لكن ما فيها فايدة.
بعدها رحت للورشة اللي غيرت عندها وقالي انت ماشي على الزيت فترة طويلة ومع الزيت الجديد القير كأنه
انهبل مع الضغط القوي الجديد واحترق الكلتش حق النمرة الثالثة.
طبعا انا كنت باحط اللوم عليه انه ما شم ريحة الزيت ولا قال اي حاجة لي على الاقل كتحذيراو كإخلاء مسؤولية
وانا اكثر واحد متابع لمشاكل وحلول وارشادات السيارات وادخل على اليوتيوب كثير لكن ما ادري ليه
راااحت عن بالي هالشغلة؟
يعني لو اني سحبت علبتين واضفت علبتين جديدة ومشيت مثلا 3000 كيلو بعدين سحبت  ثلاث علب واضفت مثلها
وامشي مثل الاول بعدين اغير الزيت كامل مع الفلتر.
او اني وقت ما غيرت الزيت ما اغير الفلتر معه.
المهم الميكانيكي قالي مسألة القيور حظ ونصيب،واحد ما غير الزيت من وقت شراء السيارة وبعد ما غيره ما صار
له شيء والثاني مواظب على التغيير لكن بعد فترة القير يودع.

الاشياء اللي طلبها مني وقالي تكون اصليه:
*طقم اصلاح كلتشات
*بساتم ،وهي تجي عددها 3 بساتم
*الحزام
*كرتون زيت قير

الاسعار:

اصلية/تجي الكلتشات والبساتم مع بعض بدون الحزام وسعرها 950 كاعلى تسعيرة
امريكي نوع ديكسرون/الكلتشات ب550ريال والبساتم ب350 ريال
والحزام لحاله ب80 ريال
 
خطر على بالي انه حساس الثالث مفصول لكن قالي الزيت فيه ريحة.

ابغى رأيكم في الموضوع ومنكم نستفيد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليك السلام ورحمة الله وبركاته
الحمد لله على كل حال
فيه حل بسيط ويغني عن التوظيب، وهو إنك ترجع الزيت القديم أو أي زيت قير قديم مستعمل ومحروق.
والسبب هو إن الكلتشات أصلاً كانت رايحة فيها ولكن الزيت بما أنه قديم وثقيل وكله رايش، فإنه يتجمع على الكلتشان ويحل محل اللي انحرق منها، ويكون كأن الكلتشات سليمة :)
هذا التفسير للي صاير.
فأنت اختر، إما توظب القير، أو ترجع أي زيت محروق ومريش وكأن شيئاً لم يكن.


up 2 down 6
وليد م ع الدخيِّل 490
قبل 7 سنه و 4 شهر



افحص الزيت بنفسك و تاكد من ريحة الزيت

يا ريت تذكر نوع السيارة و الموديل و ايضا كيف تقوم بفحص مستوى الزيت

ممكن فيه زيادة او نقص بالزيت


up 1 down 1
ameen ghanoum 163
قبل 7 سنه و 4 شهر



مدام فيه ريحه وضب ولا تتعب نفسك 


up 2 down 1
سيزو 420
قبل 7 سنه و 4 شهر



وليد م ع الدخيِّل/
 طيب لو رجعته بعدين مشيت على طريقة التغيير اللي ذكرتا في موضوعي هل ما عاد باوضب القير؟

ameen ghanoum/
 الزيت ريحته خاااايسة تفقع الكبد

سيزو/
 حتى انا اقول كذا واخر مرة اتعودها


up 1 down 0
b or not be 1422
قبل 7 سنه و 4 شهر



بس انا ملاحظ ماشاء رخيص التوضيب 
انا سألت عن توضيب كامري ٢٠١٠ قالوا لي اغلب الورش فوق ٦ الاف 


up 1 down 0
سيزو 420
قبل 7 سنه و 4 شهر



b or not be

نعم أخوي، إذا رجعت الزيت القديم مع رايشه، لاحظ مع الرايش (اللي تكون في أسفل الماعون كأنها تراب)، ما راح تحتاج للتوظيب، طبعاً الكلام هذا للي رجله هااادية مرة ما يدعس أبد.

أما إن كنت تدعس بين حين وآخر، فالأفضل التوظيب، وإن كانت رجلك حارة فلابد توظب توظيب رياضي وتركب مبرد قير مثل طريقتي في موضوعي.


up 0 down 0
وليد م ع الدخيِّل 490
قبل 7 سنه و 4 شهر



مستوى الزيت ؟؟؟؟؟


up 0 down 1
ameen ghanoum 163
قبل 7 سنه و 4 شهر



مستوى الزيت ولون الزيت كلها تمااام


up 0 down 0
b or not be 1422
قبل 7 سنه و 4 شهر



الإخوة اللي قاعدين يدسلكون ردي الأول، صدقوني لو تفهمون بالميكانيكا صح ما دسلكتوه بل عطيتوه لايك.
ما تقولون لي ليش يوم طلع الزيت السابق وتم تركيب زيت جديد ليش صارت النمرة 3 ما تمسك؟؟


up 2 down 0
وليد م ع الدخيِّل 490
قبل 7 سنه و 4 شهر



كيف تعاير مستوى الزيت

ايش الطريقة


up 1 down 0
ameen ghanoum 163
قبل 7 سنه و 4 شهر



اول خطاء تغيير زيت القير خارج الوكاله ولو ترجع للاسعار متأكد ان الفرق بالسغر بلمون تقريبا 150 ريال تقريبا

ذكرت لك الوكاله لسبببت السبب الاول لزوجث القيور تختلف وانواعها تختلف فالافضل التوجه للوكاله
الامر آلآخر وزن كمية الزيت فتوجد سارات مالها معيار فالوكاله ادرى بالكميه
الامر الثالث برمجة القير وهالشي نادرا تسويه اي ورشه الا الورش المتخصصه بالقيور ويسوونه ب 500 ريال

الله يعوضك ياصديقي ويكون بعونك


up 1 down 1
شكلين مابحكي 3159
قبل 7 سنه و 4 شهر



خذ نصيحه مني بحكم موترك كابرس 2002 وعندي مثله , كلتشات خذ اصلي جي ام بكج كامل بالصوف وكل شي وشوف لك واحد يوضب مضبوط ترى لو طحت بواحد غشيم بخرب لك قير والاهم تابع معه بالتركيب لا يغشك بالتبديل قطع وركب مبرد هايدن كبير ب 170 وان شاء الله تنسى قير نهائيا .


up 1 down 1
x500 777
قبل 7 سنه و 4 شهر



نصيحة وضب عند واحد متخصص قيور وخلك عنده ﻻن مشكلتهم انك تجيب طقم كلتشات كامل وﻻ فرط القير غير الكلتشات المحروقة او على وشك حرق مثلا الاول له خمس كبتشات يغير 2 التعبانة والباقي يخليها عشان كذا انشب لهم وحرص عليه


up 0 down 0
ابوابراهيم ksa 1391
قبل 7 سنه و 4 شهر



وليد م ع الدخيِّل/
اعذرني ما اقدر اتدخل في منع التقييم

شكلين مابحكي/
شكرا على مداخلتك
لكن هذا احنا نغير للسيارات الثانية برا الوكالة وما خربت القيور
المشكلة هي من الكلتشات محروقه من اول مثل ما تفضل الاخ وليد الدخيل

x500/ابوابراهيم ksa/
باذن الله بأكون معه والحرص واجب ومن ابسط حقوقي

وترايستار ما هي موجودة في عسير 
لكن فيه ورشة في جدة عندها المبردات وناسي اسمها
قريت لها موضوع لاحد الاعضاء ونسيت 
اللي يعرفها لا يبخل علينا


up 1 down 0
b or not be 1422
قبل 7 سنه و 4 شهر