سرقت الجوال

14 14

لايمكنك التصويت حتى الحصول على 20 نقطة على الأقل
إضغط هنا للإخفاء

باسل النزهة 15
قبل 9 سنه و 10 شهر

صباح الخير 



موضوع خارج نطاق السيارات وانشاء الله القى جواب وحل نبدا بسرد القصه


امس كنت مطفر قلت خليني اكدكد شويه اطلعلي كم ريال ف امس الصباح حميت المزيونه كابرستي وانطلقت اتكس


الحمد الله طلعت 35ب مشوارين مشوار ب 15ومشوار ب 20طبع
ا هي بعيده بس ايش نسوي السعر ياخد العقل هههه


المهم وانا موصل اخر مشوار ضيعت الطريق ومالقيت نفسي الى مسافر غشامه هههه

مشيت مشيت ادور مخرج الين مالقيت مخرج واخدو وبيني وبين المدينه تقريبا 10كيلو او 8 اخدت المخرج كلو صحرا وصبات ودنيا وازفلت تعبان مشيت وانا قامط ههههه


شويه ماصحى الى صوت دبب الى وهيا حفره قويه اكلتها طنشت ومشيت ماجات دقيقه الى اشوف السياره تحدف يمين وقفت اناضر الى والكفر مبنشر ياسلام على الورطه فكيت الشنطه ادور العفريتا والصليب ماحصلت تخيلو موقفي خلا وصحرا والطريق حق مسار ونص والتريلات رايحه جايه بس قليل مرا ومايوقفو انتضرت لين ماجا صاحب هايلوكس الله يذكرو ب الخير نزل معاه عفريته ومامعاه مفك واقترح علي اعكس قلت خطر وكدا بعدين لو عكست بطلع طريق السفر على محطه ثم بسافر وين تلقه مخرج وقفنا ساكتين مندري ايش نسوي اخر شي قلي مالك الى تمشي وهي مبنشره شغل طلال مداح واستكنان ياخوي ههههههه وقلي لاتتعدا 10وانتبه للحراره قلت انشاء الله شكرته وكدا وسلمنا على بعض ومشينا وبدا المشوار طبعا عندي الكفر

 الي ورا حبل كمان من الحفره حسبي الله عليها مشي
ت لين ماقفلت معاي وبعد مغامرات وكدا وصلت المدينه


بعد ماكرهت عمري وصلت اقرب محطه قلتلو غير وغير الكفر الى في صوت ب السياره


شك شك شك زي كدا مو مره قوي 


في ورشه جمب المحطه جفت الكوابرس كثير عندها قلت شكلو يفهم فيها خليني اسال

رحت قلتلو على الصوت ركب السياره حطها ف الان مدري الدي وجلس يدعس بعدين قلي عندك صوت تكايات قلت بذمتك قلي يعني بقعد اخمنك انا قلت لاتقولي توضيب قلي غير طرمبت زيت ووجه كارتير وبواجي ومدري ايش دخلني ب مشروع ب

2000ريال تقريبا وانا دوبي موضب جربوكس مطفر قسم اني زعلت وقعدت اسبسب فيها قلت وش خلاني اخدها لو اخدت جديد وسمعت كلام ابوي افضلي وندمت اني تكست بسبت الكفر بس الصوت من قبل مايضرب الكفر وصادفت وقلت اسال

قلي المهندس ح ياخد شغل يدو 1200ريال وانا فاك الباب بركب قفلت معاي وطاح الجوال من الجيب ونزل تحت السياره بعيد ومني فايقلو قلت خليه شويه كلمت الرجال وكل شي وركبت السياره ونسيت والجوال تحت السياره قسم ب الله اني غبي ههه

ماصدقت جيت البيت ادور المحفضه حصلتها الجواﻻ مالقيتو فين الجوال يابه ادور ادور انغبر مالقيتو شويه اخدت شهقه قويه وصلبت قلت اوف نسيت اجيبو من تحت السياره واشغل وامشي تخيل من نص المدينه لين اول محطه تقابلك لما تدخل المدينه جيت فين الجوال قلي المهندس ماشلتو قلت لا ماحصلت الجوال انفشخ في مغسله جنب المحطه قلت بشوف العمال سالت وخليتهم يفضو جيوبهم مالقيت طبعا لاتلوموني الجوال في كل اشيائي وبلاويا والاهل 



رجعت البيت وانا مدري ابكي على الجوال او ابكي على السياره مدري وش سارلي قلت مالي الى بدحديره فيها وادي ارمي نفسي انا والسياره خخخخ فصلت 


رجعت البيت قلت خليني اسال في واحد جنبنا فنان ويعرفنا ركب السياره قلي مافيها شي قلت بذمتك قلي سياره كويس مافي شي قلت طيب المهم جاتني حاله نفسيه قلت اصدق مين فجاء تذكرت لمت وضبت الجربوكس عند مهندس زياد سوري صاحبنا ماتحصل زيو امين ويخاف الله وشغلو تمام وسعرو حلو وكل شي فيه سعاده ياخي مكانو ف المدينه المنوره ف محطت النسيم عند النور مول قلت مهندس زياد وصيتو على السياره وقلي مافيها شي مالك هم من ناحيت الجربوكس ومن النواحي الثانيه طبعا قلي يبغالها بواجي واسلاك بواجي بس وماغيرتها هادا الكلام اول لما وضبت  جيتو سلمت قلتو المشكله سمعتو الصوت قلي مافيها شي هادا صوت السياره كل سياره لها صوت قلي تعال نطلع نشوف عشان ترتاح راح جربهت مغطها ومشي فيها بشويش شويه اخد الورقه حقت المشرو ع وعفطها  ورماها ب الزباله قلي سيارتك مافيها شي لا تخاف بس يبغالها بواجي واسلاك جيبها اسويها لك 


شوي من الفرحه حبيت راسه وهرجه طويله مني فايق جالس اختصر انا المهم خلصنا من السياره طلعت سليمه الحمد الله


هذاك نصاب الله ينتقم منو باقي الجوال مسروق ادق عليه مرا يشبك الخط مرا مقفل مرا يرد مايتكلم والجوال فيه الاهل اخاف يسويلي مصيبه 


وفيه بلاوي وشريحني بدون ايسم الجوال نوكيا اكس ال لمس كبير ماعليا فيه بس اخاف يسويلي مصيبه يااخوان اقتراحكم ايش اسوي


طولت عليكم سامحوني ب التوفيق وانتبو تصدقو الورش روحو اسالو تاكدو عند ناس تعرفوهم واثقين فيهم  احسن



سبحان الله وبحمده سبحان الله العضيم

إبلاغ

الردود