سبحان الله وبحمده سبحان الله العظيم

احسن للك تمشي على رجوللك لاتشتري سياره والله جد ماامزح شغلتك كلها ماتكلف ابو15ريال واخرتها 7500

نفس حالتك في الكرسيدا نسيت زيت القير وكان يهرب بسبب ضربه 

رصيف بس والله القير العايدي عزز مايخونك أبد وغيرته بي 600 
الله يديم الرخص 

و الله انك شجاع و قليل اللي يبي يفيدنا بأخطائه
عشان نستفيد من تجربته و لا عليك من اللي يستهبلون
اشكرك و الله يعوضك خير
و كل شي مكتوب و مقدر الحمدلله على كل حال

ايش تتوقع من سيارة عمرها اكثر من 20 سنة 
اجواء المملكة وبعد المسافات تؤثر على عمر الماكينة والسيارة بشكل عام 

يارجال مكتوب لايضيق صدرك
والله لو ماهو مكتوب تخسر هالخساير ماراح تخسرها واحي فيك روحك لاعترافك با اخطائك 

ما قصرت عشرين سنة تخدم وأمثالها من الياباني الآن في التشليح !!
شيفروليه وفورد تمرض ولاتموت !!@
الله يهنيكم فيها وآخر الأعطال

مرة من المرات كان يهرب عندي زيت القير ( عادي) واهملته وعبيته شحم كنت مررة غشيم وخسرني ٢٥٠٠ ريال قير تشليح 

ياشباب بالله لايكات بإذن الله باطرح موضوع يفيد الاعضاء يإذن الله 

خيره إن شاء الله 
الله يعوضك خير .

الله يعوض عليك وزين انك تعترف بخطأك .. 
بس يأخي اسمه سوبربان 

في سالفة صارت معي وهي ان اخوي صدم بسيارته

وكان الحادث في منطقة خارج الرياض  قلت له ارسل  السيارة للرياض
 
لورش كثيرة والقطع متوفرة والواحد يطب  ويتنقى المهم عيا وقال بصلحها

وصلحها عند واحد وهالرجل اضطر يسافر قبل ما يكمل شغله وباقي شبك

المراوح وليات الراديتر المهم اخوي ما علمني وشحن موتره يوم وصل اتصلت عليه

ورايح يستلمه وقلت له اصبر اجيب لك سطحة راس مالها 200 ريال ولا يصير شي

اخوي طنش وقال ما عليك تمشي (الى الان ما قل لي عن شي عن المراوح والراديتر)

المهم ربع ساعة دق علي ويقول الحرارة ارتفعت وقال لي السالفة كلها وودينها لورشة 

وقال يبيلها مسح راس ومن يومها والموتر يطلب مرة طربنة موية مرة طربنة زيت مرة تهريب

عطيتك ديس لايك لانك شديد الاهمال

kookoo2014 عطيتك ديس لايك للمعومية لان غير يطلب لايكات بينزل موضوع واخرتها تطلع علومه تمرش

ههههههه فيه من يفتح مواضيعي القديمة ويدسلها

ههههههه فيه من يفتح مواضيعي القديمة ويدسلكها

طبيعي ياخوي الاهمال ومادراك مالاهمال 
او شئ كان غيرت الجيربوكس بكبره لانه كان اساس العله دام يخليك تدعس للاخر لحد التفتفه او التقطيع هذا بحاله يتعب ويضر المكينه بشكل كبير
وسالفه ان الزيت نقص وخبطت ترا تقاسيم والواحد يتعلم من اخطائه كلنا نخطي والواحد مو معصوم بس الواحد يزيد تركيزه افضل 
ويكون مركز على كل شئ صغير وكبير 
وبخصوص الكابرس متاكد ان جيربوكس700 لانه حساس ومايتحمل نقص الزيت انا بكابرسي كان التهريب من الوجوه 
وكنت ازوده كل مره اعشق الريوس وادوس الجلنط واخليها معلقه واقيس الزيت وازوده حاط علبه بالكبوت 
والله احيانا اطلع العيار مايطلع نقطة زيت لين مالبنشري انصدم كانت ناقصه كثير بس ماخبط ولله الحمد تخبر جيربوكس200رهيب 
ومايخبط وعزمه حلو وصبور 

منورين جميييع ' ابو غالية لا تدقق هههههههههههههه اكتب بالجلكسي 
ولا اقدر اعدل الاخطاء 

ابو نواف لايك ودسلايك ماتفرق 
يكفي منورنا بوجودك يابعدي 

احمد الشريف .. لا يابعدي 
القير 200 فور ار والحين 350

wasa  عطيتك لايكين لاخلاقك

ابو نواف الله يسلمك ويعافيك 
ومابينا لايكات ودس لايكات 
ولاتحسب انا اللي معطيك 
دسلايك على مواضيعك القديمة 
واذا منت مصدقني علمني بالمواضيع اللي حطو عليها دسلايك عشان اعطييك عليها لايكات وتتأكد (: