مشكلة في السيرا ما تشتغل

البطاريه عادتها تخرب بالشتاء

شيك عليها

جربت البطارية
السلف سليم >= على كلام الكهربائي
فصلنا البطارية .

اما الكهربائي على طول يقول كمبيوتر 
افحص البطاريه حقت السياره وشوف كم فولت 
لازم تكون فوق 12 فولت وبالقليل 11.9 فولت 
غير كذا ما راح تشغل 
هل سويت لها اشتراك 
ثانيا هل لمبة التشيك تشتغل لما تدق السلف العالي ,لأنها دلاله على ان الكبيوتر يتواصل مع السياره 
في رأيي سوي اشتراك وافحص البطاريه ومن ثم غيرها اذا هي تعبانه بعد كذا المشكله قد تكون في السلف او كتاوت السلف 
الموضوع سهل ان شاء الله لكن ابدأ بالبطارية

الكهربائي ما يقدر يحكم على السلف الا اذا حاول يدقه وما قدر 
يعني لازم يوصل بعض الاسلاك في السلف مباشره مع بعض 
غير كذا هذا عليمي اذا احسنا الظن به

افحص كل الفيوزات يا سعد 
بعضها خاص بالتشغيل 
لا تروح للكمبيوتر نصحيه 
احس اني متحمس للموضوع

الجمس وكل سيارات الشفر تقريبا من موديل 2007 وطالع

السلف كهربائي ماهو مثل النوع الاول

يعني تدقه لمسة بس يشغل نفسه ما يحتاج مثل السيارات القديمة تعلق على السلف حتى يشتغل

وطالما الانوار تولع ولا يدق سلف نهائيا ممكن يكون عندك السلك حق السلف مجروح او مفصول

كيف حكم الكهربائي ان السلف سليم وهو ما فكه ولا شيء

ممكن من السيكورتي حق المفتاح اذا عندك مفتاح تاني جرب فيه

عافاكم الله انا سويت اشتراك ولا اشتغل بس بكرة بغير البطارية

يا حبك للخساير

طالما النور شغال وقوي عادي يعني البطارية سليمة

انت ما قلت انه يدق سلف وضعيف ما يشتغل عشان نقول تغير بطارية

تقول ما يدق سلف اصلا يعني مافيه كهرباء واصله له لكن النور شغال كذا ما يكون من البطارية

شيك علي كتاوت السلف

كل سيارات جي ام الجديده النور والع والطبلون والع بس ما يدق سلف اذا البطاريه ضعيفه
اذا دقيت سلف كل لمبات الطبلون تطفى وترجع تشتغل هذي بطاريه 

حبيبي روح لمحل بطاريات وقوله شيك ع البطارية 

خربت البطارية علي وظهرت لمبة المكينة
وللعلم البطارية كانت نضيفة 
وكانت نفس سالفتك كل ماجيت عند احد يعطوني اختراعات
واخر واحد قالي الكمبيوتر ودع
غيرت بطارية وكلها دقايق واختفت لمبة المكينة والسيارة تمام 

* ابدا بالامور البسيطة فالك للتوفيق *

شغل بمفتاح الاسبير ودعيلي