بيت ميكانيكي

71 70

لايمكنك التصويت حتى الحصول على 20 نقطة على الأقل
إضغط هنا للإخفاء

ابراهيم التركـي 1065
قبل 9 سنه و 10 شهر

السلام عليكم ورحمة الله وبركاته
 
مساء الخير على الاعضاء وعلى root بشكل خاص لا تحذف مواضيعي ههههههههههه تسليك

احد يشتري ديكورات منزلية مثل اللي بالصور يعلمني ولا يتوقع السعر رخيص ههههههههه

البنزين عندي 0 لتر طفران مين يسلفني هههههههههه

قبل فترة طلعت عند البيت لقيت سيارتي مصدومة من ورى وهي واقفه

طلع جارنا مطلع سيارته من البايكه معاه جيب و البايكه عنده مرتفعه ولا شاف السياره 

صايرة تحته وصدمني هندي هو شغال بعبداللطيف جميل

لكن ما علمني ولا شيء اتصلت على نجم لان السياره فيها تأمين شامل

جاني نجم خلال ربع ساعه او اقل وسجل الحادث ضد مجهول بكل سهولة

هذا الكلام الصباح

يوم جاء بعد الظهر الا جاري يدق علي البيت طلعت له قالي صدمت سيارتك ههههههههههه

المهم هو بعد عنده تأمين شامل 

اتصلت على نجم قالوا لازم تروح المكتب وتعدل وتسوي اضافة طرف للحادث

رحنا وخلصنا امورنا ساعه تقريبا اضافوا طرف ثاني والحمد لله تيسرت

الحادث له شهر تقريبا ولا ضنتي بسويها

التقدير 5500 ريال تقريبا مدري وش عليه لو بسويها طقطقه عاديه بدون بويه افضل

او اغير شنطه من التشليح 1000 ريال بحد اقصى نفس اللون بعد افضل

______________________________________________________

بعد تجربه للومينا اكثر من سنه وكرف وماشيه حاليا حوالي 270 الف

على سرعات عاليه ودعس واستخدام شاق والسياره تجلس ساعات يوميا شغاله ماشاء الله

وصلت لقناعة تامة بأنها فعلا سياره تستحق الاستخدام والخدمة والكرف

وصلت درجة ثقتي فيها بأني حتى لو جيت اسافر القصيم ما شاء الله ولا افتح الكبوت اشيك عليها

اشغل وامشي كأني رايح مشوار بنفس جده بدون اي خوف

اوصل هناك نفس الشيء ما يحتاج اشيك عليها عارفها لا تصرف زيت ولا تنقص ماء ولا شيء

ولا فيه اي خوف منها الحمد لله

جلست فيها 3 شهور تقريبا وحده من المراوح خربانه وماشي على مروحه وحده

وداخل زحمة جده الحمد لله الحراره ما قد وصلت الثلث حتى 

والناس تخوفنا من الشفر انه راعي حراره

اذكر الكامري خربت وحده من المراوح ما قدرت امشي فيها ساعه وحده ترتفع الحراره فوق النص

وهي 4 سلندر وقير عادي

اللومينا ما لقيت منها معاناة وممكن اللي ما عنده خلفية بالسيارات او شايب بتخرب المروحه

ويمشي عليها سنه ما يدري عنها لان الحراره ثابته ما فيها اي اختلاف

الناس تتكلم من جهل دائما انها راعية حراره وخرابات وانا اللي شفته العكس تماما

قبل شهرين كنت بالقصيم وبجي جده عندي جلسه بالمحكمه يومين وبرجع القصيم

وكفرات السياره قديمة منتهيه منتفه وطفران ما بغير كفرات ههههههههه

المهم مشيت من عنيزة عبيت فل بنزين 91 وثبتت السرعه على 110

وصلت جده 950 كيلو والبنزين خلاص على النهاية مشاني 950 كيلو لكن على سرعه 110

جيت للجلسة وانا راجع وصلت المدينه الا الكفرات خلاص مره منتهيه تنسم من كل مكان

وقفت وطقيت لها طقم لقيتها ارخص من جده غريبه

طقم صيني من النوع الممتاز نفس اللي كان راكب فيها 720 ريال

بعدها حطيت رجلي ثبتت السرعه على 220 تقريبا اعوض الطفش اللي راح ههههههههههههه

طلعت من البيت 6 الصباح وكان فيه كفر نايم عبيته هواء يوم وصل 30 الهواء تقريبا

اسمعه ينسم من كل مكان خلاص ممسوح منتهي ركبت فيه لستك ومشيت للمدينه 

بنشر الثاني بعدها قلت مالي الا طقم

ما طلعت من المدينه الا 2 ونص الظهر

8 ساعات ونص بين جده والمدينه لاني بنشرت بعيد عن محطه لكن داخل المدينه

ولا معي مفتاح عجل مسوي واثق كفرات منتفه واسافر بدون مفتاح عجل ههههههههههه

لقيت محطه بالشارع الثاني والكفر عندي ينسم على شوي شوي 

احط رجلي واديور مع الاشاره عشان ارجع المحطه يوم جيتها الا مافيها بنشر هههههههههههه

اول مره اشوف محطه بدون بنشر وابتلش 

الحمد لله وقفت على الخط اول سياره اشرت لها وقف لي راعي فورد وساعدني ما قصر

بعد ما غيرت الكفرات طقم حطيت رجلي على القصيم عاد من زمان ما اسرعت عشان الكفرات

الزبده يلا بس بقوم امشي كالعادة رياضه اشوفكم بعد العشاء

إبلاغ

الردود