أضف سؤال أو موضوع جديد          

أخطاء بتصميم الكابرس واللومينا

up 40 down 38
ابراهيم التركـي 1083
قبل 4 سنه و 9 شهر



السلام عليكم ورحمة الله وبركاته

موضوعين كلها تتكلم عن اللومينا وتصميمها من جهة الابواب والصور بالاسفل توضح لكم

قبل يومين فتحت باب السائق و كنت ابي اشيل الدعاسة انظفها

ومستعجل اول ما نزلت جسمي شوي ووجهي الا يصك وجهي بالزاوية البارزة اللي مأشر عليها

بالصورة الاولى واترنح شوي قسم بالله جاتني دوخة من قوتها والضربه جات فوق عيني شوي

والله اني رجعت البيت اجلس شوي احس رأسي كله ينبض ههههههههههه

والديكور حق الباب بارز بشكل مبالغ فيه حتى المكيف صاير بالباب

النقطه الثانية هي الفاصل بين ديكور الطبلون و ديكور الباب جاي نفس الطريقة خطير

خصوصا جهة الراكب خطير للاطفال

الجهتين نفس الشيء ولكن الاطفال يكون مع امه قدام ويمد يده والباب مفتوح على الديكور

ولو سكرت الباب بتسكر على يده بتضغطها بشكل قوي جدا

و الديكور من الجهتين كلها صلبة المفروض تكون من الجلد افضل لتخفيف الضغط

عاد تجيك الحرمة تفكر بعبايتها بس ما تسكر عليها ولا تشوف يد الاطفال وين تكون وقت ما تسكر الباب

هذي موضوعين بالتصميم خلصنا منها

نجي الموضوع الثالث من غبائي ههههههههههههه

طبعا الانسان طول عمره يغلط ويتعلم او يتعلم من غلط غيرة

وانا تشوفوني اتلفسف واجد من كثر ما غلطت وتعلمت ههههههههه

لكن المنتدى يفيد الكثير وتتعلم من غلط غيرك اكثر

يعني لو المنتدى هذا موجود من 15 سنه مثلا كان خبرتنا اللحين اكثر

كل يوم نتعلم شيء جديد

المهم السالفة ببلف التبخير اول ما شريت اللومينا بغت تخبط علي من دلاختي ههههههههههه

اول ما شريتها فكيت بوابة الهواء عشان انظفها لقيتها مليانه كلها زيت

والزيت يجي من بلف التبخير لانه يطلع من خلف المكينه و يمتد عن طريق انبوب حتى يوصل

للخرطوش بين فلتر الهواء و الثروتل او بوابة الهواء

وهو يكون على شكل بخار ولكن كثرة البخار هذا يتحول لزيت ويتجمع على الثروتل

ويتسخ وتجلس كل فترة تنظف فيه او تفتفه بالسياره 

فصلته خليته يبخر على برى ولكن البخار صار مع كثرته وسخ المكان حولينه

قلت مو مشكله يوسخ برى ولا يوسخ البخاخات والثروتل

واجيك مسوي دكتور ابي اقفل الانبوب عشان ما يوسخ مره 

مريت صيدليه وشريت شاش حق الجروح ولفيته على الطرف المفصول من الانبوب

عشان قلت يتجمع البخار على الشاش و كل فترة اغير الشاش كأنك مجروح ورايح المستشفى

تغير الشاش ههههههههههه قسم بالله تفكير محششين

المهم اني قفلت المنطقه وصارت مكتومه ومع البخار زادت الكتمة اكثر

و بلف التبخير هو متنفس المكينه للهواء الزايد فيها اللي ما يطلع مع الشكمان المفترض يطلع

مع بلف التبخير ويرجع مره ثانيه للمكينه عن طريق البخاخات

لكن شغل المحششين بغيت اجيب العيد المهم اني كتمت ام المكينه و بعد فترة بسيطه هالكلام قبل سنه

طلع زيت تهريب موضح بالصور من غطاء البلوف 

وصار يطلع بكثرة وينزل من كثرته على القزوز ولو وقفت بالاشارة اشوف الدخان يطلع 

والله زين ما خبطت وانا اقول ممكن وجيه غطاء البلوف تحتاج تغيير 

وممكن من بداية ما شريتها كنت اشد عليها كثير وتجلس السيارة شغاله بالساعات

قلت ممكن مثل ما قالوا الناس اللومينا ما تتحمل وهذي اولها تفجرت المكينه وصارت تصب زيت

والله وفيه ميكانيكي مضبوط تعاملت معاه كم مره واثق بشغله يا يقولك الشغله تصلح او ما تصلح

ولا يقولك جيب وجيب قطع وهي ما تحتاج

يطلبك القطع اللي تحتاجها بس

اول ما رحت له وقلت له وريته شاف الشاش الملفوف على بلف التبخير

قال ايش هذا مين الحمار اللي لفها كذا وانا مسوي بريء هههههههههههه

وقتها حطيت يدي فوق رأسي اشوف طلع لي أذاني او لا هههههههههههه

قسم بالله وهو يفكها اول ما فكها خلاص تسمع صوت التنسيم هواء قوي طلع

يعني كانت مكتومه والزيت ما لقى مكان يتبخر منه صار يطلع غصب مع جوانب المكينه

بعد ما طلع الهواء حتى صوت السياره تغير والحمد لله ما خبطت

قلت له طيب اللحين الزيوت هذي كلها وش اسوي فيها وش تحتاج وجيه غطاء البلوف يكفي

قالي ان شاء الله ما تحتاج شيء خلاص بيروح الضغط عليها وما بتهرب مره ثانيه

وفعلا غسلتها ولا عاد هربت مره ثانيه والحمد لله ما تفقعت الصوف بعد المشكلة رحت عليها الرياض

اول مره وقت ما رحت ونمت عند شاقح و زيوت السياره تصب من كل مكان ههههههههه

ورحنا ندور بلف التبخير ونحوس وهو سليم بس من الدلاخه كنت مقفله عشان كذا طلعت مشكله

والحمد لله غلطه وتعلمت منها هالكلام كان قبل سنه وشهر بالضبط ولحد اللحين الحمد لله

ما عاد فيه تهريب ولا شيء واختفت المشكله

يعني احيانا الواحد يجيب العيد بسيارته بشيء يسويه او سوء استخدام بعدين يقول السياره خرابات

كثيرة وما تخدم ويكون هو غلطان ولا يدري عن نفسه

يعني انا لو ما رحت للميكانيكي هذا ولحقني وفك الشاش كان السياره خبطت بعد فترة بسيطه اكثر
__________________________________

حلقة للمبدع أحمد الشقيري لحفظ النعمة 

اللي ما يبي يتابع الحلقة كاملة يتابع فقط من الدقيقة 9:20 ويسمع الحديث وتفسيرة

https://www.youtube.com/watch?v=nC-_Ro8Ls5Q

















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بعدين دوبك تكتشف ان اللومينا والكابرس فيها اخطاء؟

اصلا كلها من اولها لاخرها اخطاء

قايل لك من اول ههههههههه


اصلا غسلت يدي منك من بعد ماسميت احمد الشقيري مبدع خخخخخخ


هذا من يوم جا عندنا في السبيل وشاف عيش محروق اطرافه

وقعد يصيح اش هدا اش هدا    رمااااداا   رمااااداا

وانا اسميه احمد الخكيري خخخخخخ

طبعا مو هذا سبب كرهي له بس
لا في اشياء ثانية بس يبيلها جلسة


up 3 down 6
في السماء غيم 220
قبل 4 سنه و 9 شهر



بغيت اسألك يا اخ ابراهيم
بالنسبة لتبخير الزيوت اللي بيخرج من بلف التبخير اللي في الصورة هذا عادي؟
ويش افضل نوع زيت ترتاح عليه اللومينا؟
ولو مثل ما قلت ان الزيوت تخرج من بلف التبخير وترجع تاني للماكينه يبقي كيف بتدخل الماكينه يبقي كيف بتروح علي الثروتل؟


up 2 down 0
a-mohamed 29
قبل 4 سنه و 7 شهر