كم اسعار الكوابرس2011 LS و 2009 LS

وش الفايده تأخذ ستاندر

والله اني اشوف تاخذ 2009 رويال افضل من 2011 LS

ستاندر ما فيه شيء حتى مراتب يدوي و خياطة المراتب نفس موديل 2007

الكابرس من 2007 حتى 2013 ما تغير شي المراتب والابواب ابدا

والطبون نفسه الفرق بس شاشه زادت ما اشوفه يستاهل السعر

واللي يقولك 2011 عشان القير 6 غيارات يتحمل ومبردين قير وكلام فاضي

هذا انا معي 4 غيارات ومبرد قير واحد داخلي ولا فيه اي مشاكل رغم الاستخدام الشاق

عليكم السلام 
فرق بين 2009 و2011 بالسعر فرررررررق كثير 2011 النضيف يبدا من 50 الف و 55

انا ميزانيتي 40 وكان نفسي اخذ 2007 - 2008 بس قالو القير نكبه مع العلم اني اعلى سرعه بحياتي جبتها 120 ولا اتعداها وسواقتي راكده جدا يعني تنصحني بقير اربع نمر ؟

يا اخي اترك من كلام الناس يقولون قير نكبه وحاله

ودامك ما تتعدى 120 خذ 6 سلندر LTZ يناسب سواقتك واقتصادي اكثر وتحصل سعره موديل 2008 

حدود 27 الف النظيف ولا قير نكبه ولا كلام فاضي

انا معي لومينا 2008 وهي نفس محركات الكابرس اول ما شريتها حتى المنتدى هنا خوفوني منها

ولحد الان مافيه اي مشاكل والحمد لله استخدام جدا شاق تقول مسروقه هههههههههههه

بيض الله وجهك اخوي ابراهيم ع الرد الطيب

والله شكلي بنظم لعايلة الكوابرس واللومينات 

من يوم بعت اللومينا وانا حان لها 

وشرايكم في كابرس 2008 ls نظيف ولا متوسط النظافه؟ 

وكم يوصل سعره 

انا اشوف لو تاخذ LTZ افضل بكثير

ما يعرف الشيء هذا الا المستخدم

انا من اول كنت اشوف LS - LTZ

لكن بعد ما استخدمت عرفت الفروقات الكبيرة

الابواب تفرق بالديكور حقها نفسه افضل بكثير

المراتب كهربائية متحركة كاملة السائق الراكب

المراتب لينه اكثر وطريقة خياطتها ونوع القماش افضل

وفيها شاشه وشكل افضل 

والله يابو خليل ترجع لاهتمامه بالمواصفات والعزم ام العزم فقط اذا عزم بس ياخذ ٢٠١١ LS اذا مواصفات الرويال شيخ والله 

تعال لي خاص و اسنعك 

ياحبيبي اذا ميزانيتك 40 لا ترمي فلوسك رمي 
اذا بتاخذ 2009 حدها بالكثير 33 الف 
انا اشوف ناس هنا بالموقع تحدها علئ 40 ومادري كم 
وانا اقولك والله لو تنزل الحراج بالنسيم ماتجيب 19 
خذ ltz 6 سلندر بما انك مانت راعي سرعات وموديل 2009 
2011 يجي 8 سلندر فقط 
فيه نوعين التي زد بفتحه وجلد وبدون فتحه وجلد
بس اساسي يجي تحكم كامل بالمرتبة كهرباء وحساسات وكشافات وارباقات جانبيه وشاشه وطبلون اس اس 
اسعارها بين 35 الئ 40 موديل 2009  انظف شيء 
اكثر من كذا خلها تولي حط سومتك وامشي بيتصل عليك ولو تفاوضه مابيقولك شي

اعني بردي ابو 33 ال اس 2009 

عام ٢٠١١ شريت كابرس 2009 LS سته سرندل كان ماشي ٦٣ ألف و الحين ماشي ١٤٠ ألف
بفضل من الله ما شفت إلا كل خير، ولا غيرت فيه بفضل من الله إلا الفرامل و البطاريه و مفاتيح النوافذ الكهربائية.

راي مع الرد الاول ،،،،، لانه عن تجربة وواقع

مشكورين يالشيوخ وماقصرتوا ع الردود الحلوه