عروض للتاهو الجديد من التوكيلات لعلها ترخص القديمه

انا ما ادري ليش وزارة التجارة ساكته عن الوكالات 

جمس ب ١٩٢ الف استاندر .. الله اكبر عليهم
دينالي ب ٣٠٠ الا شوي 

هايلوكسات حول ٩٠ الف 
النترا فل ب ٧٠ يمكن 
واستاندر ب ٤٤ .. 


السيرا كان ب ٩٠ وكاله
الان طااار الين ١٦٠ 
ورجع الين ١٣٦ 
ليه ليه 

^^
ماعندك احد 
الله يعين

مادام  الشاص 130الف ... السسيرا يستاهل  200 الف 

وقيس عليها ...

صراحة التاهو الشكل الجديد تصميمه ماضبط خاصة من جهة الأنوار الأمامية
واخطات جنرال موتور في تصميم الليد الخلفي لأن الفرامل والإشارة نفس اللمبة حمراء
لكن اليوكن يعجبني كل شي فيه جميع الأنوار والإشارات الليد بالبرتقالي يكفيك السياحي يجي رادار 
وشوفه اللحين ماعليه عرض لأن سوقه ماشي والعالم تشتريه بالهبل 

توضيح بس اليوكون يجي فل كامل ونص فل

SLT فل كامل 

SLE نص فل رادار بدون ملاحه 

التاهو يجي فل كامل و نص فل و استاندر

LTZ فل كامل 

LT2 نص فل بس زياده رادار و ملاحه 

LT1 نص فل 

LS استاندر

فعلا الاسعار  خرافيه    الهايلكس   وصلت  94500    لماذااااااااااااااا

المشكله  99%   اللي يشترون    نظام تأجير  يعني  مايهمه   زود   10 الاف ريال 
يعني  هايكلس  ب80 الف   او 90  الف  كلها وحده   هو مقصد مقصد   واهم شي عنده يركب موتر  

وهذا سبب  يجعل  الشرى   قوي   والاسعار  غاليه  

والله وبالله وتالله 
لو لم يوجد تاجير منتهي بالتمليك 
هذا النظام المحررم شرعا وعقلا 

كان تشوف الاسعار هاااابطه بقووه 

يعني زمان ما كان فيه تقسط ولا ايجار 
بس كاش 
كان سعر الجمس وكاله موديل ٩٩  ب ٩٠  او ١٠٠الف اتوقع 
اش رايك بالله ؟؟

يوم صار فيه اقساط ارتفعت شوي 

يوم جاء الايجار .. طاااارت بقوة هائلة
قد الجمس ب ١٩٠ الف 

كامري ٢٠٠٦ اتذكر كانت ب ٦٥ الف وكاله
الان ب ٩٦ او حولها 

 .. ليه 
شايفين الشعب يغرف من البحر فلوس ؟؟؟


لكن الشعب ما فيه حنكة وتماسك 
لو يتفق الجميع ع عدم الشراء لمدة معينة 


ابوي اخر سيارة اشتراها وكاله هي ٢٠٠٥ غمارتين 

عندع عقارات وخير 
بس يدري انها زرررف فلووس ع عقول الناس 
فيتركها 
ويقول سيارتي تسدني

^
قلتها بنفسك السبب الاقبال وزيادة المبيعات 
يعني من حقهم يرفعو الاسعار دام الشعب يشتري ومبسوط 
والتجارة شطارة 

وعلى فكرة مافي اي جههة تقدر تلزم الوكيل بسعر .
السوق مفتوح وعرض وطلب 
وكل واحد وعقله محد جبر المستهلك يشتري 

الهايلوكسات كلهم متخرجين من الثانوي ومراهقين وايجار منتهي بالتمليك هي 
والددسن والالنترا والاكسنت والكورولا واليارس

الكامري والسوناتا والتورس والافالون
متزوجين ومطلعين قروض مع قرض الزواج

الكابرسات والتشارجر والكرايسلر
حقين الهجولة يطلعها ب ١٦٠ اهم شي يخقق اللي معه


وجوك الشيبان اللي معهم خير 
حاشرين الشوارع جيوب لكزس وجموس




كيف تقنعهم لا يشترون ؟؟
ما فيه امل مره 

بس ع الاقل يصبرون ٦ شهور اضراب بعدم دخول الوكالات او المعارض 


تشوف اذا ما جاتك العروووض 
والتنافس بين الوكالات علشان ارضاء السعودي
 

اسعار التاهو 

Ls 175 الف.... 
Lt 185 الف 
Ltz 220 الف

اليوكون 
Slt.185 الف
SLT 230 الف
دينالي 280 الف
........ 
اسعارها مقبوله بالنسبه للسيارات اليابانيه!؟؟ 
وشي عادي يرتفع.. مادام استخدمو مواد عاليه الجوده

والاكسبدشن  بيلحقه بالاسعار 
سعر السياحي 165 الف؟ 

انا عن نفسي يستاهل سعره... 

في اشياء كثير تحكم سعر السلعة

مثلا سعر البترول 
الغريب ان سعر البترول نزل والسيارات ارتفعت 
مع انه لازم يكون السعر ما يختلف عن اللي قبله 

هاذا على قولتهم ما يسمى المظاهر الكذابه ... 

بالنسبة لي انا ابحث عن مواصفات وليس عن علامة تجارية التاهو LT2 مواصفاتة اعلى من يوكن SLE بفارق الشنطة كهرباء ونفقيشن ملاحة وسعرة 178000 واليوكن SLE بدون هذه المواصفات وسعرة 182000 طبعا كلها بدون دبل لذلك فضلت التاهو