باص يقطع اشارة

لا تتعب نفسك وتروح المرور وشغله بلغ بالجوال على 993

قولهم قاطع الاشارة ومسرع وبيسبب حوادث وعطهم رقم اللوحة وهم يتصرفون

ياغالي يعطيك العافية لاكن انا اخذت احرف الوحة واول رقم الباقي ما قدرت اخذه

وعليكم السلام .

انسى الموضوع

اجل لا تتعب نفسك لو الوحة كاملة يمكن يفيدونك ويمكن لا

كيف وهي ناقصة وبس قاطع اشارة لو صادمك وصاير حادث

واخذت كامل الحروف والارقام كاملة ناقص بس رقم واحد تتبهذل كيف بوضعك هذا

جزاكم الله خير
شي يحزن والله الباص فيه فوق يمكن 10 اولاد يعني لو صار حادث وماتوا
الله يعين

وليش ما لحقته واخذت رقم اللوحة كامل

ولو عندك الجرأة اكثر وقفه بالشارع بعد

لو انه قاطع اشارة بسيارته الخاصه ومعاه عياله بسلامته

لكن عيال الناس وباص ويقطع الاشارة والله ما يفر اني لا اوقفه بالشارع ولا يفكونه الا بالتوقيف

صدقت اخوي تركي انا مفروض انا الحقه لاكن الموقف حصل في دقايق وانا شغته جاه من اليمين وعرض قدام وحسيته بيقطع وصورته فيديو علی طول وبعدها قطع والله لاكن تاخرت شوي بالاشاره  لاكن حصل خير

لازال المواطن يقوم بدور ..
رجل مرور
رجل شرطة
وزارة التجارة

هل لهذا الحد وصل الإهمال في تلك القطاعات لدرجة صار المواطن يقوم بأعمالهم وواجبات تلك الجهات المعنية !!!

يعني تلاقيها من بيوتنا او من أعمالنا ودوامنا ومشاغل حياتنا


الله المستعان ....أعانك الله ...الفوضى المرورية في كل محافظة منتشرة
ضباط متكدسين بمراكز المرور جالسين...والسبب ..أنه لا يوجد آلية لدى المرور واضحة !!!!!!

استمارة ورخصة هذا مبلغ علمهم !!!

السرعة صار 90% على ساهر
الحوادث صار تبع نجم
الرخصة ونقل الملكيات صار بالمعرض

وش حجتهم مايشتغلون ...!!!@

صدقت يا اخوي 
الشكوی لله

اخوي يعني وش استفدنا الحين تنتظر نكمل لك الحروف الناقصة عشان تبلغ ؟؟؟ راح بسلامته هو المسئول في مين يحاسبه

والله التقطيع شفته وانا مسافر للرياض بوادي الدواسر والسليل والله حتی العمال صاروا يقطعون الاشارة ما يوقف فيها الا المسافرين والتريلات ولا اهل البلد اكثرهم ما يوقف لها نهائيا

انت وش دخلك وش لقفك قطع ولا مات هو وللي معاه هذا تخصص المرور اتركو الناس ب حالها واتركو لقافه

مهما تكلمنا مافي فايده أمن شامل وأمورك في السليم

أجل كلم المرور هذه احلام يقظة يجيب على طلبك!!

مرة وانا متوجه لمكة المكرمة الطريق قبل ظلم متجه غرب سيارات كثيرة رايح جاي \بحيث لاتستطيع التجاوز بسهولة

باكستاني يسوق سطحة مرسيدس ضخمة تجاوز السيارات من جهة اليمين كفرين على الاسفلت وكفرين على التراب!! بكل همجية!!
بلغت المرور عند التفتيش طنشني وقال وقف انتظره!!!! قلت انا انتظره الشرهة على اللي يبلغ!!!

قال المواطن رجل امن هذا في اوربا!!!!