اللي عنده كابرس اس اس 1996 او خبره في كابرس 1996 اس اس يدخل

كان معاي واحد زمان .. السيارة ممتازة للناس الرايقه
مشكلتها الدفرنس مايتحمل عزمها اذا كنت راعي قومات وتشد عليها كثير بيتعبك الدفرنس
العفش اللي تحت اسعارها ممتازة ومتوفرة مثل غالبية الامريكي القديم ..
مشكلتها بالكفرات غااالية ..
صرفية البنزين على حسب استخدامك ..
مكيفها ممتاز بس حاول تخلي مروحة المكيف شغاله على طول ..
السيارة بالخط مافي مثلها رساوة وثقل وعزم وكلش

الله يوفقك

شكرا للمشاركه ننتظر المزيد 

السلام عليكم ورحمة الله وبركاته ..
صراحة سيارة راسية سريعة بالعربي ما أحد يتعداك إلى واحد سيارته تجيب أكثر من 260 أو 280 كم/س ..
لانه طبلونه 260 ويجيبه ويعديه ..
ومريح تسافر 300 أو 600 كيلو تحس أنك مارحت بعيد..
عيوبه ديكورت الباب تتكسر وهذا عيب في الصابونه بشكل عام ..
إذا دعست له من الصفر الديلكو يضرب لان المكينة قوية وتخرب الديلكو يعني أمش إلين 80 وأدعس مجرب خرب علي مرتين ..
صرفية البنزبن أحمر 50 ريال وأخضر 40 اللي عندي كان مبوش كل 200 أو 250 أعبيه فل وأزود علبة أو علبتين ..
الصرفية الطبيعية مدري كم بس يفيدونك اللي أستخدموا SS  نظيف مو مبوش زي اللي عندي ..
مو أي مهندس يصلحه يعني لو خرب دور لك أتراك ..
وتصليحه مكلف من ناحية شغل اليد إلا القطع تلاقي كثير رخيص والوكالة غالية ..
الديلكو ف الوكالة قيمته 2000 ريال التشليح 500 وايسديلكو حدود 700 ريال ..
اسعاره رخيص النظيف يمكن يوصل 15000 ريال ويزيد بقليل ..
بس لوجيت تبيع وهو نظيف مايجيب لك 5000 ريال ولو خبط علي ما أحد يسومه تحس أنك سارقه لانه توضيبه يكلف ..

أخيرا ..
إذا ما أنت هاوي كابرس SS لا تشتريه ..

والله يوفق الجميع .. 

وعليكم السلام مشكور للمشاركه ننتظر المزيد  
للعلم انا احب ss

راحت ايامه حتى وان كان حلو

صدق راحت ايامه  انا اعرف واحد حساوي معه واحد نظيف  بس لعب فيه لن موتر له سنين ومستهلك ومعروف ابو غزاله غني عن التعريف 

الله يذكره بالخير كان عند ابوي واحد 96 اسود 
بس بهذله بخرابات القير تخيل خرب مرتين في اقل من 6 شهور و هو وكاله 
حتى اخبر اول مانزلت اللوحات الجديده الي حروف وارقام 
وكفراته عريضه غاليه 

اذا تحب الصابونه اشتري LTZ  وركب جنوط وجناح وشعار والشبك
حق الاس اس لان سمعت انها خرباات الاس اس اما التي زد والله يكرف 

شكرا يااخوان للمشاركه و ننتظر المزيد 

مكينة اس اس  نوع ال تي lt
مقاس 350 كيوبك انش ....5.7 لتر تعطيك 260 حصان
القير 4lt60  اربع نمر 700 كهربا 
اذرعة ومقصات نفس الصابونة وحتی القير والدفرنس كلها سوی...
ماعدا المكينة 350 وتجي علی ال تي زد ltz305 
مشكلتها بالكفرات غاليه والا نفس الصابونة العادية من 94 الی 96
قطع المكينة بالتوظيب نفس التسعين ماعدا طقم الوجية ب600 ريال
البساتم تقدر تكلم المخرطة وقت خرط السلندر يركب بساتم كابرس موديل 90
بشنابرها والسبايك نفس القديم ...طرمبة الزيت نفس القديم...
يختلف في المكينة الثلاجة والرؤوس فقط ...
صرفية البنزين اكيد تصرف لانع كل ماكان الكفر اعرض كانت السيارة ارسی
واثقل وبالتالي تصرف بنزين وبرضه في السرعات العالية.
اكبر مصيبة فيها الديلكو مكانه تحت طرمبة الموية واذا دخلت بالسيارة 
في سيل او مستنقع موية يخرب طوالي...ولاتنسی تصفية المكينة اذا فيها 
تفتفه صعبه واغلب المهندسين يبعدون عنها...بالتوفيق