مشكله في الارباق

يمكن تسوي لها برمجه وتنتهي المشكله

اكلت مطب   جامد  ؟؟ البوري شغال ؟؟  لمبات دركسون شغاله ؟؟

اكيد عيب مصعني مالك إلا تفك الطاره وتشوف الارباق يمكن احد المسامير الي مثبته الارباق او سلك انفصل 

البوري يشتغل واللمبات الي في الدركسون شغاله 
لا الحمدالله بدون اكل مطب 
ولا سويت تلميع للسياره من داخل

شغلتك برمجه او واحد من الحساسات خربان
جرب تفك اصابع البطاريه وخلها ربع ساعه وشغل ممكن يرجع الوضع طبيعي

في ناس اذا سوو تنجنيد تطلع معاهم هذي العلامه مدري ليه 
المهم وش يسوون يفصلون بطاريه سياره ٨ ساعات 

انا طلعت معاي فجئه لاني خرمت الجسر ب مسامير ابغا اثبت الصدام الي سويتو فصلت البطاريه ١٥دقيقه وشبكتها وراحت الحمد الله جرب منت خسران شي

اذا موترك ماجاه شي من الشد بلد يعني اقصد صدوم او حوادث ولا تعبثت فيه اي شي ، راجع الوكالة وهم يتكفلون بحل المشكلة هذي لأن الموتر ماعليه اي اضافات ولا تعرض لأي حادثة

بالتوفيق

صارت معي لتاهو 2012 ltz كان وقتها غبار مع رشات مطر طلعت فجأءة وسويت عنها موضوع هنا
في المنتدى أخذت معي فوق الأسبوع وراحت عن نفسي أخذت مطبات كثيرة وأموري طيبة

لكن طلوعها والسيارة كانت واقفة قدام البيت لمدة طويلة حاجة أستغربتها

جرب نصائح الشباب خذ الأسهل أسلاك البطارية - تنظيف السيارة - أخر عمل صار السيارة وين مشت على خطوط أخر صيانة فكيت غير هذي الأمور
تظهر أساس المشكلة ثم ياتي أخر الحلول الكي عند الوكالة

والله يعينكــــــــــــــــــ عليك بالصبر عليها ...

جربت فلصت البطاريه يووم كامل ولا راحت 
بس ان شاءالله مشكله بسيطه 
وان شاءالله بعطيكم خبر بالي يصير معي 
مشكورين