أضف سؤال أو موضوع جديد          

تم حل مشكله عدم تبريد المكيف وتسريب الفريون ولله الحمد

up 22 down 10
sehly11 642
قبل 4 سنه



السلام عليكم ورحمة الله وبركاته 

كيف حالكم يا اعضاء وزوار حراج عساكم بخير وصحة وسلامة **

المهم انا كنت اعاني من عدم تبريد المكيف كان يبرد زي الثلج... الكلام هذا قبل الشتاء
وكل يوم ملاحظه ان التبريد يقل لين ماصار هواء بس!!  وقلت مادام حنا في الشتا خلي ولي 
اذا جا الصيف نشوف الحل معه 
وذاك اليوم كنت فاضي وطفشان ما غير افك واركب 
و فكيت المكنسه حقت امي وماعرفت ارجعها زي ماهي ههههههههههههههههههههه 
وامي قبت علي الله يحفظها لي وامهات المسلمين والمسلمات ويرحم من مات 

المهم قلت خلني اروح اشوف وشهو التهريب وبالصدفه وانا اناظر ورى الكفر الايمن وفيه زيت يسرب ماعرفت زيت وش!! 
وافك الكبوت واناظر يمين يسار ولقيت تحت خرطوش الهواء اللي طالع من قربه الهوا رايح على الثروتل لي من اوله إلى اخره زيت! 
وقلت بس هو المشكله. ررجعت البيت احس كاني افتتحت القسطنطينية  ههههههههه

واليوم رحت عند محل واحد في العمل وصفه لي
ماشاء الله تبارك الله شغل وتعامل اكثر من رائع وجنسيته سعودي ومعه اولاده شغله اطلق من افضل انواع الجنسيات 

اسمه التونسي في العوالي 

المهم يوم رحت له قلت له ان المكيف مايبرد بس ماعلمته ان فيه تسريب!  وماجلست دقيق واقف عنده الا وهو يقول جيب لي مكيف حار
وهو اللي كان يسرب 
ورحت اخذته من عند صادق حمزه خليفه مدري حمزه صادق خليفه سعره 290ريال 

ورجعت له بعد اسبوع انشغلت شوي... 
وفك اللي القديم وركب الجديد 
و ضغط بالهوا  ويمسح بالسفنجه والصابون يدور اي تسريب ثاني لكن مافيه شي ولله الحمد

وعبى فريون امريكي اصلي وقلت له غير فلتر الهواء وقالي موترك كم موديله وسعودي ولا امريكي؟ 
قلت 2008 و سعودي 
قال السعودي مافيه فلتر الامريكي ما ادري فيه ولالا بس مادام سال كذا اعتقد انه فيه!!! 
بدال مااغير فلتر 45 ريال اغير الثلاجه لين ماتمتلي وسخ 1000 ريال!!!! 
............ ''. '. '.'. '.. ''. ''.. 
والتكلفه كامل 450 ريال 
50 ريال تركيب اللي 
400 ريال تعبئه فريون امركيكي
طبعا السياره فيها مكيفين يعني لو مميف واحد  اللي مافيه فريون  يعبيه 200 ريال
لكن انا  الثنين مافيه 
نبدا بالصور 

هذا المحل واسمه ويشهد الله اني ما اعرفه لا من قريب ولا من بعيد واول مره اجيه 

http://store2.up-00.com/2015-03/1425487705212.jpg

وهذا راس البلا لي المكيف الحار شوفوه العلبه الصغيره اللي جوا عليها زيت يسرب

http://store2.up-00.com/2015-03/142548771075.jpg

وهذا لي جديد لي مكيف حار وسعره 290 ريال

http://store2.up-00.com/2015-03/1425487704241.jpg

وهذا اللي القديم بعد الفك

http://store2.up-00.com/2015-03/1425487706073.jpg

وهذا رقم القطعه للي محتاجها.
..........................
فيه رقم ايسيدلكو

هذا ايسيدلكو
15-34531

وفيه GM

هذا GM
22876350



تحياتي للجميع والعذر والسموحه على التقصير...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا عبيت فريون غير فريون 134لكنه بارد ولا ادري هل سيضر الكمبرسر في المستقبل اولا


up 0 down 0
0541428261 32
قبل سنه و 8 شهر



اخي الفاضل Sehly11 .. اريد موقع المحل اللي رحت له


up 0 down 0
3mro_khaled 41
قبل 3 شهر