أضف سؤال أو موضوع جديد          

النجدة النجدة اللومينا عطشانة هالأيام

up 5 down 5
hogkal 255
قبل 6 سنه و 2 شهر



يالربع يالمطانيخ عندي لومينا 2009 6 سلندر ls الرديتر ينقص موية كل يوم ما أدري وين تروح أزوده علبه مقطره كل يومين هذي وحده المشكلة الثانية فيه حذفيه يمين ورحت عند ميزان قال لي بيكلفك السحب والوزن 550 كأن المبلغ مبالغ فيه حبتين وفيه طقه في الخلف إذا أخذت مطب وما لقيت لها حل أبدا ودي اللي عنده لومينا اذا عنده خلفيه يفيدنا وياليت اللي يعرف ورشة متخصصه في اللومينا في المدينه المنورة يفيدنا وعندي عداد الزيت كذلك بعد غيار الزيت صفرته وما تصفر وسلامتكم جميع في أمان الله .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالنسبة للزيت تدخل المفتاح بالسويتش وتضغط على الزر بالدركسون يسار الفرار

تعلق عليه وتلف المفتاح للدقه اللي قبل التشغيل بعدين تفك يدك وتدعس 3 او 4 دعسات متتالية على البنزين

ويتصفر العداد

بالنسبة لنقص الماء ممكن من الطبة اللي هي القطعه البلاستيك اعلى الرديتر ممكن فيها تهريب ويتبخر ولا ينزل

على الارض ما تشوفه يعني ما نقدر نفيدك بمكان التهريب بالضبط وانت عند السياره تشوف افضل مننا

بالنسبة للحذفه يمين كيف يفك ويسحب هي وزن اذرعه تكلفك 150 ريال وزن كامل وتضبط

ما فيه شيء اسمه حسب وش يسحب اصلا 

وتقدر تشيك على جلد السحب بدون ورشة تعال قدام قزاز محل او شيء كبير عشان تشوف السياره

وعشق وامشي على مهلك وامسك فرامل مسكات متقطعه شوف الكفر يهتز فيه فراغ يعني يرجع ويقدم او ثابت

لو كان فيه اهتزاز الكفر يعني عندك جلد السحب تحتاج تغيير ما ينفع الوزن معها

ولو كان مافيه فراغ يكفي وزن 150 ريال كامل السياره وخلاص


up 18 down 7
ابراهيم التركـي 1068
قبل 6 سنه و 2 شهر



الله يعطيك العافيه يا خالد ما قصرت .

ابراهيم التركي بيض الله وجهك كنك عارف وش في سيارتي شرح وافي من رجال وافي الطبة فعلا اشوف فيها صدأ وزي التنديه يعني اغير الطبه وما يحتاج اغير الرديتر 
الشئ الثاني كم بتكلف الطبه مع شغل اليد ولما اقيس ماء الرديتر اقيسه من الرديتر ولا القربة تكفي وسلامتك.


up 4 down 2
hogkal 255
قبل 6 سنه و 2 شهر



انا معي لومينا 2008 يعني نفس موترك

الطبة تكلف 250 ريال مع شغل اليد والموية وكله وتجي صيني طبعا ولكن تعتمد عليها 5 سنوات بدون مشاكل

والاشياء الثانية شرحها واضح ولو تبي شرح اكثر اتصل علي افضل 0501029595

انا اتكلم معك من تجربة 

والطبة ما كان فيها شيء عندي ولكن وقت تغيير الماء جاء العامل بيفك الخرطوش وكسرها

واضطريت اغيرها عشان كذا عارف سعرها


up 9 down 3
ابراهيم التركـي 1068
قبل 6 سنه و 2 شهر



السلام عليكم ورحمة الله وبركاته 

إتصلت على العضو إبراهيم التركي وأفادني كثيرا في موضوعي فله مني جزيل الشكر والتقدير .

يغلق الموضوع تحياتي .


up 11 down 3
hogkal 255
قبل 6 سنه و 2 شهر



مسوي بلدية انت وش يغلق الموضوع 

خلي غيرك يستفيد لا امسح رقمك هههههههههههه


up 18 down 0
ابراهيم التركـي 1068
قبل 6 سنه و 2 شهر



ههههههههههه
اشتكه بالمحكمة يابو خليل


up 3 down 0
Yaser1 669
قبل 6 سنه و 2 شهر



ابراهيم لاتهايط قال ايش قال 2008 لا تخليني اجيب اس اس تشخمطكم ومسوي تضحك علي انا حقتي 2008 وانت 2007 طيب مافيه فرق ياذكي 

 المهم  انت وياه  اركدوو ههههههههههههه 


up 4 down 2
سكودر 14928
قبل 6 سنه و 2 شهر



سكودر فاهم غلط الرجال موترة 2009


up 2 down 1
أبـو عبدالعـزيز -141
قبل 6 سنه و 2 شهر



نشكر العضو إبراهيم التركي عضوو متفااعل 
وجزاه الله الف خير

يستاهل لايكك

ثبت الموضوع للفائدة


up 2 down 0
أحمدد الوايلي 138
قبل 6 سنه و 2 شهر