أضف سؤال أو موضوع جديد          

مواصفات السيارات القديمة

up 15 down 11
الوافي5555 126
قبل 8 سنه و 8 شهر



ياراكبن جمس جديد مصفح يقطع جراديب الخبب والحزومي **** نبي ابيات في مدح السيارات بانواعها اطربونا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


دور على الشيبان في الموقع اكيد حافظينها عن ظهر قلب
 لاتقلب مواجعهم 
لايك حلو


up 2 down 1
الرواسي 778
قبل 8 سنه و 8 شهر



قصيدة مدح في الجيب
وهني يالي من الطلعه شبع
.........وراح للمقناص مع قرم العيال
فوق جيب اخر موديلات الربع
.........فيه خفة دم وفيه خفة ظلال
خطه بجنبه تقل ممخش سبع ولا توقيع الوليد بن طلال
.........لاتمقلته تقل ضارب ضبع
وان نطحته تقل برق في ليال
.........تقلب الهويات يقبع به قبع
شوتة الدعيع يوم المونديال
.........يسبع الطلعات بعيونه سبع
لاعطاه اثنين سواقه خيال
.........هو نعده نادر وغيره تبع
طير شرق جاذبه من راس عال
.........للمواتر يانتله يطق صبع
مايرده لاجبال ولارمال
.........طابعين العز في خشمه طبع
قوم فوجي لعن ابو هاك الخوال
.........قيمته بالكاش سبعين وسبع
الف بالدرهم ولا بالريال
.........يجبع المايع الي ياوصله جبع
الصلابه بمركبه ماهي خمام
.........ميزة آخذ من الفزه طبع
نمر مرنقط ويلحقله غزال
.........سايقه ماحط على راسه قبع
ولارمى طاقيته هي والعقال
.........ولا مطالعهم بعكاش وضبع
ولا اطلعوا نقبين
.........ولاراحو شمال بالعلا يشوون من رمي الصبع
اربع مطنخ زحازيح رجال
.........ظابطين الشاي من مي النبع
مع مهاديب الذهب حقب الدلال
.........هاه قولوا رايكم ياها الربع
اسمعوا بالله ابي اسالكم سؤال
.........هو بو احسن جيب من جيب الربع
جربوا والتجربه خير مثال.


up 9 down 0
mom808 340
قبل 8 سنه و 8 شهر



حييّـت يـا جمـسٍ جـدادٍ مشاريـه **** عبّارتيـنٍ بميـة ألــفٍ شريـنـاه 
أربع ميا وخمسين مـن عنـد أهاليـه **** آخر موديـل بعالـم الشـرق عـزّاه 
حالف حـرام إنـي لاسوقـه واعدّيـه**** يوم إن ولْد أمّـه قصـر مـا تهقـواه 
جمسٍ ليـا شفتـه عزالـك تقهويـه ***** يا ِطيْب طِيْب القهوجـي كـان قهـواه 
تقـول معـزومٍ لحفلـة (سـواريـه) **** جاك امتشيّك وامتعطّـر ومـا احـلاه 
سـوّاه لطـوال الشـوارب مسـوّيـه **** ما يركبـه يـا كـود حامـي حمايـاه 
حرٍّ كفـخ مـن روس عالـي مباديـه **** قـرمٍ تلطّّـم وأشقـر الكنـت طفّـاه 
يا ليت راعي الجمس يومـه يسمّيـه**** على اسم عنتر والا بـو زيـد سمّـاه 
حيثه شنب يستاهـل المـدح زاهيـه **** ملعون أبو مـن لا قمـز لـه وحيّـاه 
من عزته ما ركبو أهـل الدلـع فيـه**** ولا سـوّقـوه أولاد بـابـا ومـامـاه 
ولا ساقه الخكري ولا احمـر عتاريـه**** وبنـات المدينـة مـا تعلّـن زوايـاه 
الجمـس أحبّـه حـبّ غـالٍ لغاليـه **** حـبٍّ عظيـمٍ حـبّ نمـرٍ لوضـحـاه 
ومن حشمته لا جيـت اسافـر اماليـه**** ولا خلّص المشـوار جيـت آترضّـاه 
يا شيب عيني يوم آجي لـه والاقيـه**** مثل الذي وسـط الخـلا شـاف لامـاه 
خطـرٍ ليـا ناديتـه يقـول: لبّـيـه **** ومن دون سايق يشتغـل مـن ورا ذاه 
هـو ميّـتٍ فيّـه وانـا ميّـتٍ فـيـه **** ولو هو حديد أحـب شوفـه وطريـاه 
لا قمت المّـس فـوق بديـه واداريـه **** بـلا شعـورٍ قـمـت ادوّر شفـايـاه 
ليته هنوف لأجـل اضمّـه واحتويـه**** غروٍ تضوع المسـك صافـي ثنايـاه 
حالف يمين انـي لاابيعـه ولا أهْفيـه**** لوربّحونـي بألـف ألــفٍ مــدلاّه 
يوم الجبـان يبيـع صاحبْـه بجْنيـه **** والله ما ابيعه دامهـا أمّ الطلـي شـاه 
حتى وأنا في المسجد الفرض اصلّيْـه**** أدعي لجمسي يا عسى الخلـد مثـواه 
وان كان عنّـي راح مانـي بناسيـه**** كـود البـدو حـب المقاطيـن تنسـاه 
وتحـرم علـي نـوره حـرامٍ مقفّيـه **** وتحرم علي البيض مـن كـل منحـاه 
يا وين أبلقى لـي حريـص ٍ أوصّيـه **** لا غبت عن جمسي يـزوره ويرعـاه 
فـي ذمّتـي بغالـي الـروح لاافديـه **** ولأملّكـه عمـر المعـنّـى ومخـبـاه 
ومن جلدي البالـي لاوقّـي سماريـه **** ومن هو سعى للجمس ما خاب مسعـاه 
يا لايمي في الجمـس غـادي وسفّيـه **** بـلاك مـا شفتـه ولا شفـت حليـاه 
لي جمس مابه جمـس مثلـه يباهيـه **** ولا في جموس الشرق تلقـى سجايـاه 
من شـاف فوقيّـه وطالـع بحدريـه **** والله ان يمـوت بساعتـه داه بـرداه 
رمـز الفخامـه والاناقـه مـع التيـه **** الحسـن والابـداع والعقـل والجـاه 
ذي اس از انترناشيونال عنـد قانيـه **** مـا يكسـح اللـي للمهمـات يقـنـاه 
مخـروط والمخـروط صعـبٍ تحدّيـه**** ويصعب على متن البسيطـه مجـاراه 
ومكينتـه علـى أربعيـن وحوالـيـه **** وعموده على العشرين حنـا خرطنـاه 
لاقـام بنزينـه تشخـتـر سِواقـيـه **** الكلبليـتـر أزمــع أمـــره وودّاه 
وعلـى المكينـه والبساتـم يـودّيـه **** وحمر التوانـك جمّهـا مـا ذخرنـاه 
يـا دوب تحتـرّ البساتـم وتـوذيـه**** طشّ الرديتـر غترتـه وألحقـه مـاه 
كـن لـون بنزينـه بصفّايـةٍ فـيـه **** أحمر شفايف عضّـه الزيـن بشْفـاه 
وكن لون زيته يوم تكشـف معاريـه **** ذهب جواهرجي علـى الكـف راعـاه 
وقـزوز بالشكمـان رجليـه وايديـه **** بمكينـة(ٍ بالخـام الاسـود) مغـطّـاه 
ونـوع الكرونـه رقـم 7 بطـاريْـه **** ورقــم 3 احتيـاطـي حفـظـنـاه 
وتروسهـا حجـم 4 يــا مقـدّيْـه **** مثل القـلاده فـوق صـدر الخونـداه 
مثـل المسـدّس يبرمـه مـن يعبّيـه **** أبو محالـه لا وطـا التـرس ماطـاه 
يفتـرّ سيـر المروحـه مـن تواليـه **** وسيرٍ بـراس الدينمـو قـام يشعـاه 
المروحـه هفّـت وضفّـت سوافـيـه **** ذعـذاع غربـيٍّ تقـافـت عشـأيـاه 
وسرنـدلٍ حمـر البسـاتـم تلالـيـه **** وعمود تيمن غرهـدن فـي حجأيـاه 
صـمّـام بوجـيّـه بـنـارٍ يغـذّيـه **** وتولّـدت شرارتـه وأكمـل اغــذاه 
واليـا لـذع فيـه البليتيـن نـاريـه **** كنّـه شـرَر لحّـام فـي بـابٍ اوزاه 
ومفتول دفرنسه عـن القـاع حاميـه**** عـن صكّـة القيعـان يدفـع منايـاه 
الجمـس كنّـه متّهـم جـاء محاميـه **** دفرنس والقاضـي غـرازٍ بصحـراه 
وكبـر المطبّـه مـا يغيّـر هقاويـه **** ومساعداتـه عـن يمينـه ويـسـراه 
والاذرعـه عـن ميلـةٍ بـه تواسيـه**** كنْها عضـود مْلاكـمٍ شـرب غرشـاه 
وان شال حمـلٍ مـا يكثّـر شكاويـه**** يا وش يهمّه والسسـت كلهـا افـداه 
كن رفرفيـن حـول حوضـه مداويـه**** شيهانتـيـنٍ دوّمــنْ بالخضـيـراه 
وكن لـون كبّوتـه ولمعـة عراويـه **** خدود (أصاله) بأحمـر اللـون تطـلاه 
وكنّه (كلوديـا شيفـرٍ) فـي تمْدريـه **** تعرض لنـا آخـر موديـلات الازيـاه 
وكن زول بدْيه يـوم يغريـك صافيـه**** (مارلين منـرو) وسـط فلـمٍ لفتنـاه 
وكن الكفر لا جيـت بالوصـف ابدّيـه **** حبْ خالٍ ب (سندي كروفـرد) شفنـاه 
ولا لـه شبيـهٍ فـي نعومـة تمثنيـةالا **** (نعومـي كامبـل) لْمـن تمثـنـاه 
وكن نقشة جنوط الكفر فـي محانيـه **** سجّـاد شيـرازيّـةٍ فــي مـصـلاّه 
وصقلة قزازه يـوم أردّ النظـر فيـه**** من وجنة (كلـودا الشمالـي) حلايـاه 
ولون المرايـه مـن يراعيـه يلهيـه **** من خلقته كن أطـرق العـود يجـلاه 
ولو هي بهـا للعيـن فتنـه وتمويـه **** بها تشوف اخريـم الابـره ومنشـاه 
أصفى مـن اللولـو بمحّـار شاطيـه **** مـعْ واحـدٍ فـي مبـرم السلـك دلاّه 
وبغمزة (سميره بنت توفيـق) أحلّيـه **** لا أعطـى الاشـاره والمواتـر تقفّـاه



up 12 down 0
صدوق المخايل 207
قبل 8 سنه و 8 شهر



الله على من صمّم الجمس تصميم
.....................بنغمة تطرب .... محلا صـداها

و شدّ به مـــاطــور مثبت بتحكـيم
.................من فوق الكــراسي .. تحته خفاها

أما القزاوز .... كنها مخـاصيم
..................متخالفة بالخلف ..... محلا غناها

و برّد الماطور .. بسود الخراطيم
................... تزرف من المـا ... داخل حشاها

و ضَبَط البساتن .... كيف تنظيم
................. و بعالي الهدّات ... راح و كسـاها

و عدّل أنواره .. فول(ن) معاديم
................ و حاسب من العـاليـة يعمي سناها

و بعـالي الكبّوت جيم(ن) قبل ميم
................و مقفولة بالسـين .. وكل(ن) قراها

سايقه ما همّه .. حكومة و تعميم
.................. بـايع(ن) روحه....... كنّه رمـاهـا

يقطع مسافات(ن) عنوة لأجل ريم
................... وإلا من الشدود .... درجه ملاها

خمس(ن) بالجيب و خمس(ن) مقاضيم
................... يلاعب النجمة ..وهي في هواهـا

أبو عيون(ن) حمر ...و إفهم يا فهيم
.................. الله يسـامح ناس(ن) راحت وراهـا

ما همّه من المركزخروج(ن) و تختيم
................عالي عراقيب(ن) غصب(ن) رقـاها

ربعه دايم ..........ناس(ن) مكاتيم
.................. تآخذ و تعطي ..... و تلقى عشاهـا

يا راعي البل ...و ركاب(ن) مخاطيم
.................دنّ لي جموس(ن) ..... تبلي بلاهـا

وارد " الجميح "......... كلها تلغيم
..................أبقطع مسافات(ن) ..بعيد(ن) مداها

بنصى هلي والقوم ... وبلقى مراسيم
..............وبشكي عن علوم(ن) محد(ن) دراهــا

يومي بذا الدنيا ..... هـايـم كما الغيم
.................أشرّق وأغرّب ...... وأنا في سماها

عادني صغير السن .. وأبغى تراميم
................ تلعب بي الأيام ......وأنا في رجــاهـا

وأكتم على همّي وأصبر على الضيم
..................خوف(ن) من العذّال ...تبلغ منـاهــا

كلّه سبب خل(ن) ينسى التعـاليـم
...................حتى حلو الأيام .... سجّ و نسـاهــا

يحملّني همومي و عظامي مهاشيم
...............و محد(ن) على كيفه.. حموله شراهـا

هذا القدر يا صاح ..و حنّا مخازيم
.................كل نفس(ن) بذا الدنيا.. تتبع قضاهـا

وأنا ولد عامر ...وإسمي إبراهيم
...................أدوّر العليا ....... مع من رقــاهــا

وأثني على فيصل بحر الصواريم
.................إليا من نوى دار(ن) ...شدّ و لقـاهـا

عسى العدا تفداه و تفدى معاديم
................و تشكي على هم(ن) و تشكي رداهـا

عسى الله ينوّر لي.. ليالي معاتيم
..................منها غدت عيني ..>. تشكي عماها

و دواي على الله ماهوب تطعيم
...............و يا ما جروح(ن) ......... ربي براهـا
وسلامتكم


up 8 down 0
ولد الرياض 2010 753
قبل 8 سنه و 8 شهر



زمان أول تحول وانقلب عكس....كان المديح بكل موتر حقيقة
قالوا في الجيب وثم قالوا في الجمس...أبيات مكتوبه بأحلى طريقة
واليوم أشوف المواتر تذبح النفس...علق مثبت ذا..وذا جاته حريقه
أحسن لنا نرجع على ماضي الأمس...نركب حمار مدربٍ يعرف طريقه<<<وأنتوا وأنا والملائكة بكرامة

أرجوكم يا أخوان ترى القصيدة متعوب عليها واستحضرت 4 عفاريت علشان أكتبها..يعني لا أحد يحطمني

وألف شكر يا وافي


up 12 down 0
sultan-07 2438
قبل 8 سنه و 8 شهر



كله ولا الفورد لاتقطعونه ……يامنتجين الفورد خلو كحيلان

لو زاد سعره مايعافى زبونه ……يشتريه لو كان غالي الاثمان

يقولون اللي قيمته مايعرفونه …….مركب عزيز النفس ماهو بكوبان

وابمدحه دام انكم تعشقونه …..من يمدح الفورد ماهوب بغلطان

فيه اجتمع فعل الخشن مع ليونه …..مثل الشجاع اذا ابتسم يوم الاكوان

يافورد تكفون لاتقطعونه …….يفداه انتاج تويوتا ونيسان

الفرح راح من وقت مايقطعونه …..زين المواتر انعدم فيه الامان



up 7 down 0
عبدالمجيد ال محسن 3341
قبل 8 سنه و 8 شهر



قصيده للجمس 1979

تسعه وسبعين من يذكر حراجه 
                                 والجميح مورده برا الحدودي 

والله ونعمين يا صنع الخواجه 

                              الامريكي سايقه يرقى سنودي 

حافظينه من وكيله لا كراجه 

                            ما بعد شفنا على حلياه بودي 

ما تغير شكله من اول انتاجه 

                         تندته بيضاء ولون البدي عودي 

له فخامه والجميحيات تاجه 

                         والوقار اللي على طبعه يسودي 

ضامنين محركه عند احتياجه 

                         صادق التمرين يصدق بالوعودي 






    وسلامتكم ..............,


up 4 down 1
camry grandi 99 7274
قبل 8 سنه و 8 شهر



قصيدة الفورد:          



الفورد حبيتـه رفيـق المداهيـل
من شانه اللي فايقن فـي جمالـه












ابذكر الميزات واعطيـك تفصيـل
وعندي على قولي شهود ودلالـه












الاوله من مصنعه بالبحـر شيـل
مجلوبن من الغرب موتـر وكالـه








طبلونه اصفارن ولا دار به ميـل
ولا ثبر بيـن الوحـل والطمالـه




من مصنعه للمشتري حفظ وتدليل
مستور وظله بين صالـه وصالـه




بدرن تعلا بالفضـا لظلـم الليـل
كنه سنـا برقـن يلاسـب خيالـه




فيه المتانه والعزم ينهض الحيـل
ما يرتخي في كايد الـدرب حالـه




متماسكن ما فيه حـذف وتراقيـل
لمـد بالبيـدا يسـابـق جمـالـه




متوازن الترصيص ما فيه تسحيل
ثابت مع الاريـاح عدلـن مجالـه




يصبر على الكده اليا جاه تحميـل
لو تكثر الاحمـال وتزيـد شالـه




الفورد موتر طلعتك لقبـل السيـل
وان طالت القيله وصكـت جبالـه




ما يرتخي بالطين يصهل كما الخيل
شرسن مع الطعس الحمر في رماله




صوته اليا ديور كما صيحة الفيـل
اللي مـع الغابـه ينـادي عيالـه




والا مع القفرا اليا سار ما يميـل
مثل الجمل لمـن تدرهـم لحالـه




يصبر على درب العنا والغرابيـل
يستاهله قرمن صرف لـه ريالـه




موتر خلا يكفيك عسـر وبهاذيـل
وترا المعالي للـي جـود حبالـه




من يستخير الرب شرب الشهاليل
ومن صد عن ربه يعيش برذالـه


قصيدة الفوردالحوض f150








بعدماقطعت الياس من شوفة الفرتات على اخرموديل الهاف سته وستيني
ماشوفله ضيحه فالرفيعه ولاالتنهات ولافي فيافي نجدقدشافته عيني
ثلاثين عام(ن)ماضيه في زمان فات وحنا على الفرتات مثل السلاطيني
لفاني بشيرالخيرقال اله توكيلات وكيل الجزيره جاب من ورده زيني
نويت اشتريه ومثل ماقيل راحت جات ابااجدد اللي راح من ماضي سنيني
دخلت الوكاله في يدي دفترالشيكات وسجلت شيكي واستلمه الفلسطيني
غماره ونص مواصفاته كذا بالذات علامته الأف ورقمه اميه وخمسيني
مقاسه وحجمه في جنوبه شهوداثبات على كل رفرف كنهن النياشيني
اله هيبة في وقفته داخل الصالات وله فزة فروخ الحرارالشياهيني
بعدماركبته طاب شفي من الجمسات ومن وارداليابان ماعاد يغريني
ليادق سلفه تقل يصرف لك جنيهات وكيل الامير ومحترينه مساكيني
ثمان السرندل تقل يهرج معي بسكات لغات البكم باشارة منه تكفيني
تماتيك قير ارضي على خمس تعشيقات دبل يطربك لاغاص في واحل الطيني
إذا دار ترس القير وافترت الويلات تحس الزلازل قايمه والبراكيني
تصاميم طبلونه دواير على لمبات جواهر معوض في رقاب المزاييني
اذا صرت في رمله وهويه مع طلعات ينومسك صوته لاشخر بالشكاميني
يفدالنفود الناعمه كنها ازفلتات ويرقى بخفة نفس روس الضلاعيني
ليامن سرى فالليل تكشف له الشمعات جميع الخطوط اللي لدربي توديني
معي لون عودي والرفارف بتكحيلات تقل فص ياقوت شري بالملاييني
ليا ضاق صدري وانتوى غرب من حسلات ركبته مابي فالخط غيره يسليني















up 4 down 0
الشريف الجنوبي 1193
قبل 8 سنه و 8 شهر



المازدا وردوها سبور لجل الرجاجيل تركبها


up 0 down 0
الوافي5555 126
قبل 8 سنه و 8 شهر



قصيدة المكسيما مع الرد







راحت على الباب الأيمن فوق مكسيما
والشاص عيا حـلال القـوم يلحقهـا 
كتم لهـا السايـق المجنـون تكتيمـا
ياليتني فـي محـل الـورع سايقهـا 
إمغيـم الأربـع البيـبـان تغييـمـا
ماهي بله ضني إن الـورع سارقهـا 
خلوا عيوني مثل هـداج أهـل تيمـا
قلت أمسح الدمع مير الدمع مغرقهـا 
أمشي وعد النجـوم الساريـه ليمـا
أشـوف الأرض البعيـده وآتحققهـا 
ماغير أقسم علـى عـودي تقاسيمـا
أدلـه النفـس وأطربهـا وروقـهـا 
ياشاصي اللي عجزت تجيب مكسيما
لاعاد يطـرا عليـك إنـك تسابقهـا 
يامن يسلـم علـى البـي إم تسليمـا
كان المكاسيـم فيهـا خيـر تلحقهـا








الرد من شاعر لم اعرف اسمة 












الله يسامحك ليش الجرح يالريما
معجب وصورتك عيني ماتفارقها
حتى بخيالي تجيني شمساً وغيما
و احلام ليلي معك احسب دقايقها
بالسوق شفتك سمعت احلا تناغيما
انغام مشيك تغني لو تنسقها
مع راعي الفرد تشخيصه وترسيما
والفرد الاحمر خطوط السوق عاشقها
سلامنا بالنظر يا ريم تسليما
رد التحيه دخيلك ثم نسقها
تحطم القلب لو صديت تحطيما
سلم ترى العين بالنظرات ننطقها
كلٌمتك بنظرة الاعجاب تكليما
اقراء الرساله وختمها وصدٌقها
معجب ولي في الهوى علماً وتعليما
احمل شهاده بختم الحب موثقها
من قبل اشوفك وانا مرتاح يالريما
واليوم روحي تبي تظهر حقايقها

قصيدة الددسن: 












ياللي تناظرني علـى موتـرٍ زيـن
ياكبر فـرقٍ بيـن حالـك وحالـي 




أنـا علـى نيسـان سـت وثمانيـن
وانته علـى جيـبٍ جديـدٍ وغالـي 




الددسـن اللـي زادت الهـم هميـن
يالله تسامحهـا بكـثـر العطـالـي 




أصبحـت وياهـا قضيـة فلسطيـن
كم ذقت منهـا مـر ماذقـت حالـي 




نوبٍ تبي طرمبـه ونـوبٍ بليتيـن
ونوبٍ مبنشـرةٍ علـى راس جالـي 




نتعتها ليـن انلعـن حظـي الشيـن
وناديتهـا بصوتـي تعالي..تعالـي 




حتى اعرفوها بالـورش والدكاكيـن
تارد حياض الموت بنـت الحلالـي 




لكن علـى ماذوقتنـي مـن البيـن
مافـي غلاهـا ياجماعـه جـدالـي 




أحبهـا والحـب فالقلـب والعـيـن
حب المواقف فـي صعيـب الليالـي 




يوم ارفعت رجلي بوسـط المياديـن
وعـن منـة العالـم وقيـلٍ وقالـي 




والا انت ياللي فوق جيب السلاطيـن
الشمـس لاتحرقـك رح للظـلالـي 




مانته بمثلي تشكـي الفقـر والديـن
تاجر وفي وقتـك مريـحٍ وسالـي 




أنته رصيدك حول (عشرة ملاييـن)
وانا (اربعين) ريال هي راس مالـي 




وانته تصيف بيـن لنـدن وبرليـن
وانا يصاليني من الشمـس صالـي 




وانته تعطل من ضحى يوم الاثنيـن
وانا الخميس من الشقـاء ماصفالـي 




مارحت تسرح بين سود الضلاعيـن
ولالاوفت راسك هبـوب الشمالـي 




ولارحت تستاجر عمـاره بدوريـن
مسكنك قصر وفوق روس الجبالـي 




وعيشتك ماهي رزٍ ابيض ولا اطحين
أكلك مـن "التورتـات" ياهملالـي 




ماظنـي تكاسـر ولاقايـلٍ شـيـن
مشراك باعلا سعـر مانتـه مبالـي 




ولاظني اقطعبك هكالجيـب بنزيـن
عندك كما الماء راهيٍ لـك زلالـي 




ولاظنتي راتبـك بحـدود الالفيـن
لك شركةٍ تجلـب عليـك الريالـي 




نومك يجيك ان شاورت يمه العيـن
وانـا اتقلـب والكـرى ماهنـالـي 




وشلون انام وهمي شهـور وسنيـن؟
وانا اتذكـر همـي اللـي مضالـي 




ياعنـك ماطقـوا عليـك الديـايـن
مرتاح بالـك ميـر ياضيـق بالـي 




ماقلـت للديـان طاااالبـك بعديـن
الشيك في مخبـاك والحـظ عالـي 




واللـي سواتـي والله انـه مسيكيـن
حـاول وعيـت لاتجـي باحتيالـي 




ياناس ويـن اروح قولولـي لويـن
ياعزتالـي ضـعـت ياعزتـالـي 




لكـن لنـا ربٍ يعـدل المـوازيـن
سبحانـه المعبـود رب الجـلالـي 




ابتصبـر وقـت والخالـق يعـيـن
جعله يعوضني عـن اللـي جرالـي 




وياللي تناظر..مسرعٍ..وبطرف عين
ليت الزمان اللي صف الـك صفالـي

















 
                              


up 1 down 1
الشريف الجنوبي 1193
قبل 8 سنه و 8 شهر



الددسن




يــاراكــب اللــي عــلاهـا قــش
................ ددســن جــديـده ومـنـقـوشـــه 




مـــن الــوكـالـه عـــلاهـا رش
................ مـاهـــي قــرنـبـــع ومقـروشه




شـكـمـانـها بـالـرطـوبـه بــــش
................ وأربــع كـفــرات مـفـروشـــه 




تـهــش دعــب الخــرايـم هـش
................وليـا مـشـت مـشـي مخروشـه 




عــن دربـهـا يـاخـبـل انـحــش
................ وخـل المـسـارات مـفـتــوشــه




تـحــش عـشــب البراري حـش
................ خصوص لن جـات مجروشه




بـمـقـدمـتـها دبــل يـنــعـــــــش 
................وبـطـنــها الطــعــس مايـنـوشه 




ولاهــمـها الـوحـــل والــــرش
................دايــم لـهـا الأرض مـبـروشــه




يـشـهــد لـهـا كـل راعي طرش
................ أو عــربـجـــيٍٍٍ ولــه شــوشــه




ولاجـالـهـا طـقـطـقـه وقـــرش
................يـابـان مـاهـيــب مـغـشـــوشـه




وســواقــهـا للعـمـامـه طـــــش
................ إنـشـــد هـل العـقـل ودشـوشه




مـركـب فـقـيـر وبـعـد مـقـرش
................ ولاعـانـقـت ذاك لقــروشـــــه




عــذراً وتـسـمـع خـطـاهـا وقش
................ تـنـحــب مـاهـي بـمـكـروشـــه




إليـــا أقـبـلـت العـصـــار تـنــش
................ ظـبــيٍٍٍ تخـــوف من الطــوشـه




وإليا عـرضت كالسحاب يـبـش
................ واحـيـاء صرامـيـد معــروشـه




وإليا أدبــرت مـثـل ســـبـعٍٍ دش
................واقــفـى بــعـــد خـم عـرمـوشـه




مهاره اللــي نـقـشـهـا نــقــــــش
................ لاعــابـت إيـــداه ونـقــوشــــــه




ونـيـسـان شــركـه حـرام تـغــش
................ والماركه غــيــر مـخـشــوشـــه




يـبـان تـمـلـك كــراس العـــــرش
................ وخـبـيـرهـا يـمـس طــربـوشــه




وديكـــــــورهـا يحــتـمل للنـبـش
................ والـطـاقــم الشـمـس مـاتـهـوشـه




ضــد الحــراراه وضـد الهـبـــش
................ ومـراتـبــه شـــبـه مـرشــوشــه




بـأحــدث طـرازٍ كـسـاهـا الفرش 
................مـن اجـمـل الخـام مـنـبــــوشـــه




والـطـاره اللـي تـلــــف بـنـــــش
................وتـهــوز مـن اول النــــوشـــــه




وطــاقــم هــوائــي بمكره ونـش
................ ونـسـيـمـها مـطـيـبـك مـوشــــه




والـطـاقـم اتـقـن لـزر القـــــرش
................غـــرفـه تـمـاتـيــــك مع حـوشه




فـيــــــها تـعـلـق انـيـس ووحـش
................ وذبـاحــه لـكــل مـربــوشـــــــه




مــع كـل ريـعٍ تـجـــي وتـخــــش
................ تـنـقـش مـاهـيـب مـقـشـوشـــــه




واللـــــي شـتـمــها بـخـمـسي كش
............... فــي وجـه مـن طـالـت ارمـوشه




تـسـبـق مـفـاتـيـحـها بـالـنـتــــــش
................ تـنـتـش ولاهـيــب مـنـتـــوشــــه




قــيـمــه وســيــمـه وزاد وعـــش
............... وتـعـيــش لو قـيــل مـنـغــوشـــه




وفــالهـربـده مـثــل شارب خرش 
................تـمـشـــي ولـو كـان مـخـدوشــــه




تعيــــش لـو الـرفارف حــــــرش
................ والـمـرتـبـه بـحــبـــل محـفــوشـه




تصبـــر وتـسـعـى بـعـيـانٍ عــمش
................ كـنــزٍ مايفـنـى مـــن اقـــــروشــه






up 1 down 1
الشريف الجنوبي 1193
قبل 8 سنه و 8 شهر



محلى الشفر ما احلاهومن ورده مشكوور
مشكوووور من فكر وجاب امتيازاته
الله يرحمك يا عسى الاحسائي


up 2 down 0
وليد ابو فيصل 1205
قبل 8 سنه و 8 شهر



وين اهل الالماني


up 0 down 1
الوافي5555 126
قبل 8 سنه و 8 شهر






قصيدة بالشبح 




من شفتك يالشبح ما الوم راعيك ..... كل مامر ووقف ناظرت ومدحته...
له هيبتن لا من مشى مابها تشكيك..... شيطان في الخط كل موترن سدحته..
لا من فز ماتنقد رجه وخلخه وتحريك... تقول عيار شبابن في السماء لمحته..
اجلده مو مثل المواتر تولع لنبه التشيك..... صنع هتلر مو تيوتا قطع تجميع وجمعته ..
مورسدس اصلي مسماره نحاس خالي من التشكيك.... مختوم العلامه والرقم تسلم يامن ملكته..
سلامي انتثر يا شبح على صانعك وشاريك... وعسى الله يحفظ سواقه واللي مدحته ...






up 0 down 1
-القيصر- 380
قبل 8 سنه و شهر



وهاذي بالفياجرا 






ياراكب اللي تجيب بساع طبلونه                     الفين وواحد موديل الجيرمانيه 

شف الذي يا طرا له شوف مضنونه                 اللي خفوقه من الهجران جمريه 

الفياقرا يا ضربت له خط مجنونه                      البنص شره وعفريته وجنيه 

اللو ثلجي تقل زباد صابونه                             ومراتبه مثل لون الرمل بيجيه 

هي منوة اللي بعيد الدار من دونه                     تطوي بعيد السهال بضرف عصريه 

يا من نهمته تعض القاع بسنونه                           في مركبه تقل جالس فوق زوليه 

زرقن عيون اللي صنعها و زرقن عيونه                  ما هي صناعه من اليابان نازيه 

عريضة الوسط كنه وصف بالونه                         تشبه لمزيونتن طقة بمزويه 

ومعصفره تقل ترف ذاق ليمونه                       ومددله تقل خشف وسط محميه 

مع اسود القار ضاع الشوف من دونه                       مكان تقويمته بالقاع ماريه 

الناس في شوفة المرسدس مفتونه                          خصوص يا صارت اس اي ال ستميه 

اهل المواتر يهابونه ويدرونه                                  متمتعه في حصانه دبلوماسيه 

عذروبها قيمته في نصف مليونه                             ماني مبالغ بقيمتها حقيقيه 

اهل (الدداسن) ما يقوون يقصدون                      ما هي سوالف كفالاتن حضوريه 

ومدعمه بالوسايد في دركسونه                          كل شي ناعم تقول ملمس قميريه 

كل المواتر يحط السفتي بمتونه                                ايات موتر عليه السفتي عاديه 

الا الفياقرا عليها ما يحطونه                                  مركب سلاطين ما هي وجه ..... دوريه







up 0 down 1
-القيصر- 380
قبل 8 سنه و شهر



هذه قصيدة للشاعر ياسر التويجري في البي إم دبليو




ياصاحبي يانور يانور يانور
والوقت ضلماء وانت من يقتدابه
ضاقت عليّ وضقت من حرة الجور
من شيء والله ماحسبنا حسابه
مير الوكاد إنك تبي تتقن الدور
قصة مسلسل وانت ضد العصابه
صافي نوايا وانت بالله منصور
حط بيمنك سيف واقضب نصابه
واركب على اللي لانخيته على القور
ماكنك إلا تنتخي لك بلابه
فكرة هل التحديث في عالم الزور
مافكروا وشلون صنع الربابه
ألمان × ألمان تفكير وحظور
ماجمعة فالروس وإلا انبابه
BM صنعة للمسافات دستور
سم الخطوط وعز من ينتخابه
حطولها من قو الإتقان ماطور
يوم صنعوه لقامزات السحابه
شدوا محركها على عشرة شطور
واثنين معها فالملازيم هابه
كن الكفر لاجاء على الجنط محفور
حذو الخيول اللي تقود الصحابه
فتحة غمى واربع تشاكيل للنور
للعج والضلماء وهل السحابه
والرابع اللي فالكرستال منثور
رمز التقدم لو تغم الضبابه
مع وجهها لاجيت لو طحت معذور
ماكنك إلا داخلٍ لك بغابه
لاقام يلعج عكس الأضواء بلور
كنك تحلى في عيون الذيابه
مصفق جوانبها مضمر ومفتور
مثل القعود اللي ينومس شبابه
حفرة رفارفها مثل منور السور
فالأندلس يوم إن طارق سطابه
قزازها كنه من البعد ديجور
وإلا القزاز اللي هذاك إحتمابه
فالبنك لا جيته مدبل ومستور
وشرهتك للي راح يدعم حسابه
ولاجيتها من خلف عمله من اليور
أجزل كلامك ياعجيب العجابه
لاقام يرهش بوسط القلب عصفور
والقلب يذكر مامضى من عذابه
كنك تشوف بدور وتقول يابدور
بنت النصارا عن شمال الكسابه
إليا ربطة خصره بشالين وسيور
وقامت تكسر وجد وإلا صبابه
في ردفها الأيمن ثمانين مسعور
وفي ردفها الأيسر جنون وغرابه
طبلونها بالتو والايت والفور
ويكشح مثل وقدة زعيم الذرابه
أبو علي لاصار من دون أبا القور
الأردح اللي يستحق المثابه
إليا وقفت كل التحف مالها دور
تعطي شموخ وكبرياء ومهابه
مقدم مراسمها على القاع منزور
عودٍ تحيدب قام يقرأ كتابه
كرسي دريولها يشابه مع الزور
كرسي ﴿...﴾ قبل تنوخ ركابه
لاسقتها كنك مع الناس مشهور
أو كنك المطنوخ وسط الغلابه
تعطيك رزه وإستحائات وشعور
بان الوليد يموت ماصك بابه
لوانت متواضع تبى تصير مغرور
ولوأنت متضايق تخمك رحابه
شيً بديهي ومتناقل ومخبور
الماء على الماء يالسنافي حزابه
والمال بالقرآن ياخوك مذكور
هو زينة الدنيا وحلوة شبابه
لو راعي الددسن يهيجن ومسرور
تراه يخشى من تبين عذابه
أركب عليها يامحمد على الفور
والدرب خله شيء مايندرابه
واخذ الكتاب اللي به الوجد مبذور
وخفف عن اللي بالتزايد صوابه
وانحربها رجلٍ على الطيب دكتور
وكنه على رأس المراجل عصابه
سعود يسبح في خيالي من شهور
حربي ولا بيني وبينه قرابه
لآكن يسوى عندي ألفين هاذور
والطيب واحد والرخوم تشابه
إنص لمحله وأنت يالذرب مشكور
تلقاه واقف ويتبسم بنابه
ويقول بلسانه ترى الطيب مقدور
ويامرحباً باللي لفاني هلابه
في مجلسه تلقى على يمينك طيور
قشر الوحوش مبينات القطابه
واللي على اليسرى شمالٍ عن السور
صفة بغاديدٍ تجيب الطرابه
تتكي على جمرٍ محظب ومحكور
يشدى لجمرٍ في خفوقي عثابه
وفي وسطي المجلس على الوسط مزرور
وكرٍ عليه اللي مجسه صلابه
تلقى العضب مرهي وواثق وماسور
والحر يدري بأن طيبه مثابه
ماضره اللي بايمن الكف مبتور
دامه ليا منه نوى الخرب جابه
غيره مخاليبه تقل صفة ضفور
وهو مثل صفة شطار الحدابه
الله خلق كفه على الدم مجبور
وغيره كفوفه مدرجٍ للذبابه
أجلس وعطه اللي بالقلب محفور
وعجزت لاقوله وهو ينحكابه
أستر على نفسي وانا منه مقهور
لين إن جسمي قام يثقل مصابه
أبختصر لك وانت ياراعي الطور
تفهم رموزي لو رموزي تشابه
عفت الحرار اللي بها يقطع الشور
وعفت الدروب اللي يبين الردابه
وعفت القصيد اللي به السلم مكسور
مدام ربك مايخيب الرجابه
ولو إن قلبي داهلٍ معشور الحور
لقول عفت مقربات النسابه
وبيني وبينك وأنت تدري ومعذور
عفتك وعفت الروح مما جرابه
كن الكدر يدلي عليه بساطور
وكني صويبٍ بين شهب الذيابه
مدحور من ذاتي وانا من مدحور
وسيف الهواجس يحتديني عطابه
هو ليه هستربي ردى الحظ والجور
هو ليه كفي يلحقونه معابه
مد الرخاء ماهو مثل مد مهصور
وأنا امد وكن مدي نهابه
أموت في وسعه ولا اموت محجور
والسيف يصدي لنظلم في جرابه
أبختصر ياسعود مانيب محصور
وابخفي اللي دار مايندرابه
واسمحلي اردد مثل بندر سرور
﴿وحدك ولاخوة جموع الزلابه﴾






up 1 down 1
-القيصر- 380
قبل 8 سنه و شهر



اسمع العلم انت وياه
يقول الشاعر
الجمس راح وراح الشوف من دونه 
                                غبر على وارد الجابان بغباره
يطوي المسافات وما ينتعب من طبلونه


up 0 down 0
عاشق b m w
قبل 6 سنه و 6 شهر



الله على الجمس لولا وارد ال60
ياليت مابدلو روده وسكانه


up 0 down 0
العنزي 1988
قبل 3 سنه