أضف سؤال أو موضوع جديد          

مشكلة التفتفة بالكابرس 2004 ومشكلة اخرى

up 2 down 3
rayan2010 46
قبل 6 سنه و 8 شهر



السلام اخوتي
لدي كابرس 2004 ls سته سيلندر
فيه عدة مشاكل اتمنى ان اجد لها تفسيرا من الخبراء

المشكلة الاولى صوت تفتفة بالسيارة لدرجة احيانا احس ان السيارة بتطفي المشكلة هذي ظهرت لي بعد انفجار الخرطوش حق المكينة وتناثر الماء على المكينة 
طبعا فحصتها كمبيوتر بورشة بجهاز اللي يضعونه تحت العلبة اللي عند رجلين السائق
وقالي ان المشكلة بالبلوفات داخل المكينة وعطاني ارقام قالي بلوف 1 وبلوف 3 وبلوف 6
هل فعلا كلامه صحيح وكيف اخلي صوت السيارة هادي لاني احس انها مو بصافيه 

المشكلة الثانية 
الدركسون لما احركة يمين ويسار احس يطلع صوت رغم اني توي مغير علبة الدركسون واصلاح دودة 
ايش المشكلة ممكن تكون

المشكلة الثالثة
ماء الاديتر ينقص وغيرت الطبة حقت الاديتر ومع ذلك ينقص كل فترة هل فيه شي ممكن اشيك عليه واتاكد

المشكلة الرابعة 
لمبة الايرباق والعه طبعا الايرباق سليم لاكن من فترة غرزت باحد الاماكن فحفرت للكفرات وريوست بشكل قوي جدا وبسرعه وطلعت طلعة على سرعه عشان ماغرز وبعدها 
ولعت اللمبة واحد قال لي ان السلك حق المرتبه السايق انفصل وطالعت تحت المرتبه واشوف الاسلاك مشبكه مدري يمكن مانتبهت بس وش المشكلة بالضبط

المشكلة الخامسة 
التكييف دفعه ضعيف خاصة الخلفي بس لما اسكر فتحات المكيف الامامي الهواء قوي في الخلف طبعا اذا حطيت على اعلى شي او اللي قبله
رحت لمحل قالي نفك وننظف شغل يد ب 1500 ريال حسيته نصاب الهندي سعر مبالغ فيه
وش رايكم هل فيه محل بالرياض متخصص بالتكييف

المشكلة السادسة 
عندي الانوار الامامية غيرت النور كامل مع الشمعات طقم كامل تايواني ووزنت الانوار وكل شيء مضبوط
بعد فترة القى النور ضعيف وتخرب الوزنية ويالله النور يغطي الشارع ولما رحت لمحل وفكها لقيت الشمعة من الحرارة ذوبت الغطاء حق النور اللي يمسك الشمعه 
وتطيخ الشمعه وتخرب الوزنية قالي مالك الا تركب اصلي عشان يجي المنيوم قوي مايذوب بالحرارة اما التجاري بلاستيك يذوب على طول 
مارايكم بكلامه وكم سعر الطقم الامامي كامل


اتمنى من الاخوة وخاصة الاخ التركي اللي لهم خبرات يشاركونا ولو يجاوب على سؤال واحد اكون شاكر له والله يجزاكم خير الجزاء







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المشكلة الاولى نعم البلوف تسوي تكتيم بسياره السواه اصلاحها 
المشكلة الثانيه ماحددت نوع الصوت وصفه وماقلت لنا الدركسون ثقيل ولا خفيف نفيد اكثر 
المشكله الرابعة نعم تحت يوجد حساس كرسي الارباق او حزام اوبرنق البوري 
المشكلة الخامسة طبيعي يجي الامامي قوي ومكيف الخفي التبريد اشوي قليل ممكن زر حق الفتح وتسكير معلق وساد الهواء 
المشكلة السادسة نعم صحييح دقت الوكاله تجي المنيور وعدسات حقتها قويه الاصلي اصلي وتجاري تجاري 


up 1 down 0
سكودر 14927
قبل 6 سنه و 8 شهر



حياك الله

الكابرس واللومينا من موديل 2000 جايه 6 سلندر كويلات و 8 سلندر اسلاك بواجي وما تتأثر بالماء

لكن الكويلات تتأثر بالماء وانت انفجر عندك خرطوش الماء ممكن يكون الكويلات تحتاج تنشيف فقط

ولو تركتها على وضعها تجلس 3 او 4 ايام وهي فيها تفتفه حتى تنشف بشكل كامل

حتى لو واحد منهم بس فيه ماء تبقى التفتفه بشكل مزعج وواضح

قد يكون الكشف الكمبيوتر كشفت عنده ما عرف يستخدمه بشكل صحيح وقالك بلوف بدل الكويلات

البلوف تتأثر بالحرارة وليس بالماء
_______________________

المشكله الثانيه ما اعرف لها اجابه لان لها عدة نقاط تطلع صوت
___________________

المشكله الثالثه هي الطبه العاده تسبب النقص ولكن استخدم مانع تسرب ماء الرديتر تحصله عند محلات الزينه الكبيرة

لون العبوة شفاف واسطواني شكلها واكبر من الولاعه مرتين مكتوب عليها ABRO صناعة امريكية

وجاي داخله واضح مثل اوراق الشجر الصغيرة بلون غامق هذا انا مستخدمه بنفسي 

كان عندي تهريب بسيط بطرمبة الماء واستخدمته ووقفه له اكثر من سنه

_________________________

المشكله الرابعه ممكن السلك وممكن غيرها لانها تولع من الحساس احيانا وبدون سبب
_______________________

المشكله الخامسة ممكن تنظف المروحه الداخلية تحت الدرج تكلفك التنظيف ممكن 100 ريال فقط

ما يحتاج فك الثلاجة والطبلون كامل وراح يتحسن معك بشكل واضح
___________________

السادسة ما عندي لها حل


up 1 down 1
ابراهيم التركـي 1067
قبل 6 سنه و 8 شهر



تسلمووووون حبايبي سكودر وابراهيم على ردودكم 

بالنسبة للدركسون اول ماريوس او لما اجي بمشي ثقيل لاكن مجرد ماحرك وتستقيم السيارة واعدل الدركسون يصير خفيف بس الصوت مزعج بالبداية 

بالنسبة لانفجار الخرطوش هذا الكلام له شهرين او اكثر وعلى فكرة لما انفجر الخرطوش ارتفعت الحرارة ودخنت المكينة بس ماشفت انها انضرت 

بالنسبة للايرباق نسيت اقولكم بالفحص قالي عندك حساس كرسي السايق غيره هو اللي مطلع اللمبه حقت الايرباق




up 0 down 0
rayan2010 46
قبل 6 سنه و 8 شهر



دركسون اذا ونت واقف ثقيل ويطلع صوت هذي طرمبه دركسون العلويه اما اذا ثقيل بدون صوت هذي دوده



.


up 0 down 0
x500 777
قبل 6 سنه و 8 شهر



الله يعطيك الف عافية حبيبي x500
نعم ثقيل ويطلع صوت وكلامك صحيح فعلا طرمبة الدركسون لاكني مغيرها بس مدري عاد هل فيه علوية وسفلية بس اخوي يقول انه مغير طرمبة الدركسون بوحده مستعملة نظيفة قبل اسبوووع


up 0 down 0
rayan2010 46
قبل 6 سنه و 8 شهر



اعتقد والعلم عند الله لازم فك راس المكينة


up 0 down 0
rayan-2010
قبل 6 سنه و 8 شهر



الله يعافيك , المعذره تاخرت بالرد

, انا غيرتها وخسرت ع الفاضي وطلعت خربانه مالك الا تغيرها او تشتري جديده امريكيه .


up 0 down 0
x500 777
قبل 6 سنه و 8 شهر



بالنسبة للتفتفه 
طلعت من الكويلات غيرتها كاملة طقم وكذلك البواجي وضبطت السيارة بارك الله فيكم
وغيرت خرطوش المكينة اللي في الاسفل لقيته منتفخ 

الان السيارة تمام بس فيه مشكلة مجننتني 
كتاوت المراوح الابيض اللي عندي محترق غيرته بواحد جديد ولما اركبه واشغل المكيف القزاز الكهرب مايعمل 
فاضطريت ارجع المحترق القديم وتشتغل المراوح مع كمبروسر المكيف فقط اما بدون الكمبروسور ماتشتغل المراوح 
صراحه احترت 


up 0 down 0
rayan2010 46
قبل 6 سنه و 8 شهر