الرجة بالسيارة من سرعة 80 إلى 100 لم تتوقف حتى بعد الترصيص

وعليكم السلام ورحمة الله وبركاته 

ترا اسباب الرجه للكفرات كثييييييره 

بعض الكفرات حتى لو ركبتها جديده فيها رجه بسيطه يا سوء الصناعه او عيب مصنعي 

الكفرات المعروفه نادر ما ترج خصوصا الميشلان والبريللي والكونتيننتال 

اذا الكفرات ماهي محبله اجل الكفرات نفسها ما تنفع وانت بنفسك تقول تايلندي يعني صناعته ما تقارن بالفرنسي او الامريكي 

اذا انت معك كابرس ترا الهانكوك ممتاز ورخيص ومريح ويتحمل ولين 

الدونلوب الاصلي مشكلته قساوته والا شكله ورساوته والله كفو حتى ماله اصوات في الخط ( من واقع تجربه ) 

اذا جنوطك سليمه والكفرات قديمه غيرها وارتاح 

هل الكفر طقم
هل هو محبل
هل الهوبات تمام

انا مره صارت عندي رجه بدلت اماكن الكفرات راحت كيف لا تسألني ههههههههههههه 
احياناً اشياء تافهه في السياره تسوي لك مشاكل 

وحتى حلولها تخليك تستغرب تقول معقول ذي المشكله 

السلام عليكم..

اسباب الرجه كثيرة..

منها : 
هل الجنط اصلي شد بلد ام جنوط صينية؟ 
هل الجنط نظيف ما تعرض لطقات؟  
هل الهوبات سليمة؟ 
هل الكفرات سليمه؟ 
هل الكفرات طقم واحد ليست ملخبطة من كل شركة نوع؟ 
هل احد الكفرات محبل او لا؟ 
هل حاولت تجرب السرعات العاليه في خط مستوي جدا جدا؟ 
هل قد انغسلت السيارة بالماء البارد بعد مشوار طويل و هي حاره واثر على الاجزاء السفلية واحدها تعرج الهوبات بسبب الماء البارد على حديد حار؟ 

شيّك عالامور هذي 
و يفيدونك باقي الاخوان 

بعد ماتتاكد من الكفرات شيك على كراسي المكينه لأن لها دور باهتزاز السياره أيضا عندك الاذرعه شيك عليها وبإذن الله تنحل 

بعد ماتتاكد من الكفرات شيك على كراسي المكينه لأن لها دور باهتزاز السياره أيضا عندك الاذرعه شيك عليها وبإذن الله تنحل 

اذا في صوت رمان

واذا رجه يس غير كفرات

صارت معي غيرت رمان وخرط فلنجه شغل يد 100

صارت معاي قبل كذا في الجيب ولا خليت ورشه وجننتني 

وحتى عامود الدبل كشفت عليه 

قعدت شهر الفلف على الورش

وبالاخير......................

طلعت الكفرات مع اها جديده بزرعها

وابشرك رحت للبنشر والسياره ترج 

وطلعت من عنده السياره شكل ثاني طبعا بعد ما غيرت الكفرات

كان عليها نوع مدري وش اسمه من راعيها الاول وانا غيرت هانكوك

و3 سنوات ولله الحمد نسيت الرجه

تاكد من الشغلات التاليه بالترتيب 
الكفرات
الجنوط.. تاكد من سلامتها واهم شيء تكون اصلية
وتقدر تتاكد بانك ترجع الثنتين الاماميه وتقدم الخلفيه اذا خفت معك الرجه وحسيت انها تغيرت او اختفت فانت وجدت المشكلة
الرجه في السرعات العاليه عادة ماتكون من الجنوط او الكفرات

يمكن من عمود الدوران

مثل ما تفضلوا الشباب الخبراء ما شاء الله حتى حكيم المعاني بزات نفسو هنا :)

إذا الرجة في الدرقسون فالمشكلة بالأمام.
إذا الرجة في جسم السيارة كله خصوصاً بالخلف فالمشلكة بالخلف.

أول شي مثل ما قالوا الشباب، رح لمحل ترصيص عنده جهاز ترصيص صاحي، وركب الكفرات سواء الأمامية أوا لخلفية تبعاً لإتجاه الرجة اللي وصفتها لك أعلاه، وشوف الكفر اللي يحتاج لترصيص كبير ومتعدد هذا فيه مشكلة يا في الكفر أو في الجنط اترك العامل يفحصه بدقة.

إذا الرجة ما راحت بعد تغيير الكفرات وتبديل أماكنها، وما زال الدرقسون يرج، فالمشلكة في الهوبات الأمامية تحتاج خرط + تركيب فحمات جديدة.

شيك على الجنوط اذا في طعج 
وزن الاذرعة مقصات دركسون 
ترصيص كفرات 
تحبيل الكفرات 
^^
كل اللي فوق تلعب دور كبير في الرجة 

الله يعطيكم العافية جميع و أفدتوني شكرا لكم و لايك لكل رد

بخصوص الي قالو كراسي مكينه 

كراسي المكينه تخليك تشك فيها اكثر اذا جيت تطلع طلعه 

فإنت اطلع طلعه اذا شفت الرجه زادت معناه ممكن يكون كراسي مكينه لكن لو كانت مثل ما هي انا استبعد هذا الاحتمال

ياخوان عندي نفس المشكله بس بجمس يوكن مافيه دبل ورجه من 80 الى 120 اذا كانت دعستي للبنزين خفيفه مع انبير السرعه تحسه يقف احيان ويرجع للخف مع الرجه ياخوان الي عنده حل للمشكله بالرغب وصصت العمود والكفر وغيرت زيت القير والفلتر ماحصلت حل واذا كانت داعس شوي تختفي الرجه والله يعطيكم العافيه