مراوح الكابريس 2006 استفسار من اهل الخبره

كان عندي في اللومينا تشتغل مع بعض بالمكيف وبدون والكهربائي قالك غير الدينمو تبعها فبقولك من الان لا تتعب نفسك ولا تدور له ماراح تلاقيه لحاله يجي مع المروحة وسعرها 650 وكالة واذا لقيته في التشليح ما نصحك تركبة لانه راح يطلع صوت وبيخرب بسرعة لانه يجي مرصص مع المروحه من بلدها غيرالمروحة كاملة وكالة احسن لك .

اما اذا لقيته في التشليح مع المروحة ونضيفة وسعر مناسب فالي يعجبك اهم شيء لاتاخذ الدينمولحاله .

طيب تتوقع هالمشكله لها دور بنقصان المويه ؟؟
لاني اساسا وديتها عنده بسبب التهريب وغيرت دبة الرديتر والكوع كان منهم التهريب
لكن للان المشكله مستمره رجعت حصلتها ناقصه تقريبا علبه مويه بريال

اخوي اعتقد اي تهريب في الريديتير يأثر على شغل المروحه
يعني ممكن المروحه مابها شيء بس علشان فيه تهريب بالريديتير فصار فيه خلل في اداء المورحه
فيه منتج اعتقد يعالج تهريب الرديتير كان احد الاعضاء عمل عنه موضوع شوفه يمكن يساعدك

المشكله سويت للرديتر تسييخ ومع تغيير الدبه والتشييك ع الليات  وتاكد لي  منه انه مافيه تهريب 
بس برجع له واشوف وش المشكله والله المستعان

طالما اشتغلت يعني القلب سليم ليش تغيرة

قيمة القلب حوالي 700 ريال

وعليك السلام 
يوم شغلتها اشتغلت تمام وسلكت شغالة استمرت وبالسرعة المطلوبة ؟؟

يمكن تحتاج رش DW40 على الفحمات او تغيير الفحمات اذا بالمكان تغييرها.
اشتغال المراوح ماله علاقة بالتهريب . تشتغل المراوخ اذا وصلت حرارة الماء حسب مقياس حرارة حساس المراوح الي مركب على نظام التبريد في المكينة

ابراهيم كان عندي نفس المشكلة واذا دقيت الدينمو حقها بسكروب تشتغل وهو الخراب فيه والمشكلة ماتقدر تفتحة تغير اي شيء يجيك محكم الغلق فما فيه طريقة غير تغير مروحة مع الدينمو تبعها لأني لفيت ابها والخميس مالقيته ولا يباع الا مع المروحة  فأطريت اغيرها كاملة ب650 على ما اذكر لأن ماهو معقوله اقعد كل شوي اوقف واقعد ادقدق الدينموعشان تشتغل المروحة 

اما نقصان الموية ف 90% من غطاء اللديترتعبان وينسم وتروح الموية للقربة لين تتعبا وتصير تهرب شوي شوي ويفضاء اللديتر .مثل ماحصل معي بالظبط غيره سعره 90 ريال وكالة .

الله يعطيكم العافيه ماقصرتوا
بخصوص المراوح عندي كابريس ثاني تشليح وباخذ المراوح واركبها افضل  مع انه من زمان المروحه الثانيه ماهي شغاله والوضع عادي..
وقبل رجعت له بخصوص التهريب وشيك عليها ولا لاحظ اي تهريب  قالي طبيعي تنقص المويه بالبدايه لانه ماعباها زين
بشيك الصباح ان شاء الله مااحصل نقصان بالمويه

بس بسئالكم الحين اي مروحه من المراوح خاصه بالمكيف اللي ع اليمين او اليسار .؟؟

المروحة الصغيرة حقت المكيف .

سبحان الله

المروحه من زمان ماهي شغاله حسب كلامك وتاركها عادي وفيه عندك سياره ثانيه نفس الشيء

تقدر تاخذ منها بعد ومطنشها وبكره تسخن عليك او تخبط بسبب الحرارة بعدين تشتكون السياره محافظ عليها

وخربت وخبطت وكلام فاضي

تهملونها بعدين تتشكون

مو اهمال الله يصلحك لكن  توقعت المروحه الثانيه مشبوكه مع المكيف !!
لكن المويه مدري وين تروح قبل شوي فكيت غطا الرديتر وحصلته ناقص شوي  بعد اللي قاهرني مااستفدت شي من اللي سيويته .كلفني التسييخ وتغيير الدبه والكوع 300 ع الفاضي
والغطاء المهندس شيك عليه  ومو منه السبب

اذا توك مصيخ الرديتر وعبيته ماء طبيعي بعد ماتشتغل السياره وترجع تطفيها ينقص الماء السبب انك اذا عبيته وكان فارغ لازم تنسم الهواء وبعدها تعبي والاهم تعبي القربه اكثر من النصف اما المراوح تشتغل وحده واذا زاد الحراره تشتغل الثانيه ومع المكيف تشتغل الثنتين واذا زاده الحراره تشتغل وحده بسرعه عاليه اقل من دقيقه وترجع تفصل اسف ع الايطاله وعلى سوء التعبير 

حبيبي غيرها وسعرها 450 انا مركبها ولها سنه معاي زي اللوز صناعتها كندي

الله يعطيكم العافيه
ومشكور اخوي ابو ايلاف على المعلومه شرحك واضح ووافي الله يسعدك .. وفعلا الصباح فكيت الغطاء وماحصلت الماء ناقص
نقول ان شاء الله ضبط وماعاد فيه تهريب

اذا كان موترك ٨ سلندر ..فك بلف بلاده وارميه بالزباله وركب بلف رياضي قيمته ١٥٠ وبرمج مراوح..
وانتهت مشكله حراره الكابرس باذن الله ..بلف بلاده هو السبب الرئيسي للحراره ..وبخصوص المراوح اشتر جديد اصلي غير كذا خليك على حالك اصرف لك ...
معليش النقطه الاولى خارج اطار الموضوع بس حاب افيدكم وانصحكم