طرمبة البنزين وطريقه فحصها

9 4

لايمكنك التصويت حتى الحصول على 20 نقطة على الأقل
إضغط هنا للإخفاء

asalami 2179
قبل 9 سنه و 7 شهر

السلام عليكم ورحمة الله 


في الاسبوع الماضي سويت صيانه شامله للسياره (سوبربان 2003 ) قبل السفر وكانت كالآتي. ..

تغير كفرات.. كنت مركب اطلس اندونوسي وكان سيء جدا جلس معي سنه واربعه اشهر وانواع التحبيل وطقمت  كفرات جديده برجستون تاريخها الاسبوع 51 من سنه 2104  درجه حرارتها A والتراكشن  B قيمه الكفر 460 شامل التركيب والترصيص  من الجمله في جده كيلو 2

شيكت ع العضلات وكانت سليمه ولله الحمد بعدها وزنت اذرعه ومقصات ب 50 ريال وابعدوا عن السباكين حقين وزن الاذرعة في كيلو 2 ما عندهم سالفه ولا يعرفوا له..

غيرت سلك الكبوت مقطوع قيمته اصلي ب 210 ريال تركيب ب 50 ريال 
بواجي طقم ب 240 
اسلاك بواجي 160
فلتر بنزين 40 ريال
فلتر قير ب 100 ريال والزيت بالعلبه 11.75 
فلتر مكينه ب 15 ريال غيرته مع تغيرت الزيت......


تركيب البواجي والاسلاك والفلتر كلفني 100 ريال وفيه ارخص ولكن الوقت ضيق...

زيت وفلتر القير ب 80 ريال وبالعاده 50 ولكن ضيق الوقت يجبر!!!

طبعا جميع القطع من بالبيد علما بان نفسها في الجميح بزياده 50% !!!!!!



سافرت من جده للرياض ثم للدوادمي بعدها رجعت جده...

وانا راجع وداخل من تفتيش عشيره قبل الحويه السياره تفتفت شوي وبعد التفتيش كان التسارع ضعيف واشد عليه القير رجع نمره ولكن مافي تجاوب من المكينه...

طبعا كملت الى الحويه واوقف في محطه واحاول اشخص المشكله... في البدايه توقعت المشكله من فلتر الهواء نسيت اغيره وله فوق 5 سنوات... وفي تغيرت الزيت العامل ما نفخه وانا نسيته...

المهم اطفي الموتر وافك الفلتر واشغل اشتغل مظبوط قبلها اذا دست بنزين ما يوصل 4 الان يوصل 6 كامل ....

ارجع اركب الفلتر واطفس واشغل وادوس الا العداد 6 ؟!!!
هنا تاكدت ان المشكله مو من الفلتر... واصحصح واتذكر ان هذي اعراض طرمبه بنزين.....

والله واخذ عصا واطق التانكي من الاسفل كذا مره وقلت ع الله وبكمل لجده...

طبعا اخوي معي ومعه سياره قمت حطيت الاهل كلهم معه واخذت الشباب كلهم معي... طبعا الزم ما علي سلامه العائلة...

واتوكل ع الله وامشي لجده مع السيل... في الطريق السياره كانت صلاتي ع النبي ممتازه جدا وفرق في العزم احسن من اول ... هنا تاكدت ان الفلتر متوفي من زمان الله يرحمه...


عديت مكه ع خير وفي سريع مكه جده احس السياره تجاوبها اقل في التجاوز و العزم خف.. ولكن كان افضل من الطائف... كملت طريقي ووصلت بالسلامه واليوم الثاني رحت اشريت فلتر ب 70 ريال اصلي...


الان نجي لطريقه فحص الطرمبه حصلتها في اليوتيوب... الطريقه سهله لكن وين احصل الساعه؟؟ هل هي مثل ساعه الفريون حق التعبئة؟

في مركب اعرف يفحص الطرمبه بجهاز الوكاله GM TECH 2  واذا طفت السياره او انتفضت اثناء الفحص يكون الخلل في الطرمبه لكن الفحص ب 100 ريال... واخوكم جلده شوي ابي ارخص...


وين تتوقعون احصل الساعه او محل يفحص بالساعه وسعر اقل... حصلتها في النت لكن تاخذ اسبوع وسعرها 22 دولار...


https://youtu.be/GEfmfhV2INU

إبلاغ

الردود