اجزاء نظام ABS

29 26

لايمكنك التصويت حتى الحصول على 20 نقطة على الأقل
إضغط هنا للإخفاء

ابراهيم التركـي 1065
قبل 9 سنه و 7 شهر

السلام عليكم ورحمة الله وبركاته

اتكلم بإختصار

احيانا تولع عندك لمبة نظام ABS

وتبحث عن المشكله ما تحصلها وتتعب فيها والنظام له عدة اجزاء

ولكن غالب الناس وحتى الميكانيكي يقولك غير العلبة كاملة 

وممكن تغيرها كاملة ولا تستفيد شيء 

واحيانا النظام يصبح ضعف عندك او خربان ولا تولع اللمبة ولو تفحصها ما يطلع لك شيء

والسبب هنا لا يكون كهربائي بل ميكانيكي وهنا تكون المشكله من الترس المركب على العكوس

للدفع الامامي تحصلها على العكس والخلفي على فلنجة الكفر

والعكس للدفع الخلفي 

عموما جميع السيارات الموجود فيها النظام هذا لابد من وجود الترس هذا 

احيانا يخرب عندك النظام وفترة طويله كل ما استخدمت الفرامل ترج برجلك الدعسة

وهذا بسبب التروس لانها تحاول عدم ايقاف الكفرات 

ولكن مع الوقت يسبب تلف للتروس وتمسح الرؤوس او تتكسر

وتصلح جهاز ABS و تطفي عندك اللمبة ولكن النظام ما عاد تستفيد منه

وتتوقع الجهاز خربان وهي المشكله انتقلت للتروس حتى لو واحد منها انكسر او فلت من مكانه

راح تفقد مميزات النظام بكاملة

جبت لكم صورة توضيحيه والصورة الثانية حددتها بالخط الاحمر عليها عشان تعرفون شكله ومكانه

المشكله تروح الصناعية ولا ميكانيكي يفحص التروس ويتأكد منها رغم انك تشوفها 

بمجرد رفعك للسياره وتشوف هي ممسوحه او مكسوره او مثبته بمكانها او مفلوته

ولكن الميكانيكي يقولك افتح الكبوت ويتلمس شوي ويصرف لك اي مشكله من عنده

واحيانا المشكله تحصل عندك بعد تغيير احد العكوس

تركب عكس مستعمل مثلا ويكون مافيه ترس او انك تشتري رأس العكس جديد

وتركبه ويخرب النظام بعدها ويكون الميكانيكي نفسه ما نقل الترس القديم حقك بالرأس الجديد
_____________________________________

المقطع لتسارع سياره العضو sultan-07

لومينا 2008 ss

ماشاء الله تبارك الله
https://www.youtube.com/watch?v=HWoXtX0Mmno

إبلاغ

الردود