مشكلة قير الكابرس

وعليكم السلام ورحمة الله وبركاته

موديل 2007 مبرد القير داخل الرديتر ممكن يكون انفجر عندك

و خلط الماء مع زيت القير

أمشي عليه حدود 10 دقائق بعدين تأكد من لون الزيت

مايل للبني الفاتح او الحليبي يعني خلط

ولو طبيعي عطني خبر

هذي الحركه بداية خراب الكلتشات


نعطيك الحلول البسيطه

اولا افصل البطاريه ربع ساعه واشبكها اذا ضبط معك هذا حساس معلق وضبط معك

اذا باقي المشكله معك فالله يعينك على التوظيب



طبعا المشكله عندك تاخير في التعشيق

اما الطقه فهي امرها سهل حساس اسمه حساس الكيلو بس افصل البطاريه وان شاء الله تضبط معك

اذا موترك عليه برمجه فهذا طبيعي الطقه والتاخير في الغيار



انا اقصد التاخير في الغيار يعني تدعس فل ثروتل ولا يغير معك لين ترفع رجك هذي كلتشات القير


واذا هو يوصل معك الضغط الى 6وشوي ثم يغير فهذي من البرمجه

قد وضبته قبل 

ومن زمان على هذي الحاله 
ممكن كملت سنه 
عادي يعني مكمل فيها 
بس ما تنفع اتقاوم فيها او شي 
ومغير الرديتر كامل من ٤شهور 
ومغير زيت القير والفلتر 
التعشيات اذا دعست تطول 

لو تبي توضبه وضبه بقطع رياضية أفضل دامك معدل

لا ما برمجت 
وعلى طاري البرمجه 

كل فتره تجين بالشاشه 
اكس سيرفس 
واحيانا تجي اكس سيرفس وينزل امبير الحرار لتحت وفريون المكيف يطفاء 

لين افصل البطاريه 
ولا فصلته مره يضبط ومره لا 
واذا ما ضبط لمن افصلها 
بضبط لحالها وانا امشي

انا بعدل بالسياره بعد ما احل مشكلة القير 

بس وين احصل بالرياض قطع قير رياضيه ي اخوان 

انا احس السيارة عموما يبيلها برمجه 
لو ابرمج برمجه تعديل 

وهي بدون اي برمجه الحين 
حتى برمجه وكاله مافيها

عادي؟؟

المشكلة هذي شائعه بالكوابرس واللومينات هذا الموديل
والله شف اذا مالقيت حل غير التوضيب انصحك تغيره واحد نظيف من الشليح
لاني اذكر موضوع لواحد يقول وضبه ورجع بعد كم شهر نفس الحاله
والي اقصده مشكلة تاخير النمر فقط 

انا معي نفس سيارتك وتوني موضب القير ومع ذالك نفس
الاشياء الي عندك 

شكلها كذا اغيره وافتك 

لكم خلفية عن اسعارهم بالتشليح

نفس مشكلتي بعد توضيب القير صار يطول بالتبديل النمر ومكتوم مره