تاهو 2015 و سمكرة اللومينا

34 33

لايمكنك التصويت حتى الحصول على 20 نقطة على الأقل
إضغط هنا للإخفاء

ابرااهيم التركي 12
قبل 9 سنه و 7 شهر

السلام عليكم ورحمة الله وبركاته

تجربه التاهو 2015 ممشى حوالي 30 ألف

عزمه بارد لازم تدعس له عشان يمشي

جربت 2007 كان انشط منه بفرق واضح

لكن 2015 ماله صوت مكينه حتى لو تدعس له

ولا يطلع عزمه إلا لو دعست كامل الدعسه ينطلق

العزل  جداً ممتاز حتى على سرعة 190 الفصله

الفرامل ممتازة جداً

التبترونيك جداً سيء

تمشي 80 بالرابع وهو دعست يرجع نمرة ما كأنك سويت شي

تستفيد منه بالنزول فقط أما بالمرتفعات يرجع نمرة غصب

واللي ما أعجبني فيه

كل شوي يحول 4 سلندر ولو تلمس البنزين رجع 8

و هذا يوضح لك بالطبلون 

صرف البنزين إقتصادي حلو جداً

بالنسبة لي أشوف اللومينا أنشط منه بكثير

نجي للومينا

رحت التشاليح أمس قلت خلني أوقف السيارة بعيد

الصورة 3

عشان ما يشوفون السيارة يرفعون الأسعار ههههههههههه

لقيت الأسعار شاطحه ورجعت قطع الغيار

اليوم من الصباح أدور ورشة شغل حلو ماهو شرط وكالة

عشان اسمكر الشنطه و الصدام الأمامي

لكن فكرت اسمكر بدون بويه بعدين ارش مطفي كامل السيارة

لكن والله مدري وش السوات للحين

الرش مطفي كامل 900 ريال

السمكرة 1000 ريال كامل السيارة حتى الدقات البسيطه

سمكرة و معجون بدون بويه

أو اضبط الصدام و الشنطه فقط 800 ريال 

و بشوف حل للشبك صغير مافيه تهويه

إبلاغ

الردود