حل مشكلة تقفيل أمان القير أو عصا القير...... شرح فيديو

14 3

لايمكنك التصويت حتى الحصول على 20 نقطة على الأقل
إضغط هنا للإخفاء

ابو روك 40
قبل 9 سنه و 7 شهر

السلام عليكم ورحمة الله وبركاته ,,,

اخواني الاعزاء ,,, الغاية من هذا الموضوع مساعدتك على التصرف في حال علقت عليك عصا القير (السيارة ماتشتغل بسببه او ماتعشق مقفل )


قبل 3 سنوات اتذكر إني حطيت القير بـ p وطفيت السيارة لكن المفتاح مايطلع (السويتش نص قفلة) حاولت قدر استطاعتي ماقدرت اطلعه . فكان الحل الوكالة 
ايام وكالة ابوجمل نسيت اسم الشركة :) 

المهم طلعت التكلفة 1200 ريال , السبب قالوا عصا القير مكسورة ولازم تتبدل . فما كان مني إلا الدفع :(

المهم امس صارت معي نفس هالحركة كنت عند البيت وعيا يطلع المفتاح فحاولت بالقير طالع نازل لين شبك وطفيت السيارة قلت خلها تولي بكرة يحلها ربي. 
اليوم جيت اشغل السيارة ماتشتغل , ومحاولات اشتغلت القير مقفل مايتحرك ابداً (والله الورطة ) تخيل لو انك على طريق سفر او داخل البلد شتسوي .
قلت والله سيارتي ما اشيلها بسطحة وابي اشوف هالعصا بنفسي . 

طريقة الفك كالتالي: 

الديكور البلاستيك اللي حول القير اللي فيه ازرار الشبابيك . تسحبه مع الطرف وتفكه ميله على اي جهة او طلعه من فوق القير .
ثم تابع الفيديو : 

https://www.youtube.com/watch?v=nJAH52ieYRI
المهم تمسك بريك وتدفها يسار وتحط يدك الثانية على القير واسحبه يجي معك زي الحلاوة :) . 
الغالب في الموضوع ماتحتاج تغيير لأن السبب والله اعلم ان العصا علقت لاهي مقفلة ولاهي مفتوحة . والمشكلة البعض يغير على طول .
وهناك شيء اخر ممكن يسبب هالمشكلة (فيوز ضارب مخلي الانوار الخلفية طافية وقت الضغط على البريك)

هذا من باب التعاون على الخير وفك كربة مسلم حال حدوث المشكلة . 

عندي خبرة بالمكينة وماحوليها والقير . اما غيره على حسب السؤال . 8 سلندر فقط 

اللي عنده حاجة اهلاً وسهلاً يسأل. 

إن شاء الله تعالى بحاول اصور المكان .

دعوة بظهر الغيب :)

إبلاغ

الردود