أضف سؤال أو موضوع جديد          

اصلاح السياره حسب الميزانية

up 30 down 27



السلام عليكم ورحمة الله وبركاته

تختلف نظرية الاشخاص عن اصلاح السياره والتكاليف

وتختلف الميزانية من شخص لآخر

وتختلف استخدامات الاشخاص للسياره من شخص لاخر ومدى اهميتها

بتكلم عن نفسي بالبداية 

وهالشيء لاحظته الاسبوع الماضي وقت ما دخلت السياره الورشة عشان السمكرة والرش

لأني كل ما اروح لورشة يقولي جيب صدام جديد

اقوله ما ابي صدام جديد ابي اصلح صدام سيارتي نفسه ليش اغيرة وهو كسر بسيط

يقولي ما يضبط صح مو مشكلة السياره راس مالها 18 الف بالكثير اروح اشتري صدام 1600 ريال ليش

بعدين لومينا لو انها سياره عليها الكلام جاغوار او بي ام او سياره يعيبها الصدام لو فيه ملاحظه

نقول صح نغير صدام لكن سياره عاديه تعتبر ليش الخساير

الصدام قيمته حوالي 1600 ريال ويجي اسود 

باقي ترشه وتركيب وتتعب نفسك يعني بتوصل 2000 ريال على صدام بس

بينما انا صلحت السياره الصدام مع الشنطه سمكرة ورش وكل شيء بـ500 ريال

لو الصدام لحاله ممكن 200 ريال الاصلاح مع الرش

نفس الشيء لو يخرب عندي كمبروسر مثلا قيمته 2300 ريال والرديتر حق المكيف حوالي 1000 ريال

يعني 3300 ريال بدون تركيب ولا فريون 

لو يخرب اروح اخذه من التشليح 800 او 900 ريال والرديتر ما اغيرة اسوي له تنظيف وخلاص

يعني كل واحد حسب ميزانيته

لكن فيه ناس تقولك لا والله اغير صدام جديد والكمبروسر اخذه جديد والرديتر جديد واريح نفسي

طيب عندك ميزانية تكفي الله يقويك 

ولكن انا بالنسبة لي احاول اطلع بأقل التكاليف وتكون مضمونه

فيه ناس اهتمامها بالشكل الخارجي والنظافه ما يبي اي ملاحظه على السياره عشان كذا ما يركب

الا جديد واي خدش بالسياره يضيق صدرة وحالته حاله

ولكن انا بالنسبة لي اهم شيء نظافة المحركات والكفرات وعضلات السياره 

واكون متطمن للسياره اي وقت ابي اسافر ما يحتاج حتى اشيك عليها ولا افتح الكبوت

اشغل وامشي وانا متطمن وهذا الاهم

وش الفايده اهتم بأشياء ثانوية و الاساس رايح فيها

يجيني كثير من الاعضاء بالواتس او بالخاص يستشيرني باصلاح السياره

وانتم تلاحظون حتى بعض المواضيع يقولك عندي نتعه بالقير بين الاول والثاني

ولا يفكر يشيك كمبيوتر او يشوف سبب او شيء

على طول يبي يغير قير كامل بس يجي يسأل وين افضل ورشه

يعني عنده عادي يدفع قيمة قير كامل بس عشان نتعه بسيطه

طيب انتظره حتى يخرب حتى لو كان القير بعدين غيرة

ولكن بعضهم هذا تفكيرة خلاص عندي فلوس ليش انتظر ما يهم المبلغ

طيب ليش تستشير اجل وتشغلنا معك

وكثير يجي يستفسر احس انه من الاستفسار تفكيرة مثلي يبي يطلع بأقل التكاليف

بالنهاية يقول خلاص بغير اصلي جديد

ابو شكلك اشغلتني وش عندك خلاص عندك فلوس روح غير جديد وفكنا شرك هههههههههههههه

حتى بعضهم الدينمو ما يبي يغير فحمات الدينمو لو خرب

والفحمات قيمتها بالغالب 50 ريال وحولها والتركيب حوالي 150 ريال يعني اجمالي 200 ريال

ويرجع مثل الجديد لان الفحمات فقط هي المشكله

ولكن تقوله هالكلام يقولك لا ليش اتعب نفسي اغير دينمو بـ1500 جديد واريح نفسي واضمن

طيب تشاورنا ليش عندك قيمة الجديد وعندك امكانية وتبي تريح نفسك روح اشتري سياره وكالة بعد

حتى لو طلعت لقيت سيارتك مبنشرة ليش تتعب نفسك وتغير الكفر ولع بالسياره

وروح الوكالة طق لك سياره جديدة

لدرجة واحد الله يستر عليه قبل اسبوع تقريبا يشاورني عنده القير مضروب

وجاني بالواتس يشاورني وش رايك بالقير توضيب او تشليح افضل وتعرف ورشه كويسه ومن هالكلام

بعد يومين اسأله هاه وش سويت قال رحت الوكالة لقيت القير قيمته 24 ألف وخلاص اخذت موعد عندهم

عادي يدفع 24 ألف على قير و نوع سيارته اصلا وهي مستعملة سعرها بالسوق حوالي 55 الف النظيف

كيف تدفع نصف قيمتها بالقير وهو بالتشليح قيمته حوالي 6000

يعني انا بالنسبة لي لو عندي نفس نوع سيارته مستحيل ادفع 24 الف بقير 

حتى لو تجديد السياره كاملة مستحيل ادفع هالمبلغ اروح ابيعها بحالتها وازيد عليها واشتري افضل منها

تجي تقوله غالي وليش تغيره وكالة يقولك الخير موجود

طيب امسح رقمي ولا تشغلني الخير موجود تجي تشاور ليش ههههههههه

انا ابي المساكين مثلي نفكر مع بعض ونحاول ناخذ الارخص 

فيه اشياء لابد من الاصلي مثل فحمات فرامل او كمبروسر او دينمو سواء مستعمل او جديد

ولكن فيه اشياء حرام تدفع فيها مبلغ كبير 

وما يرفع ضغطك الا اللي يدور سياره موديل 2003 او 2004 ويبيعها شبه وكالة

حتى لو رش بالصدام او حكه بسيطه يقول ما ابيها 

طيب سياره لها سنين بالشوارع ورش الصدام يعيبها لو موديل 2015 او 2014

لكن تجي لسياره لها 13 سنه او اكثر بالشارع وتقول لا فيها رش صدام ما ابيها

اجلس طول عمرك دور سيارة ما بتحصل

بعدين يجيك يقول سعر السيارات خيالي واسعار مبالغ فيها

انت اللي تفكيرك شاطح دور سياره نظيفه واترك عنك فيها حكه بالباب او فيها رش صدام

وش المشكله يعني 

مساعدات السياره على سبيل المثال ايام ما كان معي الكامري

سعر طقم المساعدات 2000 ريال

وفيه مساعدات صيني بضمان 6 شهور بـ400 ريال

او تزيد 20 ريال على كل مساعد ويعطونك ضمان سنه يعني يطلع اجمالي 480 ريال قيمة القطم كامل

بالنسبة لي اغير طقم مساعدات كل سنه 400 ريال 

ولا ادفع 2000 ريال قيمة مضاعفه ولا راح تمشيك 4 سنوات

يعني المساعدات الاصلية لو كان عليها ضمان 4 سنوات نقول تستحق قيمتها

مقابل ان المساعدات الاخرى 400 ريال للطقم وضمان 6 شهور او 480 وضمان سنه

لكن تجي تتكلم معاه يقولك برتاح وخلاص

فيه ناس على راتبها ما تقدر اصلا حتى لو تبي تركب اصلي ما تقدر 

تركب صيني حتى لو ضمان يومين مو مشكله المهم مساعد جديد ويمشيك فترة 

ومتى ما خرب يغيرة 

وفيه ناس الله منعم عليها يركب اغلى نوع ما عنده مشكله

واذا جيت تنصح بالرخيص يقولون لك صيني ما ينفع طيب ما ينفع روح ركب اصلي

مافيه احد بيركب اصلي وعنده قيمته ويجي يشاورك يقولك وش رايك 

لو بسولف بجلس للصباح ما بخلص ههههههههههههههه

بس تعليق أخير

انا طول يومي خصوصا الصباح من الساعه 7 لحد 3 قبل العصر اكون بالسياره بشكل يومي

ما عدا الجمعه والسبت 

طبعا توصيل مشاوير وناس متعاقد معهم بالشهر سواء داخل او خارج جده

يجون ناس يراسلوني بالواتس الوقت هذا ما عندي وقت ارد عليكم بالسياره واسوق ومعروف الزحمة

ادخل الواتس على السريع اقوله انا بالسياره اسوق اتصل افضل يقول لا ما اقدر 

او بعدين ويسحب

اقوله ما عندك رصيد انا اتصل فيك يقول لا

طيب يا حبيبي لا تشغلني وبصراحه اقولها للاعضاء

صرت حتى لو فاضي ما عندي شيء اللي يراسلني اقوله اتصل افضل

يقول بعدين ولا عاد يتكلم معي يعني عطيته فرصه وصرف نفسه وريحني منه هههههههههههههه

بعضهم عادي يجي يسولف ما عنده شيء معين يسلم او يستفسر اكون فاضي مو مشكله ارد عليه

لكن احيانا مشغول بالسياره اسوق او مع عيالي جالس ما ابي انشغل بالجوال

او نفسيتي ماهي رايقه للسوالف والاستفسارات ماهو شرط ارد بنفس الوقت

تجي بعد ساعتين تحصله كاتب متكبر علينا ومطنش ومن هالكلام

يعني تجيني رساله لازم غصب ارد بنفس الوقت او اكون مطنش او متكبر سلامات يالحبيب

فيه عضو ما ابي اذكر اسمه ولكن يشارك بشكل شبه يومي تقريبا معنا

قبل كم يوم كان يراسلني يدور سياره وعشان يعرف نفسه يدور انوفا هههههههه

المهم هو بالمدينه وانا بجده 

راسلني عرفني بنفسه رحبت فيه قالي ابي سياره وابي انوفا

عطيته الزبده الانوفا ما اعرف اسعارها نهائيا وانا صادق

قالي ابيك تدور لي بالمعارض

بعض الناس ما تدري عن تفكيرة تدور له وتتعب نفسك بالاخير يقول لا احس الرفرف متغير لونه

المهم تكلم معي يومين لقيت له انوفا معروضه بشارع السبعين صورتها له من برى 3 صور

صورت له رقم صاحب السياره عشان يتواصل معاه 

رجع تواصل معي الرجال قالي السعر اعتقد 49 الف وش رايك

قلت له يا اخي ما اعرف شيء بالاسعار شوف انت اتفق مع صاحبها انا اللي علي اجربها فقط

اقولك تستاهل تجي تشوفها من المدينه او لا تجي

يرجع يقولي ابيك توديها محل فحص تفحصها شامل

طيب يا حبيبي ارسل حق الفحص وابشر ما اعرفك ولا قد تعاملت معك 

وجات من الله خرب جوالي وبالقوة طلعت رقمه ونقلت الشريحه بجوال ثاني

اتصل فيه جواله مفصول يعني مشغل الرقم هذا على الواتس فقط

رجعت ارسلت له بالخاص بالموقع ان جوالي خرب ولا توصلني رسائل الواتس

واتصل عليك جوالك مفصول كيف تبيني افحص السياره واتعب نفسي وانت تراسلني بالواتس

وش عرفني عنك صادق او لا وحتى لو صادق ارسل حق الفحص ليش ادفعه من جيبي

وهو ما كلف نفسه حتى بالاتصال عشان يتفاهم معي

ويجيني انه تم قراءة الرسالة ومعطيني وضعية الميت ههههههههههه بسلامتك فكة بصراحه

منك ومن كثير مثلك كل ما اتصل فيهم اقوله مشغول عن الواتس يعطيني مشغول

واكتشفت كثير منهم اصلا جواله مفصول او محول مخصصه للواتس بس لاعضاء المنتدى

يعني انسى يتواصل معك يبي يضيع وقت ويتسلى وخلاص

اشغلتكم كنت بنهي الموضوع الاول دخلت بموضوع ثاني وطولت بعد هههههههههه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بالنسبة للعضو اللي نزل موضوع قبل يومين صدم بسيارته الانفنيتي

تواصل معي بالخاص يبي ورشة كويسه عشان الرش 

عطيته رقم جوالي اقوله طالما انك ساكن قريب مني لاني حسب ما فهمت ساكن بالصفا عندي

اتصل فيني ونروح الصناعية مع بعض اوديك للورشة اللي سويت سيارتي عندهم

رجع يقول لا بس اوصف لي الورشة انا اروح 

الحمد لله والشكر بس خلاص روح دور لنفسك ابي اخدمك وانت ما تبي لا تقابلني ولا تتصل

تبيني اوصف لك هنا خلاص اعتمد على نفسك ودور لنفسك


انا معك يابو عبد العزيز 
بخصوص اني ادفع صيانة بالسيارة اكثر من ربع قيمتها بالسوق مستحيل ابيعها بحالتها وازيد عليها اصرف 

موضوعك جميل جدا 
ياليت الاعضاء يقدورن 
واحتسب الاجر عند رب العالمين 


up 2 down 1



يا رجال بعضهم يحسسك داخل عليه بمعروض تشحده يقولك روح ولك اتعابك 

ولو قلت له مشغول او اصلا طالبك شيء ما يصلح الا صاحب الموضوع بنفسه يدور

يرجع يقلب عليك ههههههههههه وش تبي غصب هي 


الله يوفقك أبو خليل ويرزقك ويفرجها عليك وعلى كل مسلم

موضوعك صح لكن الناس بعضها دلوخ يرفعون الظغط ولا وش يمشي الأجانب عندنا يجون اوزانهم 40 ويرجعون لديرتهم اوزانهم 90 وكرشه

انا مااحسدهم لكن عندك شعب هنا مدري كيف يفكر


up 7 down 5



هنا المشكلة 
بعضهم يفكر انه بفلوسه يشتري العالم وانهم عبيد عنده 


up 3 down 0



موضوووع جميل للغلابه مثلناااا 


up 1 down 0
حسن محمد 11 50
قبل 6 سنه



ابو خليل .. روووؤح الله يسعدك ويزوجني وياك مديره مدرسه ههههههههه


up 2 down 0



قبل 3 اسابيع تقريبا لقيت واحد بنفس شارع بيتي متعطل 

مشيت من عنده ورجعت له مره ثانيه سلمت وش عندك قال السياره طفت من نفسها وهي تمشي

ابيكا 2007

اشم ريحة بنزين واشوف تحت عند الكفر الامامي يمين فيه بنزين على الارض

قلت له افتح الكبوت اللقيت نظرة ما لقيت شيء انا كنت ادور الهوز حق البنزين اللي يوصل للبخاخات

قلت شكله انقطع او انفصل لكن للاسف ما لقيته وشفت كل شيء مكانه صح

كلمت راعي ورشة متعامل معاه وشغله ممتاز وامين

قلت له فيه ابيكا طفت من نفسها وفيه بنزين منكب ولا لقيت الهوز ممكن تحتاج حفرة تكون تحت تشوفه افضل

قال جيبها

حملناها بسطحه 100 ريال للصناعية وهي قريبه

واسولف مع الرجال طلع توه ساكن جديد طلع جاري وجاي من امريكا كان مبتعث

واهله بالشرقية ولا يعرف احد بجدة ابدا وحاس بغربة وحاله

توه جاي من البعثه اخذ السياره من اخوه وحط فيها صيانه 3 الاف ريال وقبلها 1500 مدري وش عليه

السياره صحيح نظيفه ولكن اعرفها قطعها رخيصة كيف وصلت المبلغ هذا وهي مجرد تجديد

يقول احس انهم ضاحكين علي لكن وش اسوي ما اعرف احد ولا افهم شيء

وصلنا الصناعية فتح الكبوت جاء الميكانيكي ولا ثواني سحب الهوز حق البنزين لقاه مفصول اصلا 

مكسور الكلبس حقه رجع شبكه وقاله شغل السياره يتأكد واشتغلت طبيعي 

قاله خلاص طفي عشان بيضبط الهوز نفسه لانه ما ينباع الكلبس لحاله لازم الهوز كامل

المهم جالس اتكلم مع الرجال هذا راعي السياره واوضح له كيف يقيس الامور

لانه بالبدايه اول ما جات السطحه كان ناوي يوديها للي ناصبين عليه من الجنسية التركية

ولو وداها عندهم كان قالوا له طرمبة وخسروه او ممكن قالوا له المكينه ضربت وهو بيصدق بعد

مبين ينلعب عليه بسهولة سيارته 6 سلندر وهو يقول 4 ماهو مقتنع

المهم جالس اتكلم معاه اقوله لو وديتها لواحد ماهو ثقه كان قالك خلها وتعال بكره وقالك غيرة طرمبة

واشياء تكلفك 700 ريال كحد ادنى 

لكن هذا عطاك هي من النهاية وانت واقف عنده ولا ضحك عليك ولا شيء 

وجالس يضبط الكلبس ويحاول يولف له نص ساعه تقريبا لا تقصر معاه

بالنهاية بعد ما خلص عطاه 50 ريال قال ما صلح شيء بالسياره 

والله الشرهه ماهي عليك الشرهة على اللي يوقف معك 

كان خليته يضحكون عليه الصناعية وينتفونه افضل 

لكن بعض الناس ما تمشي بالواقع تحب الناس اللي تضحك عليها تحبها وكل شوي تتعامل معها


اولا بالنسبة للاصلاح الورش هنا نظام غير اذا تصلح يطلعلك الف حكاية قله صلح كانك قلت له فك ماكينة وجير ! 

ثانيا راعي الانفينيتي يخاف انك تاخذ عمولة عليه الله يشفيه مايعرف مين ابو خليل ونقاطه سالب الحين بما كسبت يداه 

ثالثا ابيك ع الوتس ياعسل 


up 1 down 2
benz lover -77
قبل 6 سنه



اقتبس من كلامك اهم مقولة ....

انا ابي المساكين مثلي نفكر مع بعض ونحاول ناخذ الارخص

و هذا اللي جمعنا بهالمنتدى البسيط للناس البسيطين
تبادل الخبرات و الحصول على أفضل الحلول بتكلفه مناسبة لنا





up 9 down 0
أبو نجوى 2442
قبل 6 سنه



والله يابن الحلال منتك على العالم ذي بتضيع اجرك ان كان لك اجر من منتك على خلق الله 
على كلمه وعلى استشارة زي وجهك تقدمها للناس سويت لنا سالفة وانا وانا .. اللي يبي يسوي خير يسويه بسكان ويقطه بحر 
مايجلس يشهر بالعالم وراعي الانفنيني ومدري ومن تذكر اسماء اعضاء وتحاول تحرجهم .. 
اما سالفة كل يومين تمدح فنفسك انا اساعد وانا اسوي وانا افعل مالها داعي ترى ! 


up 14 down 15
fx2y -207
قبل 6 سنه



ابو احمد .. ليش اصلح السيارة باغلی القطع كلام شبة سليم 
اما يمكن انصدم وتروح تالف .. اجل ليش من البداية اشتري سيارة 
يمكن من اول يوم انصدم وتروح تالف .. علی كذا بوفر فلوسي واطق مشاويري كعابي

وابراهيم كلامك سليم مني مغير صدام سيارة راس مالها 20 عشان كسر بسيط .. خله يولي
بس عجبتني .. "اذا طلعت ولقيت الكفر مبنشر شب بالسيارة وطقلك وحدة جديدة وكالة"


وبالنسبة لراعي الانفنتي يمكن مايبي يتعبك معاه 


up 4 down 1
max77 70
قبل 6 سنه



كلامك صحيح
لكن انا العكس
الشكل الخارجي والداخلي والديكور ما اهتم فيه محكحك ومدري وش
لكن اللي وسط الكبوت ورررده   :) 


up 1 down 0
sehly11 648
قبل 6 سنه



ابراهيم انت رجال اكبر مني ومايعيبك شي 
واي موضوع انزلو اقول يارب ترد عليه
لكن اسمحلي ياخي اسلوبك هجومي جدا وصبرك ينفذ
سريع. هدي يخوي ههههههه


up 0 down 2
ابو امااني 2067
قبل 6 سنه



موضوع ممتاز و فعلا ناس كثير ينضحك عليها بسبب جهلها 




up 1 down 0
elegant 731
قبل 6 سنه



ودي اقرا
بس كلام مال انتا نفر قرقر كثير انا عيون حق مال انا فيه تعب وزغللا كثير


بسم الله الرحمن الرحيم 




يقدم لكم مركز وقت الصيانة .. قناة في اليوتيوب لشرح اعطال السيارات وطريقة تعديل وتلغيم السيارات وحل مشاكلها .
القناة جديده ونسعد بدعمكم لنا .. حيث راح تتضمن الكثير من الحلول لسيارات الشفر والتايوتا وبقية السيارات .. حيث راح يقدم المهندس ابو باسل الكثير من المشاكل للسيارات وطريقة حلها والتشيك عليها .
الفائده للجميع والمعلومة للجميع .. نريد منكم الدعاء والدعم لنا .. 




رابط الحلقة الاولى :




التي تتكلم عن مشاكل التبريد وطريقة عمل بلف الحرارة وكيفية فحص الرديتر والتشيك عليه ، وعمل صيانه له 




https://www.youtube.com/watch?v=6qHpNZQrRUY








الذي يشرح فيها المهندس ابو باسل عن ماهية الحلقه ومحتواها ..وقريبا نزول الحلقه الثانيه التي تبدا بسلسلة طرح مشاكل واعطال السيارات بشكل متسلسل وطريقة حلها 








رابط القناة :
https://www.youtube.com/channel/UCMejUsME427SFvnYdefC3RQ




بامكانكم البحث عن اسم القناة في اليوتيوب " وقت الصيانه "




نستقبل اقتراحاتكم وارائكم عن طريق الايميل التالي :
m0oh3mmed@gmail.com




وفق الله الجميع


up 1 down 0
asyer 121
قبل 6 سنه



ابراهيم الله لا يهينك مر على موضوعي

http://chevrolet.montada.haraj.com.sa/53516/


up 0 down 0
asalami 2179
قبل 5 سنه و 11 شهر