تقييمك للسيارة من قيادتها

40 37

لايمكنك التصويت حتى الحصول على 20 نقطة على الأقل
إضغط هنا للإخفاء

ابراهيم التركـي 1065
قبل 9 سنه و 7 شهر

السلام عليكم ورحمة الله وبركاته

ملاحظ كثير من الاعضاء يمدح سيارة معينه وكفو وكلام فاضي

على اي أساس تم التقييم وش سيارتك اصلا عشان جربت نوع ثاني وعجبك

شريت سيارة جديدة مثلا وش كان معك سيارة عشان تمدح الجديدة

لاني اشوف ناس تمدح سيارات تحطها فوق السماء وهي ما تسوى او عادية

والبعض يقول معي مثلها ماخذها وكالة ومريحه وعزل ممتاز ومكيف وعزم ما يحتاج

وهو ماخذها ايجار منتهي بالتمليك واغلب اللي ياخذ ايجار منتهي بالتمليك

كانت معاه سيارة قديمة ومتعبته عشان كذا اتجه للايجار منتهي بالتمليك

ما تحصل احد معاه سيارة موديل حديث ونظيفه ويروح ياخذ ايجار منتهي بالتمليك

عشان كذا تحصله انتقل من موديل قديم الى موديل حديث مهما كان نوعها بتعجبه

قبل 6 سنوات تقريبا كان معي فورد موديل 89 ورايح فيها ما تضمنه حتى داخل المدينه

لدرجة لو عندي مشوار الظهر ما اطلع اعرف بيسخن وما بوقف بالحر بالشمس من الخرابات

يوم من الايام بطلع الظهر واخذت موتر واحد من الشباب اكسنت 2005 او 2004 

والله يوم ركبتها وطقيت المكيف حسيت اني راكب افخم سيارة ههههههههههههه

يكفيك راكب سيارة تضمنها تطلع بالظهر ما تسخن ولا شيء ومكيف بارد 

يعني فيه راحه نفسيه فقط وهذا اللي خلاني ارتاح ودي اسافر فيها اي مكان هههههههههه

ولو كان معك لو كورولا موديل 2007 مثلا وتركب الاكسنت القديمة ما بتعجبك ابدا

هنا الاختلاف وش كان معك سياره قبل عشان تحكم عليها

مرت الايام واخذت اكسنت 2006 ايجار وكنا بعام 2009 

كنت بالرياض وقتها وبروح القصيم وبرجع على طول مستعجل واخذت سيارة واحد من الشباب

كامري 2009 و قير عادي

اول ما ركبت السياره وعشقت ومشيت يالله وش هالموتر فرق عن الاكسنت 

تحس انك راكب فيراري ههههههههه

وبالخط حاط رجلي واحس اني مرتاح والعزل فوق الممتاز ومريحه ومكيف وكل شيء ممتاز ما يحتاج

والسبب لان اللي قبلها اكسنت رايحه فيها اكيد بشوف الكامري موتر عليه الكلام

واحد من اقاربي كان معاه سيدرك مدري وش موديلها اعتقد 98

وبعام 2011 اخذ سوناتا وكالة ومعاه لحد اللحين

اذكر اول ما اخذها كرفها خطوط مبسوط بالسياره ما وده ينزل منها

وهي لو تجي للواقع تعتبر عاديه 

لذلك تبي تشتري سياره او تبي معلومات عنها ماهي صعبه تستأجر يوم وتجربها بنفسك

ولا تروح على كلام غيرك وهو يمدحها ولا تدري اللي يمدح لك السياره وش تاريخه بالسيارات

او وش كان معاه سياره قبلها

الفجر رجعت من القصيم كنت هناك وعرفوا اقاربي اني ادور كابرس او لومينا احطها تاكسي

ولكن على اساس لومينا 

واحد منهم ولا هو صغير بالاربعين تقريبا لكن ملقوف وفيه شوفة نفس

يقول ما احد يحط لومينا تاكسي حراره وخرابات والناس تشتكي منها و 8 سلندر 

هنا تدري ما عنده سالفة

طيب هذي هي معي ما اشتكت من شيء ومشاويري كثيرة عليها 

ابي اسايسه قلت وش اخذ طيب 

قال شوف السيارات الصينيه الجديدة رخيصة وعليها ضمان وشوفها تاكسي تكرف

قلت له بشتري بفلوسي مالك دخل حتى لو توقف بكل شارع

لاني ادري فيه حسد ووساخه بقلبه قريبي واعرفه زين 

هذا باختصار موضوعي اليوم

عندك تجربه شيء اطلع بنفسك جرب افضل من تاخذ اراء الناس وكيف سواقتها وكيف العزل

يمكن يناسب غيرك ولا يناسبك

إبلاغ

الردود