انغشيت بسيارة مصدوة حسبي الله ونعم الوكيل
15
1
إضغط هنا للإخفاء
السلام عليكم ورحمة الله
يا جماعة أنا مادري كيف هالناس تقبل تاكل مال حرام في رمضان وبالعشر الأواخر.
الموضوع بدا يوم قريت اعلان عن تاهو ٢٠١١ بدي وكالة ما جته حكه حسب كلام المعلن.
استخرت الله وعزمت على الشراء .
أنا كنت متواجد بالطائف والموتر بالرياض وصاحب الموتر بجده ، كنت حريص أني افحص الموتر قبل لا أتوهق بس راعي الموتر حلف لي ان السيارة نضيفة ولا فيها شي. وانا كنت مستعجل على الموتر .
المهم شحن الموتر للطائف وأول ما مشيت فيه شكيت في الموضوع .
الموتر ينسم هوا من كل مكان فا رحت اشيك عليه الا هنا الكارثة .....
الموتر نصه مرشوش وباب السواق والرفرف الأمامي اليمين فيه معجون.
حسبي الله ونعم الوكيل
كلمته صاحبه وبكل برود كان يقول الموتر ما كان معي ولا كنت ادري ان فيه صدمه.
مع الأخذ والرد الي غشني ما عنده نيه يرجع فلوسي.
وش الحل أفيدوني الله وجزاكم خير
إبلاغ
الردود
اذا بتطالب بحقك لازم يصير نفسك طويل لين تاخذ حقك وافي
واذا اختفى الرجال ومالقيت له عنوان ارفع يدينك للي ماتنام عينه وادع باللي تبي
1
0
ربنا بينك و بينه
لكن لا تخلي هذه الحركة تعدي
يعني لا تسكت أبدا عن حقك
سكوتنا سبب في تمادي التجار في النصب و الإحتيال
سوي مثل ما قلت لك
و إذا ما نفع معك شي كلف أحد من خويانك يستقعد له
و الشباب ما يقصروا
رسالة وحده في البلاك بيري واحد محتاج تبرع مع رقم الرجال
و رسالة على المنتديات و القروبات
نصيحتي لك و نصيحة كل الأخوة لك انك ما تسكت عن حقك
حتى لو انت عارف انك ما حتاخذ لا حق ولا باطل
على الأقل صارت عليه شوشره
و العيار اللي ما يصيب يدوش
قبل 11 سنه و 8 شهر