بترومين وغسيل المكينه والراس ضرب

اظن الضمان يومين لذالك الحق نفسك واتصل على الرقم حقهم و ارفع بلاغ 
و اتصل على وزارة التجارة و عطهم الحاصل وقلهم يسجلون بلاغ 
عشان لو راح الوقت تكون مثبت المشكلة قبل 

اول إجراء 
ارجع لنفس الفرع وبلغهم بالتعويض (1)
في حال عدم التجاوب أو التهرب اتصل على 1900 وارفع بلاغ وبلغهم انك راجعت الفرع ولا تم تعويضك (2)
قم بتصوير مقطع فيديو لسيارتك وفرع بترومين منه تحذير لإخوانك المسلمين من هذه المشكلة ، ومحاولة ترهيب للمشحمة
وسلاح فعال إذا استخدمت المقطع لصالحك في تويتر واليوتيوب (3)

(4)
انت شخص متضرر لا تنسى ذلك ، فالبعض سيأتي ويحبطك ويقول لن يتم تعويضك.

^
^

خطوات مجربه وتم تعويضي في جوالي المنفجر قبل سنة علماً بإني أحدثت ضجة في الصحف الإلكترونية حتى تم تعويضي ولله الحمد.

أتصل على وزارة التجاره هذا الرقم 1900وأقدم شكوى
أو عن المواقع الالكتروني للوزارة التجاره

مشكلتك الحاليه اسداد الشخال او طرمبه الزيت وبالتالي نقص تزيت للمكينة خصوصا الجزء العلوي

يعطيكم العافيه يا اخوان ، شغلت السياره الصباح الان واللمبة حقت الزيت اختفت والصوت خف شوي لكن اتوقع لو امشي شوي بيضرب ، وما ابي اوديها لهم ويقولون وين اللمبه السياره نظيفه مافيها شي ؟؟؟

اخوي الله يهديك ليش تلعب في السيارة؟؟
ومعروف اذا حطيت زيت غسيل مكينة راح ينسد عندك طرمبة زيت المكينة
ارجع لهم ولا تتحرك الا بسطحة لا تشغلها نهائي وبلغهم بالتعويض
لكن العيب مو منك ولا من بترومين 
العيب من وزارة التجارة الي ترخص منتج يعطل محركات السيارات وهذا هدفهم للاسف
اي شي يضر المواطن يحطونه والي فيه منفعه للمواطن او المقيم ينسون موضوعه
مثل استيراد السيارات من الخارج تم منعها الا بموديل جديد يعني ماشاء الله خايفين على المواطنين من سيارات قديمة توصلدالسعودية
والله يااخوان شفت بعيني امس كامري موديل ٩٣ معروضه للبيع في الشارع وبتراب الفلوس في امريكا ونظيفة جدا كانها جديده ما شاء الله وفل كامل ٦ سلندر
وسعرها اقل من ١٠ الاف ريال 
ليش ما يفتحون باب الاستيراد ؟؟
قريبا جدا راح انزل موضوع عن السيارات المعروضه للبيع في امريكا وشوفون نظافتها وسعرها المشجع للمستهلك 

اخوي الله يهديك ليش تلعب في السيارة؟؟
ومعروف اذا حطيت زيت غسيل مكينة راح ينسد عندك طرمبة زيت المكينة
ارجع لهم ولا تتحرك الا بسطحة لا تشغلها نهائي وبلغهم بالتعويض
لكن العيب مو منك ولا من بترومين 
العيب من وزارة التجارة الي ترخص منتج يعطل محركات السيارات وهذا هدفهم للاسف
اي شي يضر المواطن يحطونه والي فيه منفعه للمواطن او المقيم ينسون موضوعه
مثل استيراد السيارات من الخارج تم منعها الا بموديل جديد يعني ماشاء الله خايفين على المواطنين من سيارات قديمة توصلدالسعودية
والله يااخوان شفت بعيني امس كامري موديل ٩٣ معروضه للبيع في الشارع وبتراب الفلوس في امريكا ونظيفة جدا كانها جديده ما شاء الله وفل كامل ٦ سلندر
وسعرها اقل من ١٠ الاف ريال 
ليش ما يفتحون باب الاستيراد ؟؟
قريبا جدا راح انزل موضوع عن السيارات المعروضه للبيع في امريكا وشوفون نظافتها وسعرها المشجع للمستهلك 

اذا انت من الرياض اطلع مخرج ١٤ ادارة بترومين  الدور الثاني وبلغهم انا اعدمو على مكينة x6  bmw حسبي الله عليهم نسو الصره حقت الزيت مرتخيه ماشدوها  وانا على طول بلغة الغرفه التجاريه 

سبق ونزلت موضوع عن بترومين وغسيل المكينه ماعندهم الى التلاعب وشفط مافي جيب الزبون انتبهو من غسيل المكينه وحتى من التغيير عندهم من اسعارهم الخياليه

ي شباب حتى انا صارت لي نفس المشكله غسلت المكينه وصارت نفس مشكله الرجال رحت للورش قالو  غير طرمبة الزيت وغيرتها ورجع نفس الصوت والمبه حقت الزيت ومشيت عليها ورتفعت الحراره وضرب الراس حق المكينه مدري وش اسوي اغير المكينه ولا كيف 

هذا بترومين و هذي فعايله 
اسعار فلكيه و يعطلك يتأخر التغيير كنك بتوضب مكينة مو تغير زيت 
و اسعار مدري كيف يعني تغير برا بفرق 20 الى 30 و يمسح لك قزاز و ياخذ 20 ريال حراميه 
غير زيت عند اي بنشر و افضل انك تاخذ زيت اصلي من محلات الجملة او الوكاله و غير و خلك على راسه لي يخلص و تعامل مع شخص يصير يفهم في تغيير سيارتك و كل شي و خلاص 

وين ياخذ 20؟ علبة الزيوت التخليقة اللحين عند بترومين ب 60 ريال حشى ذهب موب زيت!!
وبالنسبه ل 5w30 اخذ فوكس ديكسوس تطلع علي العلبة ب 20.5 يعني الكرتون ب 250 ريال 
وعندك ايسديلكو 5w30 ب 18 ريال تخليقي بعد ..
بترومين ماخذ صيت على الفاضي والدلمبخ اللي عندنا لاشافهم فلبينيه قال فاهمين وهم حمير 
وشف السياسه لشركة بترومين قالت اجيب عمالة فلبينيه مشهود لها من الجميع وادربهم على سرقة الناس 
هو صحيح برضاك لكن يوم يجيك الفلبيني يقول " اوووه سديق زيت مره اسوووود لازم غوسيل مكينه" العليمي اكيد بينخرش على مكينته ويقول سو غسيل مكينه !
وطبعاً بعدين لاوقع الفاس في الراس محد بينفعك وصدقني حتى لو عوضوك عن اللي صار بعد مرمطه ومراجعات وشغله طويله عريضه ماهم قايلين يلا ياحبيبي خربنا مكينتك بنعوضك بوحده غيرها 
لا ياحبيبي سياسة شركات وصخه حتى لو غروك بضمان وغيره  مثل الجوالات انا اتحدى شخص استفاد من ضمان اي جوال اشتراها كلها كذب وضحك على الدقون وعشان يغلون سعر الجوال والشغله كلها نصب في نصب 
لكن اعيد واكرر الذيب يعرف من اين تؤكل الكككتف ..
وبالنسبه لتجربتي مع زيت غسيل المحرك جربتها اكثر من مره الصراحة ولا حصل الا كل خير وعند بترومين 
لكن موب كل مره تسلم الجره والواحد يتعلم 

وموفق ياراعي الموضوع ومعوض خير ان شاء الله.

الأخ fx مع احترامي تقول الدلنبخ ومدري ايش وان هذولا فلبن حمير وتسب في بترومين ولا يضحكون عليكم واخرتها انت لك تجارب عندهم بعد ومن كبار عملائهم وفر نصيحتك لنفسك ولا عاد تطب عندهم 

دايم أغير عندهم ويرجني بغسيل المكينة
وأنا أرفض

عموماً لا تشيل هم
إرجع لهم بالسيارة وراح يتجاوبون معك

واحد من أقاربي صارت له نفس مشكلتك في سيارة كيا سيراتو 2012
غسل المكينة عندهم وغير زيت وسيفون واليوم الثاني السيارة رفضت تشتغل
شالها سطحة ووداها لهم كشفو عليها وعرفوا أن المشكلة من غسيل الميكنة

المهم مدري أيش نوع المشكلة اللي صارت في السيارة
الزبدة أنهم شالوها للصيانة وصلحوها على حسابهم مع شراء قطع غيار من الوكالة

الآن سيارته رجعت تمام مثل أول

أنت حاول تتواصل معهم على رقم خدمة العملاء وتقدم بلاغ
وشوف أقرب فرع لك وروح لهم أو أرجع لنفس الفرع 
وترى معلومات سيارتك مسجلة عندهم - تاريخ الصيانة ونوعها ورقم اللوحة والهيكل

وإن شاء الله مشكلة سيارتك تكون بسيطة

التجاره قدم شكوى وخذ طلب .
--------------
الحق بكرة يغيرون وزيــــــــــــــر التجاره !! بعدين انسى .

وفق الله وزيـر التجاره وجزاه الله خيرا .

عتيج انا كنت واحد من "الدلنبخ" ذولي عادي الواحد يعترف وين المشكله 
وبعدين تكلم زي الرجال وباحترام ولا اقطع واخس ! واضح

انا جربتهم وكانت تجربه موفقه بس سلخوني بالسعر وحرمت بعدها اغسل مكينه 
بعد مناقشات انا وخوي قالي ضحك على الدقون وقال الى يغسل المكينه تغير الزيت قبل الموعد مع الفلتر الاصلي وبس يعني لو تبي تغسل مكينه 
تغير زيت كل 1000 كيلو مع فلتر 3 مرات وراح تطلع مكينتك زي الورده لان دوران الزيت النظيف والجديد باستمرار بالمكينه 
هو سبب يخلي مكينتك نظيفه 
انصحكم على محل معين تغير منه زيت ويكون امين وعادي لو طلع ابو يمن اهم شي فوق راسه وبس ولا يغركم الفلبينين 
ترا الفلبينين انواع في حقين قرى وريف هذولي غلابه وفي حقين المدينه هذولي شاطرين بس ما يتنزل يشتغل بمحل بنشر 
ذولي الفنين تلاقوهم بافضل الوكالات او الورش الفخمه وعاد انتو افهموها