أضف سؤال أو موضوع جديد          

السيارات الأمريكية المستعملة وأسعارها في متناول الجميع

up 28 down 6
t o m a h a w k 732
قبل 2 سنه و 4 شهر



السلام عليكم ورحمة الله وبركاته
موضوعي اليوم لعيونكم حبايبي وهو قرار منع استيراد السيارات المستعملة 




لأنه للأسف مافيه أي قرار عندنا يتخذ في مصلحة المواطن




كل القرارت تخدم التجار وخاصة مثل التجار الكبار مثل
 عبد اللطيف جميل والجميح وغيره ....








يوم سمحوا باستيراد السيارات المستعملة الناس معد صارت تشتري جديد بسبب سعرها المبالغ فيه وراحت للسيارات المستوردة الي عليها ضمان يصل الى 5 سنوات








وبذلك قلت أرباح وكلاء السيارات فتدخلت وزارة التجارة الي يسيطر عليها معظم التجار الكبار ومنعت استيراد السيارات المستعملة 








لذلك لم يبقى امام المواطن الا سيارات الوكالة الي عليها ضمان وجديدة وبعض السيارات الجديدة فيها اعطال مصنعية وشغلات طويلة عريضة بين المحاكم ووزارة التجارة وشيخ الورش والوكالة علشان تاخذ حقك منهم 
وبكذا تزيد نسبة ارباح المعارض والوكالات والمواطن كالعادة هو الضحية في بلد العشرة ملايين برميل يوميا




المعارض في امريكا يوفرون كل سبل الراحة للعميل سيارات تقسيط او كاش بأرخص الأسعار والسيارات الي فوق ١٠ الاف دولار مافي احد يشتريها كاش الكل تقسيط حتى المليونير هههه لكن المشكله التأمين غالي عندهم في الشهر حوالي ١٢٠٠ ريال




الصور من تصويري الخاص في امريكا ليوم الأثنين ١٨ مايو ٢٠١٥
وشافني راعي المعرض وانا اصور وقلتله بنزل موضوع عن السيارات المعروضه في امريكا في السعودية توقعت انه راح يصكني كف ههههه انبسط الرجال وابتسامة حلوه مني ومنه وخلاني آخذ راحتي في التصوير واعطاني كرت المعرض 
اصحاب معارض السيارات تهمهم سمعتهم وأهم شئ عندهم الأخلاق والصدق وحسن التعامل وللمعلوميه بعض السيارات عليها ضمان مثل الهوندا السيفيك الكوبيه فل كامل موديل ٩٧ وسعرها 2999 دولار
 اتمنى من المسؤلين إعادة التفكير في قرار منع استيراد السيارات 
وكل واحد حر في فلوسه يشتري من خارج السعودية او من داخل السعودية جديد او مستعمل  وبسبب الي دخلهم محدود ومعاه مبلغ بسيط حوالي ٣٠ الف ريال او أقل وما يقدر يشتري جديد تجبرونه يشتري من الحراج سيارات سكر في موية ومافيها وسائل سلامة وملعوب فيها وفوق كذا اسعارها خيالية وكلها معجون وسمكرة لا والله اخذلي سيارة نظيفة من امريكا وفيها وسائل سلامة وعليها ضمان اشتريها وانا مرتاح البال .
اترككم مع الصور




















































إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ولاية فلوريدا مدينة تامبا


up 3 down 1
t o m a h a w k 732
قبل 2 سنه و 4 شهر



الموستنج ب 3750 ريال يابلاش بس وراك شحن وجمارك وقطع غيار يمكن تاصل لك لبيتك ب 13 الف من تقديري الشخصي وهنا تلقا ماريز معدوم موديله 99 وطالب فيه 15 واستمارته منتهية من 5 سنين غير القطع اللي يبيها


up 1 down 2
ahamd9477 109
قبل 2 سنه و 2 شهر