ارتفاع مفاجئ لدرجة الحرارة واختفاء الموية

تكد من عطاء ارديتر لايكون يسرب بخار وشيك على اليات لان الحراره ازايده تضرب عليك راس المكينه 

اشيك عليها دايما الاقيها تمام لاكن امس نقصت حق نص جالون موية ابو 4 ريال

انت عبيتها الان 
اذا ارتفعت بعد كم يوم ولا وصلت النص 
شيك على الليات ممكن فيه تسريب او شف غطا الرديتر 
ماعتقد ان الارتفاع المفاجئ سببه نقص ماء
لو المشكلة فقط نقص ماء كان من الاول ارتفع للنص تقريبا ويستمر معك كم يوم  وبعدين ترتفع فوق النص وتوصل للاتش

ممكن لما ارتفعت الحرارة بالظهر ووصلت لاتش وانت مكمل طريقك للبيت ، الرديتر فور المويه وخرج الماء من القربه الموصوله بالرديتر
الحرارة لما توصل للاتش الماء بالرديتر يكون مفور لانه وصل لدرجه الغليان وبيخرج مع القربه

اخوي يا ليت تذكر 
هل موجود بلف الحرارة ؟
وش لون المويه الان ؟
وش نوع المويه السابقه قبل الزياده ؟
ليات المكيف الحار مفصوله ؟

شوف طرمبه المويه أواللي الحار حق المكيف في النادر تهريب طفيف من الراديتر غير ملحوظ بسبب تبخره سريعا.

اخوي khalidoo
بلف الحرارة مدري عنه
لون المويه السابقة اخضر لاكن زدتها مويه عادية وحاسها ما انخلطت مع بعض اشوف الخضرة تحت والعادية فوق
ليات المكيف شفتها مفصولة ومحشي داخل بوجي

بما ان الجو الان صار حار نصيحتي لك كالتالي :
1/ غير مويه اصليه ( ميتسوبيشي ) مع مقطره بنسبه 50% . سبب التغيير ان الصيف جا و السبب الثاني انك اضفت مويه عاديه .
2/ اضف مع المويه المقطره نيلة ملابس ( زهرة الغسيل ). لكشف التهريبات و مشاكل الراس لا سمح الله .
3/ اشتر بلف حرارة مع وجه كوع اذا كان موجود . لان شيل او خراب البلف يسبب حرارة عند الوقوف و السرعات العاليه.
3/ اشتر غطاء رديتر اصلي .
4/ افحص فيوزات و كتاوت المراوح مع السرعات و حساس تشغيل المروحه .
5/ تاكد من خراطيش المويه انها في مكانها مثبته و لا فيها شقوق او ليونه زايده .
6/ رجع ليات المكيف . لانها تسبب حرارة في الجهه الخلفيه من المكينه و الجهه الاماميه تكون بارده بسبب الهواء المباشر .
7/ افحص الطرمبه و تاكد من انها ما تطلع صوت او ان بكرتها ما تدور بسرعه اذا فريتها بيدك لازم يكون فيها شوي مقاومه أ, ان ضغطها ضعيف .

خلال الايام الجاي افحص مستوى المويه كل صباح و السيارة بارده اذا كانت تنقص لا تغيير المويه لما تكتشف التهريب ممكن يكون على شكل سايل او بخار ماء 
و الطريقه كالتالي :
في الصباح شغل السيارة  و اذا سخنت السيارة ادعس كذا مره و اذا شفت دخان ابيض حتى لو خفيف فهو احتمالين :
- جلد بلوف 
- مويه تحترق مع الهواء و البنزين ( يا راس او وجه راس ).

و بحكم ان المويه خضرا صعب تحدد من وين مكان التهريب لو ان المويه مصديه كان اسهل لكن جرب حط نيلة الملابس و شف اذا طلعت الصبغه الزرقاء في :
- الطرمبه .
- الخراطيس 
- الطبات .
- الغطاء .
- الخرطوش اللي بين الرديتر و قربه المويه 
- خراطيش الحار.

و خلال افتره هذي حاول تحدد متى ترتفع الحرارة مثلا مع السرعه او الوقوف او السرعات العالية .

و اعتذر على الاطالة .

جزاك الله خير والحرارة ترتفع لفوق النص في الوقوف
لاكن في السرعات العالية توصل للإتش

على السرعات العالية : 
- طرمبه ضعيفه او تجاريه او خربانه .
- مشكله في الراس او الوجه .
- بلف الحرارة خربان .
- الرديتر مسدود .

عند الوقوف :
-طرمبه ضعيفه .
- مراوح .
بلف الحرارة يا خربان او غير موجود .

و ليات الحار قد تكون سبب في الحالتين 

و اذا الاخوان عندهم اضافات  او تصحيح يا ليت يفدوننا 

الاخوان ماقصروا
لكن كأني فهمت من كلامك انك مشيت على السيارة والحرارة عند الأتش ؟!!
عند الإتش خطير جدا تمشي لأنه يأثر على راس المكينة
يبيلك تودي السيارة لكهربائي وتشرحلة كل شي وهو يغير الشي الي تحتاجه

شيك على بلف الحراره